Quzyrly oryndar qala turǵyndarynyń jeke kólikpen júrýne 6 sáýirden bastap ruqsat berýi múmkin. Qazirgi tańda qos qalanyń turǵyndary eldiń qaýipsizdigi úshin qabyldanǵan sharalarǵa túsinistikpen qaraǵanyn aıta ketýimiz kerek.
Óskemen men Semeıdiń turǵyndary ózderine artylǵan jaýapkershilik mindetin bir kisideı túsinip, koronavırýs ınfesıasynyń taralmaýy úshin ózderin barynsha oqshaýlap, shekteý sharalaryna barynsha moıyn usynýda.
Qazirgi tańda qala kóshelerinde beısaýyt júrgen adamdy múlde kezdestirmeısiz. Halyq dúken men dárihanadan azyq-túlik pen dári alýǵa jáne bank qyzmetin paıdalaný úshin ǵana syrtqa shyǵyp júr. Turǵyndar mundaı qajettilik úshin syrtqa shyqqanda úı mańaıynan uzap ketpeýge tyrysady. Eger nysandar qashyqta ornalasqan bolsa, kópshilik qoǵamdyq kólikti paıdalanýda.
Osy rette aıta ketýimiz kerek, 6 sáýirge deıin eki qalanyń turǵyndary bılik orynary bergen arnaıy ruqsat qaǵazymen ǵana syrtqa shyǵyp júr. Ruqsat qaǵazdarynyń arnaıy túsi bar. Jup kúnderi bir túske boıalǵan ruqsat qaǵazy barlar kóshege shyqsa, taq kúnderi kelesileri syrtqa shyǵady.
Óskemen men Semeıde qoǵamdyq kólikter 6.00-den keshki 19.30-ǵa deıin halyqqa qyzmet kórsetýde.
Búginde qabyldanǵan sharalar qos qalada kólik pen adam sanyn meılinshe shektep, koronavırýs ınfeksıasyna taralmaýyna múmkindik berýde.
