قۇربان ايت مەرەكەسٸ ايت نامازىنىڭ وقىلۋىمەن باستالادى. شىعىس قازاقستان وبلىسى بويىنشا وبلىستىق, قالالىق, اۋداندىق جەنە اۋىلدىق مەشٸتتەردە ايت نامازى 28 ماۋسىم كٷنٸ تاڭعى ساعات 7.00-دە وقىلادى.
28 ماۋسىم ساعات 07.30-دان باستاپ شىعىس قازاقستان وبلىستىق «حاليفا التاي» مەشٸتٸنٸڭ الدىندا مەرەكەلٸك رۋحاني-مەدەني باعدارلاماسى جٷرٸلەدٸ, مەدەني-سپورتتىق بەسەكەلەر ۇيىمداستىرىلادى.
ٶسكەمەن قالالىق ەكٸمدٸكتٸڭ كەلٸسٸمٸمەن "شىعىس" اۋىلىندا قۇربان شالۋ ورنى اشىلدى. قۇرباندىقتى 28 ماۋسىم ساعات 07.30-دان باستاپ شالۋعا بولادى. مال سوياتىن قاساپشىلار «حاليفا التاي» مەشٸتٸندەگٸ وقىتۋ ورتالىعىندا ارنايى قاساپشىلاردى وقىتۋ كۋرسىنان ٶتكەن جەنە ارنايى جەلەتكامەن قامتاماسىز ەتٸلگەن.
قۇرباندىقتىڭ ەتتەرٸ تۇرمىسى تٶمەن وتباسىلارعا, ەلەۋمەتتٸك ورتالىقتارعا 28, 29, 30 ماۋسىم كٷندەرٸ «حاليفا التاي» مەشٸتٸندە ٷيلەستٸرٸلەدٸ. بۇل جۇمىستار ٷشٸن دە «حاليفا التاي» مەشٸتٸنٸڭ وقىتۋ ورتالىعىندا قۇربان ايتتا قىزمەت كٶرسەتەتٸن ەرٸكتٸلەردٸ ارنايى وقىتتى.
سونىمەن قاتار, مال ساتاتىن ازاماتتارمەن باعانى رەتتەۋ بويىنشا تٷسٸندٸرمە جۇمىستارىن جٷرگٸزدٸ.
ايتا كەتۋ كەرەك, قۇرباندىققا قوي, ەشكٸ, سيىر جەنە تٷيە مالدارىن عانا شالۋعا بولادى. قۇربان رەتٸندە شالىناتىن قوي جەنە ەشكٸ كەم دەگەندە بٸر جاسار, سيىر ەكٸ جاسار, تٷيە بەس جاسار بولۋى كەرەك. التى-جەتٸ ايلىق كەپە قوزى بٸر جاسار قوي سيياقتى سەمٸز, ەتتٸ بولسا, قۇرباندىققا شالۋعا جارايدى. قوي مەن ەشكٸنٸڭ ەركەگٸن, سيىردىڭ ۇرعاشىسىن شالۋ ابزال.
قوي نەمەسە ەشكٸنٸ تەك بٸر ادام قۇربان رەتٸندە شالا الادى. ال سيىر نەمەسە تٷيەنٸ ياعني, ٸرٸ قارانى بٸر كٸسٸنٸڭ جالعىز ٶزٸ ٷشٸن شالۋىنا بولاتىن سيياقتى جەتٸ كٸسٸگە ارناپ, ورتاق شالۋلارىنا بولادى. قۇرباندى ورتاقتاسىپ شالعان ۋاقىتتا ەربٸر ادام قۇربان شالۋ نيەتٸمەن ورتاقتاسۋى كەرەك. بٸر كٸسٸ قۇربان ٷشٸن, ال ەكٸنشٸ بٸر كٸسٸ تەك قانا ەتٸن الۋ نيەتٸمەن ورتاقتاسسا, شالىنعان مال بارلىق ورتاقتار ٷشٸن قۇربان بولىپ ەسەپتەلمەيدٸ.
وسى ورايدا قازاقستان مۇسىلماندارى دٸني باسقارماسىنىڭ شىعىس قازاقستان وبلىسى بويىنشا باس يمامى, وبلىستىق «حاليفا التاي» مەشٸتٸنٸڭ باس يمامى ەرمەك قاجى قاسبولاتۇلى بارشا شىعىسقازاقستاندىقتاردى قۇربان ايت مەرەكەسٸمەن قۇتتىقتايدى.
– بٷگٸندە ەلەم مۇسىلماندارى ٷلكەن قاجىلىق جاساۋدا. سولاردىڭ قاتارىندا مەككە قالاسىندا قاجىلىق پارىزىن ٶتەپ جٷرگەن شىعىسقازاقستاندىق جەرلەستەرٸمٸزبەن بارلىق وتانداسىمىزدىڭ نيەتٸ مەن دۇعاسى قابىل بولىپ, ەلٸمٸزگە امان-ەسەن ورالۋىن تٸلەيمٸز. اللا تاعالا ەلٸمٸز بەن جەرٸمٸزگە بەرەكەسٸن بەرٸپ, شالعان قۇرباندىقتارىمىزدى, بەرگەن ساداقالارىمىزدى, ٸزگٸ امالدارىمىزدى قابىل ەتكەي. ايتتان ايتقا امان-ەسەن جەتە بەرەيٸك. ەمين, – دەدٸ باس يمام.
سونىمەن قاتار, ول وبلىسىمىزداعى بارشا كەسٸپكەر ازاماتتاردى قۇربان ايتتىڭ قۇرمەتٸنە مال قۇنىن قولدان كٶتەرمەي, حالىقتىڭ ەلەۋمەتتٸك جاعدايىن ەسكەرٸپ, وڭتايلى باعا ۇسىنۋعا, جۇرت كٷندە تۇتىناتىن ازىق-تٷلٸككە مٷمكٸندٸگٸنشە جەڭٸلدٸك جاساۋعا شاقىردى.
«قۇربان ايتتىڭ نەگٸزگٸ مەنٸ مۇسىلماندار اراسىندا ٶزارا مەيٸرٸمدٸلٸك, جومارتتىق, قايىرىمدىلىق, قاناعات سىندى ادامگەرشٸلٸك قۇندىلىقتاردى قالىپتاستىرۋ ەكەنٸن ەستەن شىعارماعان ابزال. اللانىڭ راقىم نۇرى تٶگٸلەتٸن ايتتا جۇرتىمىزعا جاقسىلىق جاساپ, كٶپشٸلٸكتٸڭ ريزاشىلىعىنا بٶلەنەيٸك. اللا تاعالا ٸزگٸ نيەتٸمٸزدٸ قابىل ەتسٸن!», - دەدٸ ەرمەك قاجى قاسبولاتۇلى.
