بۇل سپورت كەشەنٸنٸڭ بٸر ەرەكشەلٸگٸ پايدالانۋعا بەرٸلگەنٸنە بٸرنەشە جىل بولعان ەرٸ قۇرىلىسى جاڭادان بوي كٶتەرگەندٸكتەن, عيماراتتارى زاماناۋي ٷلگٸدە. ٷش عيمارات قاتار بوي تٷزەپ, سپورتپەن شۇعىلدانعىسى كەلگەندەرگە قولايلىلىق تانىتىپ وتىر. جاس ٶسكٸندەر بٸر مەزگٸلدە جەكپە-جەكتٸڭ تٷر-تٷرٸمەن شۇعىلدانىپ, جەڭٸل اتلەتيكا كەشەنٸندە جٷگٸرٸپ, باسسەيندە جٷزە الادى. قازٸر قالانىڭ جاستارى مەن بارشا تۇرعىندارى وسى كەشەندە ٶزدەرٸنٸڭ قالاعان ۋاقىتتارىندا كەلٸپ, سپورتپەن شۇعىلدانىپ جٷر. بولاشاقتا بۇل كەشەننٸڭ قاسىنان وبلىستىق سپورت مەكتەبٸ بوي كٶتەرمەكشٸ. الداعى جىلدارى وبلىستىڭ سپورتشىلارى تٷرلٸ جارىستاردا ەل قورجىنىن مەدالمەن تولتىرسا تاڭعالۋدىڭ جٶنٸ جوق. قازٸردٸڭ ٶزٸندە وبلىستا سپورتپەن شۇعىلداناتىنداردىڭ سانى ارتىپ كەلەدٸ. قازاق كٷرەسٸمەن اينالىساتىنداردىڭ سانى شىعىستا كٶپ ەكەنٸن بۇعان دەيٸن ەل-جۇرتقا حابارلاعان بولاتىنبىز. بۇل دا بولسا بۇقارالىق سپورت تٷرٸنٸڭ دامىعاندىعىنىڭ بٸر دەلەلٸ بولسا كەرەك.
بۇل ساراي كٷندٸز-تٷنٸ جاتتىعۋشىلاردان بوسامايدى. سپورت نىسانىنىڭ ەكٸنشٸ قاباتىندا 3 سپورتتىق زال ورنالاسقان. كٷرەس جەنە بوكس زالى, دزيۋدو زالى جەنە تاەكۆوندو مەن كاراتە زالى بار سارايدىڭ ەر سەكتسيياسىندا كەستە بويىنشا جاتتىعاتىن جاسٶسپٸرٸمدەردەن بٶلەك, ٸرٸ جارىستارعا دايىندالاتىن كەسٸبي سپورتشىلار دا بار. ال بٸرٸنشٸ قاباتىندا حالىقارالىق ساتندارتقا ساي جارىستاردى ٶتكٸزۋگە ارنالعان جالپى اۋدانى 1161,8 شارشى مەترلٸك زالدا جەكپە-جەكتٸڭ تٷر-تٷرٸن ٶتكٸزۋگە بولادى. سپورت نىسانى 600 ورىندىق تريبۋنالارمەن جەنە 50 ادامدىق VIP تريبۋنامەن جابدىقتالعان. بٷگٸنگٸ كٷنٸ وبلىستا 9 (وليمپيادالىق جەنە وليمپيادالىق ەمەس) سپورت تٷرلەرٸن دامىتۋ قولعا الىنىپ وتىر. بوكس, ەركٸن كٷرەس, گرەك-ريم كٷرەسٸ, دزيۋدو, تاەكۆوندو, قازاق كٷرەسٸ, كاراتە, كيكبوكسينگ, سامبو بويىنشا تەلٸمگەرلەر مەن بولاشاق چەمپيوندار ٶرٸپ جٷر.
قايرات اباەۆ, جەكپە-جەك سارايىنىڭ ديرەكتورى:
– شىعىستا جەكپە-جەك تٷرلەرٸ دامىپ كەلەدٸ. كٷن سايىن وسى سارايدىڭ تٷرلٸ سەكتسييالارىنا قاتىسۋ ٷشٸن قالانىڭ بالالارى وسىلاي اعىلادى. بٸز وبلىستىڭ تٷكپٸر-تٷكپٸرٸنەن تالانتتى جاستاردى وسىندا ماشىقتاندىرىپ, وبلىستىق, رەسپۋبليكالىق, حالىقارالىق جارىستارعا دايىندايمىز. الداعى ۋاقىتتا ارنايى سپورت مەكتەبٸ سالىنادى دەگەن جوسپار بار. ەگەر قاسىمىزدان ول نىسان بوي كٶتەرسە, وندا بٸزدٸڭ جاس تالانتتارىمىز ٷشٸن ٶتە قولايلى شارت-جاعداي جاسالدى دەۋگە بولادى. قازٸر مۇندا بەس جاسىنان باستاپ اپتانىڭ ەر كٷنٸندە وسىندا كەلەتٸن قارادومالاقتار كٶپ. ولاردىڭ اراسىنان بولاشاقتا بٷكٸل ەلدٸڭ ماقتانىشىنا اينالاتىن سپورتشىلار شىعارىنا سەنەمٸن. بٸز قازٸر ٶزگە وبلىستارمەن جولداستىق كەزدەسۋلەر ٶتكٸزٸپ جٷرمٸز. سونداي-اق, رەسەيدٸڭ كٶرشٸلەس وبلىستارىمەن, موڭعولييا, قىتاي سەكٸلدٸ ەلدەردٸڭ ايماقتارىندا سپورت مەكتەپتەرٸمەن جيٸ تەجٸريبەلٸك كەزدەسۋلەر ٶتكٸزٸپ, ٶزارا ىنتىماقتاستىقتى ارتتىرۋدامىز.
