Óskenmende veipti zańsyz satqan kásipkerdiń ústinen qylmystyq is qozǵaldy, dep habarlaidy Dalanews.kz.
Buǵan deiin iaǵni, 20 maýsymnan bastap Qazaqstanda veipterge, olarǵa qajet hosh iistendirgishter men suiyqtyqtardy satýǵa, ákelýge jáne óndirýge tyiym salyndy. Zańdy buzǵandar qylmystyq jaýapkershilikpen jazalanady.
23 maýsymda Óskemende bir rettik veipti bailanyssyz iske asyrý faktisi boiynsha sotqa deiingi alǵashqy tergeý bastaldy. Olardy satý áleýmettik jelilerde jarnama ornalastyrý arqyly júzege asyryldy, tólem banktik qosymsha arqyly qabyldanǵan.
"Satýshyǵa 200 AEK (738 400 teńgege deiin) mólsherinde aiyppul nemese 200 saǵatqa deiingi merzimge qoǵamdyq jumystar nemese 15 táýlikke deiin qamaýǵa alý túrindegi qylmystyq jaza qoldanylady", - delingen aqparatta.
Aita keteiik, veipti ruqsat etilgen jerde ǵana qoldanýǵa bolady. Al veipti ruqsat etilmegen jerde qoldanǵan jaǵdaida 3 AEK aiyppul salynady. Biyl bul 11 076 teńge.
Tyiym salynǵan zatty satýǵa tyrysqandarǵa jaza qattyraq: 200 AEK (738 400 teńge) nemese 50 táýlikke deiin qamaýǵa alý.
Veipterdi ákelý jáne óndirý erejelerin buzǵandar úshin zań odan da qatań sharalardy kózdeidi: 2000 AEK-ke (7,3 million teńge) deiin aiyppul salynýy múmkin, al osy saladaǵy júieli buzýshylyqtar nemese qylmystyq áreketter úshin aiyppuldar bes jylǵa deiingi merzimge bas bostandyǵynan aiyrý múmkindigimen bes myń AEK-ke (18,4 million teńge) deiin ulǵaitylady.
