YK-news.kz حابارلاعانداي، وقىس وقيعا 18 مامىردا كەشكە قاراي وسكەمەن قالاسىندا بولعان.
بالتامەن قارۋلانعان ازامات ءوزىنىڭ ايەلىن كەپىلگە الىپ، ۇيىنە قامالىپ، بيلىك وكىلدەرىنىڭ كەلۋىن تالاپ ەتتى، دەلىنگەن حابارلامادا.
قالا اكىمى وقيعا ورنىنا شۇعىل جەتىپ، اينالاعا ءقاۋىپ توندىرگەن ازاماتتىڭ ۇيىنە كىرۋدى ءجون دەپ شەشتى.
جاقسىلىق ومار ۇيگە كىرىپ، ەر اداممەن سويلەسىپ، ايەلىن جىبەرۋدى ءوتىندى.
ولاردىڭ نە جايلى سويلەسكەندەرى بەلگىسىز، ءبىراق ءبىر انىعى - كەپىلگەن الىنعان ايەل بوساتىلدى.
ودان كەيىن اشۋلى ازامات بالتاسىن تەرەزەدەن لاقتىرىپ، اكىممەن بىرگە سىرتقا شىعىپ، ءۇيدى قورشاۋعا العان پوليسيا جاساعىنا ءوزى بەرىلدى، - دەپ اتاپ ءوتتى باسىلىم.
وقيعانىڭ ەگجەي-تەگجەيى ءالى بەلگىسىز.
