ٶسكەمەندە «اەس ٶسكەمەن گەس» جشس بازاسىندا مەكتەپ وقۋشىلارى ٷشٸن اشىق ەسٸك كٷنٸ ٶتتٸ. شارا شقو بٸلٸم باسقارماسى مەن كەسٸپورىننىڭ ۇيىمداستىرۋىمەن جۇمىسشى ماماندىقتار جىلىنا وراي ۇيىمداستىرىلدى, - دەپ حابارلايدى Dalanews.kz
كەزدەسۋگە تەحنيكالىق جەنە ينجەنەرلٸك ماماندىقتارعا قىزىعاتىن وقۋشىلار قاتىستى.
"بٷگٸنگٸ ٸس-شارانى بٸز پوليتەحنيكالىق كوللەدجبەن بٸرلەسٸپ ٶتكٸزٸپ وتىرمىز. بٸزدٸڭ ستانتسييا مەملەكەت باسشىسىنىڭ جولداۋىندا ايتىلعان جۇمىسشى ماماندىقتارىن دەرٸپتەۋ مٸندەتٸن ٸسكە اسىرۋعا بەلسەندٸ قاتىسادى. بەس جىلدان بەرٸ دۋالدى وقىتۋ باعدارلاماسىن جٷزەگە اسىرىپ كەلەمٸز. وسى باعدارلامانىڭ ارقاسىندا كوللەدج بەن ۋنيۆەرسيتەت تٷلەكتەرٸ بٸزدٸڭ كومانداعا قوسىلىپ, تابىستى ەڭبەك ەتۋدە", – دەدٸ ٷلبٸ جەنە شٷلبٸ سۋ ەلەكتر ستانتسييالارىنىڭ باس ديرەكتورى تٸلەك ايدابولوۆ.
وبلىستىق كەسٸپتٸك بٸلٸم بەرۋ ورتالىعى ديرەكتورىنىڭ ورىنباسارى لەززات كەزدٸكباەۆا دا بۇل باستامانىڭ ماڭىزدىلىعىن اتاپ ٶتتٸ.
"2025 جىل جۇمىسشى ماماندىقتار جىلى بولىپ جارييالاندى. وسىعان بايلانىستى وقۋشىلارعا كەسٸپتٸك باعدار بەرۋ جۇمىستارى قارقىندى جٷرگٸزٸلۋدە. ٶڭٸردەگٸ جەتەكشٸ كەسٸپورىندارمەن بٸرلەسكەن شارالار ارقىلى مەكتەپ تٷلەكتەرٸنە ماماندىق تاڭداۋدا كٶمەك كٶرسەتٸلۋدە. سونداي-اق, جەرگٸلٸكتٸ بيۋدجەتتەن بٶلٸنەتٸن وقۋ گرانتتارى دا جىل سايىن ارتىپ كەلەدٸ", – دەدٸ ول.
ەكسكۋرسييا بارىسىندا وقۋشىلار ٶڭٸردەگٸ ٸرٸ ەنەرگەتيكالىق نىساننىڭ جۇمىسىمەن تانىسىپ, گيدروەلەكتروستانتسييادا قولدانىلاتىن زاماناۋي تەحنولوگييالار تۋرالى بٸلدٸ. گەس ينجەنەرلەرٸ مەن تەحنيكتەرٸ ٶز ماماندىقتارى تۋرالى ەڭگٸمەلەپ, جابدىقتاردى كٶرسەتٸپ, ستانتسييا جۇمىسىنىڭ نەگٸزگٸ كەزەڭدەرٸن تٷسٸندٸردٸ. سونداي-اق, وقۋشىلار ەڭبەك جولىندا تابىسقا جەتۋ ٷشٸن قاجەت كەسٸپتٸك داعدىلار مەن ماڭىزدى قاسيەتتەر تۋرالى سۇراقتارىنا جاۋاپ الدى.
كەزدەسۋ اياسىندا قىزىقتى كۆەست-ويىن ۇيىمداستىرىلىپ, جەڭٸمپازدارعا ٶڭٸردەگٸ كوللەدجدەردە بەيٸندٸك ماماندىقتار بويىنشا تەگٸن وقۋ جولداماسى تابىستالدى. سونىمەن قاتار, كەسٸپورىن قىزمەتكەرلەرٸ وقۋشىلارعا ٶز ەڭبەك جولدارىن ايتىپ, تەجٸريبەلەرٸمەن بٶلٸستٸ.
№14 مەكتەپتٸڭ وقۋشىسى ايزادا مارحاباتقىزى بولاشاقتا ەلەكتر ەنەرگەتيكاسى سالاسىنىڭ مامانى بولۋدى قالايتىنىن جەتكٸزدٸ.
"بٷگٸن بٸز سۋ ەلەكتر ستانتسيياسىنىڭ جۇمىسىمەن تانىسىپ, وسى سالاداعى ماماندىقتار تۋرالى قىزىقتى اقپارات الدىق. پرەزيدەنتٸمٸز قاسىم-جومارت توقاەۆ جۇمىسشى ماماندىقتارىنىڭ ماڭىزدىلىعىن اتاپ ٶتكەن بولاتىن. مەن بولاشاقتا ەلەكتر ينجەنەريياسىن مەڭگەرگٸم كەلەدٸ. بۇل سالادا جۇمىسقا ورنالاسۋ مٷمكٸندٸگٸ جوعارى. بارلىعى ويداعىداي بولسا, كەيٸن ٶسكەمەن سۋ ەلەكتر ستانتسيياسىندا ەڭبەك ەتكٸم كەلەدٸ", – دەدٸ ول.
اشىق ەسٸك كٷنٸ وقۋشىلار ٷشٸن ماڭىزدى وقيعا بولدى. بۇل شارا ولاردىڭ جۇمىسشى ماماندىقتار ەلەمٸنە ەنۋٸنە جەنە ينجەنەرلٸك-تەحنيكالىق ماماندىقتاردىڭ ەل دامۋى ٷشٸن قانشالىقتى ماڭىزدى ەكەنٸن تٷسٸنۋٸنە مٷمكٸندٸك بەردٸ.
