شىعىس قازاقستان وبلىسىنىڭ پوليسيا دەپارتامەنتى وسكەمەن قالاسىندا كامەلەتكە تولماعان قىزعا اۋىر دەنە جاراقاتىن سالۋ فاكتىسى بويىنشا قىلمىستىق ءىس قوزعالعانىن مالىمدەدى، دەپ حابارلايدى Dala News.
دەپارتامەنتتىڭ مالىمەتىنشە، 7 اقپاندا ءۇلبى پوليسيا ءبولىمى اتالعان دەرەك بويىنشا ق ر قىلمىستىق كودەكسىنىڭ 106-بابى 2-بولىگى 11-تارماعى بويىنشا سوتقا دەيىنگى تەرگەپ-تەكسەرۋدى باستاعان.
قازىرگى ۋاقىتتا ءىس اياسىندا ءبىرقاتار سوت ساراپتامالارى تاعايىندالىپ، جۇرگىزىلۋدە. كۇدىكتىگە قاتىستى «قاماۋدا ۇستاۋ» بۇلتارتپاۋ شاراسى قولدانىلعان.
پوليسيانىڭ حابارلاۋىنشا، جابىرلەنۋشىنىڭ ومىرىنە ءقاۋىپ جوق، جاعدايى تۇراقتى.
تەرگەۋ جالعاسىپ جاتىر. ءىستىڭ ءمان-جايىن تولىق ءارى وبەكتيۆتى انىقتاۋعا باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە.
ق ر قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريالاۋعا جاتپايدى.