سپورت كەشەنٸنٸڭ تاعى بٸر سەۋلەتتٸ عيماراتى – ورتالىق جٷزۋ باسسەينٸ.
حالىقارالىق زاماناۋي تالاپتارعا ساي جابىق باسسەين كەشەنٸ بەس بلوكتان تۇرادى. ەڭ نەگٸزگٸسٸندە اۋماعى 1050 شارشى مەتردٸ قۇرايتىن ٷلكەن باسسەيندە حالىقارالىق جارىستاردى ٶتكٸزۋگە بولادى. حاۋىز سۋىنىڭ ەڭ تاياز تۇسى 1,8 مەتر بولسا, تەرەڭ جەرٸ 4 مەتردەن اسادى. ال ۇزىندىعى – 50 مەتر.
مۇندا سۋعا جٷزۋ, سۋعا سەكٸرۋ, سۋ دوبى, سينحروندى جٷزۋ سىندى سۋ سپورتىنىڭ بارلىق تٷرلەرٸ قامتىلعان. كٶرەرمەن زالىنىڭ ٶزٸ اتشاپتىرىم اۋماقتى الىپ جاتىر. ورتالىقتاعى تٷرلٸ جارىستاردى تاماشالاۋ ٷشٸن بارلىق مٷمكٸندٸك قاراستىرىلعان. مۇندا ەر كٷندەرٸ جٷزۋگە قۇمار جاستار, قالا تۇرعىندارى, جارىسقا قاتىسۋشى سپورتشىلار, مەكتەپ وقۋشىلارى كەلەدٸ. بٸر ايتا كەتەرلٸگٸ, قالاداعى كەيبٸر ەلەۋمەتتٸك توپتارعا, مەكتەپ وقۋشىلارىنا باسسەيندە جاتتىعۋ, جٷزۋدٸ ٷيرەنۋ جەنە ۋاقتىلى كەستەمەن ماشىقتانۋ تەگٸن. مۇنداي مٷمكٸندٸك ٶزگە وبلىس ورتالىقتارىندا, ٸرٸ قالالاردىڭ ٶزٸندە جوق. جٷزۋ باسسەينٸ قازٸر سپورت مەكتەبٸنٸڭ قۇرامىنا بٸرەلگەن.
ارسەن تەن, سپورت مەكتەبٸنٸڭ ديرەكتورى:
– بٸزدٸڭ ماقسات – بۇقارالىق سپورتتى دامىتۋ. ەلباسى نۇرسۇلتان نازارباەۆ وسىلاي تاپسىرما بەرگەن بولاتىن. سپورت زالدارى نەسٸمەن ەسەم? سوندا جاتتىعاتىن حالىقتىڭ كٶپتٸگٸمەن, كٷندٸز-تٷنٸ بوسامايتىن سپورت سٷيەر قاۋىمىمەن سەندٸ. بٸز بۇل كەشەندە سپورتشىلاردىڭ جاتتىعاتىن ۋاقىتىنان بوس مەزگٸلدٸڭ بەرٸندە حالىقتىڭ دەمالۋىنا, جٷزۋ تٷرلەرٸمەن شۇعىلدانۋىنا جاعداي جاسايمىز. بٸزگە مەكتەپ وقۋشىلارى جيٸ كەلەدٸ. جٷزۋ سپورتى – سپورتتىڭ تٶرەسٸ. ول ادامنىڭ فيزيولوگييالىق دامۋىنا ەرەكشە وڭ ەسەرٸن تيگٸزەدٸ. جەنە سۋدا جٷزۋدٸ ەركٸن مەڭگەرگەن ادامنىڭ ٸشكٸ سەنٸمٸ ارتىپ, ٶز-ٶزٸن قۇرمەتتەۋدٸ, ەر نەرسەنٸڭ قادٸرٸن بٸلۋدٸ ٷيرەنەدٸ. بولاشاقتا ٶڭٸرٸمٸزدٸڭ داڭقىن اسىراتىن سپورتشىلاردىڭ كٶبەيەرٸنە سەنەمٸن. بٷگٸندەرٸ بالالارىن ەرتٸپ, وسىندا كەلەتٸن اتا-انالاردىڭ سانى ارتىپ كەلەدٸ. بۇل – جاقسى باستاما, وڭ ٶزگەرٸس. بٸز بۇعان قۋانامىز. اتا-انا بالاسىنا ٷلگٸ بولۋى كەرەك. بالاسىمەن بٸرگە ٶزدەرٸ دە سپورتپەن شۇعىلدانسا, قۇبا-قۇپ.
