وسكەنمەندە ۆەيپتى زاڭسىز ساتقان كاسىپكەردىڭ ۇستىنەن قىلمىستىق ءىس قوزعالدى، دەپ حابارلايدى Dalanews.kz.  

بۇعان دەيىن ياعني، 20 ماۋسىمنان باستاپ قازاقستاندا ۆەيپتەرگە، ولارعا قاجەت حوش يىستەندىرگىشتەر مەن سۇيىقتىقتاردى ساتۋعا، اكەلۋگە جانە وندىرۋگە تىيىم سالىندى. زاڭدى بۇزعاندار قىلمىستىق جاۋاپكەرشىلىكپەن جازالانادى.

23 ماۋسىمدا وسكەمەندە ءبىر رەتتىك ۆەيپتى بايلانىسسىز ىسكە اسىرۋ فاكتىسى بويىنشا سوتقا دەيىنگى العاشقى تەرگەۋ باستالدى. ولاردى ساتۋ الەۋمەتتىك جەلىلەردە جارناما ورنالاستىرۋ ارقىلى جۇزەگە اسىرىلدى، تولەم بانكتىك قوسىمشا ارقىلى قابىلدانعان.

"ساتۋشىعا 200 اەك (738 400 تەڭگەگە دەيىن) مولشەرىندە ايىپپۇل نەمەسە 200 ساعاتقا دەيىنگى مەرزىمگە قوعامدىق جۇمىستار نەمەسە 15 تاۋلىككە دەيىن قاماۋعا الۋ تۇرىندەگى قىلمىستىق جازا قولدانىلادى"، - دەلىنگەن اقپاراتتا.

ايتا كەتەيىك، ۆەيپتى رۇقسات ەتىلگەن جەردە عانا قولدانۋعا بولادى. ال ۆەيپتى رۇقسات ەتىلمەگەن جەردە قولدانعان جاعدايدا 3 اەك ايىپپۇل سالىنادى. بيىل بۇل 11 076 تەڭگە.

تىيىم سالىنعان زاتتى ساتۋعا تىرىسقاندارعا جازا قاتتىراق: 200 اەك (738 400 تەڭگە) نەمەسە 50 تاۋلىككە دەيىن قاماۋعا الۋ.

ۆەيپتەردى اكەلۋ جانە ءوندىرۋ ەرەجەلەرىن بۇزعاندار ءۇشىن زاڭ ودان دا قاتاڭ شارالاردى كوزدەيدى: 2000 اەك-كە (7،3 ميلليون تەڭگە) دەيىن ايىپپۇل سالىنۋى مۇمكىن، ال وسى سالاداعى جۇيەلى بۇزۋشىلىقتار نەمەسە قىلمىستىق ارەكەتتەر ءۇشىن ايىپپۇلدار بەس جىلعا دەيىنگى مەرزىمگە باس بوستاندىعىنان ايىرۋ مۇمكىندىگىمەن بەس مىڭ اەك-كە (18،4 ميلليون تەڭگە) دەيىن ۇلعايتىلادى.