ٶسكەمەندەگٸ "قازمىرىش" زاۋىتىندا جارىلىس بولدى. تجم زاۋىتتاردىڭ بٸرٸنٸڭ اۋماعىندا شاڭ جيناۋ قوندىرعىسىندا جارىلىس بولىپ, ارتى ٶرتكە ۇلاسقانىن, كەيبٸر جەرلەر ٸشٸنارا وپىرىلعانىن مەلٸمدەدٸ, دەپ حابارلايدى dalanews.kz.
وقيعا ورنىندا تجم بٶلٸمشەلەرٸ جۇمىس ٸستەپ جاتىر. كەيٸنٸرەك تجم "قازمىرىش" جشس اۋماعىنداعى ٶرت وقشاۋلانعانىن حابارلادى.
"زارداپ شەككەندەردٸ ٸزدەستٸرۋ جۇمىستارى جالعاسىپ جاتىر. وقيعا ورنىنا 40 ادام مەن 10 تەحنيكا جۇمىلدىرىلدى. ٶرتتٸڭ جالپى اۋدانى انىقتالىپ جاتىر. تجم جانىنان جەدەل شتاب قۇرىلدى", - دەپ جازىلعان حابارلامادا.
الدىن الا مەلٸمەت بويىنشا 4 ادام مەديتسينالىق مەكەمەگە جەتكٸزٸلگەن.
