قۇزىرلى ورىندار قالا تۇرعىندارىنىڭ جەكە كولىكپەن جۇرۋنە 6 ساۋىردەن باستاپ رۇقسات بەرۋى مۇمكىن. قازىرگى تاڭدا قوس قالانىڭ تۇرعىندارى ەلدىڭ قاۋىپسىزدىگى ءۇشىن قابىلدانعان شارالارعا تۇسىنىستىكپەن قاراعانىن ايتا كەتۋىمىز كەرەك.
وسكەمەن مەن سەمەيدىڭ تۇرعىندارى وزدەرىنە ارتىلعان جاۋاپكەرشىلىك مىندەتىن ءبىر كىسىدەي ءتۇسىنىپ، كوروناۆيرۋس ينفەسياسىنىڭ تارالماۋى ءۇشىن وزدەرىن بارىنشا وقشاۋلاپ، شەكتەۋ شارالارىنا بارىنشا مويىن ۇسىنۋدا.
قازىرگى تاڭدا قالا كوشەلەرىندە بەيساۋىت جۇرگەن ادامدى مۇلدە كەزدەستىرمەيسىز. حالىق دۇكەن مەن ءدارىحانادان ازىق-تۇلىك پەن ءدارى الۋعا جانە بانك قىزمەتىن پايدالانۋ ءۇشىن عانا سىرتقا شىعىپ ءجۇر. تۇرعىندار مۇنداي قاجەتتىلىك ءۇشىن سىرتقا شىققاندا ءۇي ماڭايىنان ۇزاپ كەتپەۋگە تىرىسادى. ەگەر نىساندار قاشىقتا ورنالاسقان بولسا، كوپشىلىك قوعامدىق كولىكتى پايدالانۋدا.
وسى رەتتە ايتا كەتۋىمىز كەرەك، 6 ساۋىرگە دەيىن ەكى قالانىڭ تۇرعىندارى بيلىك ورىنارى بەرگەن ارنايى رۇقسات قاعازىمەن عانا سىرتقا شىعىپ ءجۇر. رۇقسات قاعازدارىنىڭ ارنايى ءتۇسى بار. جۇپ كۇندەرى ءبىر تۇسكە بويالعان رۇقسات قاعازى بارلار كوشەگە شىقسا، تاق كۇندەرى كەلەسىلەرى سىرتقا شىعادى.
وسكەمەن مەن سەمەيدە قوعامدىق كولىكتەر 6.00-دەن كەشكى 19.30-عا دەيىن حالىققا قىزمەت كورسەتۋدە.
بۇگىندە قابىلدانعان شارالار قوس قالادا كولىك پەن ادام سانىن مەيلىنشە شەكتەپ، كوروناۆيرۋس ينفەكسياسىنا تارالماۋىنا مۇمكىندىك بەرۋدە.