ولگا رىپاكوۆا اتىنداعى جەڭٸل اتلەتيكا مانەجٸ
ەل ماقتانىشى, لوندون وليمپياداسىنىڭ التىن مەدال يەگەرٸ ولگا رىپاكوۆا اتىنداعى جەڭٸل اتلەتيكا مانەجٸ قالا تۇرعىندارى ٷشٸن كٶركٸنە مەنٸ ساي سپورتتىق ورتالىق. بۇل كەشەن «قازاتومٶنەركەسٸپ» ۇلتتىق كومپانيياسىنىڭ دەمەۋشٸلٸگٸمەن سالىنعان. جالپى سىيىمدىلىعى 650 جانكٷيەرگە ارنالعان ەلٸمٸزدەگٸ بٸرەگەي سپورت نىسانىندا جەڭٸل اتلەتيكانىڭ تٷر-تٷرٸنەن جاتتىعۋعا بولادى. 60 جەنە 200 مەترلٸك جٷگٸرۋ جولدارى, بيٸكتٸككە جەنە قارعىپ سەكٸرۋ سەكتورلارى, سونداي-اق سپورتشىلاردىڭ كٶپسايىسقا دەيٸنگٸ جەڭٸل اتلەتيكانىڭ بارلىق تٷرٸ بويىنشا جاتتىعىپ, سپورت سەكتسييالارىنا جازىلىپ, وعان قاتىسۋعا مٷمكٸندٸك مول.
وبلىستىڭ سپورتقا جاۋاپتى اتقامٸنەرلەرٸ ٶڭٸردە جەڭٸل اتلەتيكانى دامىتۋعا بارىنشا نازار اۋدارىپ وتىرعاندارىن ايتادى. ەلٸمٸز سپورتتىڭ وسى تٷرلەرٸنەن كەنجەلەپ قالعاندىعى شىندىق. تەك ولگا رىپاكوۆا عانا قورجىنىمىزعا التىن سالعانى بولماسا, عۇسمان قوسانوۆتىڭ بيٸگٸن باعىندىرۋعا ٷمٸتتٸلەر بولعانىمەن, ول جەتٸستٸككە جەتە العاندار تىم از. ەندٸ وسى ٶڭٸردەن ولگانىڭ ٸزباسارلارى كٶپتەپ شىعادى دەپ ٷمٸتتەنۋگە بولادى. ٶيتكەنٸ, جٷگٸرۋ, سەكٸرۋ سەكٸلدٸ سپورت تٷرلەرٸنە قىزىعاتىن قالا جاستارى كٶبەيٸپ, كەشەن جاس جەتكٸنشەكتەردەن بوسامايدى دەيدٸ.
[caption id="attachment_12643" align="alignright" width="341"]
ولگا رىپاكوۆا, لوندون وليمپياداسىنىڭ چەمپيونى:
– بٸزدٸڭ كەزٸمٸزدە مۇنداي كەشەن تٷگٸل, جٸبٸ تٷزۋ جاتتىعۋ زالى دا از ەدٸ. بٸز ەر جەردە, ەيتەۋٸر سەل مٷمكٸندٸك تۋعان ورتادا جاتتىعىپ جٷرٸپ, وسى بيٸككە جەتتٸك. سول كەزدەرٸ شەتەلدەردەگٸ وسىنداي زەۋلٸم سارايلاردى كٶرٸپ, بٸزدە قاشان مۇنداي مٷمكٸندٸك بولار ەكەن دەپ ارماندايتىنبىز. سول ارمانىمىزعا ەندٸ جەتٸپ وتىرمىز. مەن بارشا جاستاردى سپورتپەن اينالىسۋعا شاقىرامىن. سپورت – تەننٸڭ عانا ەمەس, جاننىڭ دا ساۋلىعىن قالىپتاستىرادى. اتا-انالار ٶز بالالارىنىڭ بوس جٷرمەۋٸن قاداعالاعاندارى جٶن. بوس ۋاقىت – ەڭ زيياندى سەتتەردٸڭ جيىنتىعى. ودان گٶرٸ سپورتپەن شۇعىلدانسا, ادام ٶزٸن-ٶزٸ جەتٸلدٸرە تٷسەدٸ.
مەن ٶڭٸر باسشىلىعىنىڭ سپورتقا كٶڭٸل بٶلٸپ, بار مٷمكٸندٸكتٸ جاساپ جاتقاندارىنا ريزامىن. بولاشاقتا مەنٸڭ شەكٸرتتەرٸم قازاقستاننىڭ اتىن شىعارارىنا سەنەمٸن!
ەزٸرلەگەن ت. ٶسكەنباي.
