كەڭەسكە قر ەنەرگەتيكا ۆيتسە-مينيسترٸ اسحات حاسەنوۆ, «قازمۇنايگاز» اق باسقارما تٶراعاسىنىڭ ورىنباسارى دەۋلەتجان حاسانوۆ, قر ەنەرگەتيكا مينيسترلٸگٸنٸڭ كٶمٸرسۋتەكتەر جەنە جەر قويناۋىن پايدالانۋ سالاسىنداعى مەملەكەتتٸك باقىلاۋ دەپارتامەنتٸنٸڭ ديرەكتورى ارىمبەك قۇدايبەرگەن, قر تجم ٶنەركەسٸپتٸك قاۋٸپسٸزدٸك كوميتەتٸ تٶراعاسىنىڭ ورىنباسارى سامات قازاقباەۆ, قر ەنەرگەتيكا مينيسترلٸگٸنٸڭ مۇناي-گاز كەشەنٸندەگٸ مەملەكەتتٸك ينسپەكتسييانىڭ باس ٶڭٸرارالىق باسقارماسى باسشىسىنىڭ ورىنباسارى نۇرلان ٶمٸرباەۆ, «اق بەرەن» مەكەمەسٸنٸڭ ماڭعىستاۋ وبلىسى فيليالىنىڭ باسشىسى, «كەاقق رەسپۋبليكالىق ورتالىق شتابى» ٶكٸلدەرٸ, «ماڭعىستاۋمۇنايگاز» اق, «ٶزەنمۇنايگاز» اق, «قاراجانباسمۇناي» اق باس ديرەكتورلارى, «بوزاشى مۇناي» جشس ٶكٸلدەرٸ, ماڭعىستاۋ وبلىسى تجد جەنە سالا ارداگەرلەرٸ قاتىستى.
كەڭەسكە قاتىسۋشىلار كەن ورنىنداعى ٶرتتٸ سٶندٸرۋ بويىنشا بٸرقاتار ۇسىنىستارىن ايتتى. «بوزاشى مۇناي» جشس باس گەولوگى الەكساندر كاسيانەنكو ۇڭعىما كراتەرٸن اۋىر بۇرعىلاۋ ەرٸتٸندٸسٸمەن تولتىرۋدى نەمەسە گاز قىسىمىن تٶمەندەتۋ ٷشٸن قوسىمشا بٷيٸرلٸك ۇڭعىمانى قازۋدى ۇسىندى.
جيىندا باس قوسقاندار اپاتتى جويۋدىڭ تٷرلٸ نۇسقالارىن ورتاعا سالدى سونداي-اق, گاز قىسىمىنىڭ تٶمەندەۋٸنە بايلانىستى ٶرت ٶزدٸگٸنەن جويىلۋى مٷمكٸن دەگەن پٸكٸرلەر دە ايتىلدى.
– بٸزدە گاز قىسىمى تٶمەندەپ, ٶرتتٸڭ ٶزٸ سٶنگەنشە كٷتەتٸن ۋاقىت جوق. ٶرتتٸ سٶندٸرۋ شارالارىنىڭ الگوريتمٸ شۇعىل تٷردە جاسالۋى كەرەك. بارلىق جاۋاپتى تۇلعالاردىڭ قوسىلۋى قاجەت. قارجىلاندىرۋدىڭ قاجەتتٸ كٶلەمٸ مەن ماتەريالدىق-تەحنيكالىق بازا تٸزبەگٸ كٶرسەتٸلۋٸ تيٸس, – دەدٸ سالا ارداگەرٸ بالتابەك قۋاندىقوۆ.
جيىندا ماڭعىستاۋ وبلىسىنىڭ ەكٸمٸ كەن ورنىنداعى ٶرت قاراپايىم قاۋٸپسٸزدٸك شارالارىنىڭ ساقتاماۋىنان بولۋى مٷمكٸن ەكەنٸن ايتتى.
– ۇڭعىماعا تٷسەتٸن گاز قورىنىڭ كٶلەمٸ مەن قىسىمىن انىقتاپ, كەن ورنىنداعى ٶرتتٸ جويۋ ٸس-شارالار جوسپارىن جەدەل ەزٸرلەۋ قاجەت. جوبانى مەرزٸمٸنەن كەشٸكتٸرمەي زەردەلەپ, قۇزىرەتتٸ ماماندار بٸراۋىزدان ماقۇلداۋى تيٸس. سونداي-اق, ەزٸرلەۋ كەزٸندە جەدەل شارالار قابىلداۋ ٷشٸن بارلىق مەردٸگەرلٸك ۇيىمدار مەن جاۋاپتى ماماندار قاتىسۋى قاجەت, – دەدٸ نۇرلان نوعاەۆ.
جيىننان كەيٸن وبلىس ەكٸمٸ باستاعان جۇمىس توبى «وڭتٷستٸك قاراتۇرىن» مۇناي-گاز كەن ورنىنىڭ اۋماعىنا باردى.
مامانداردىڭ الدىن-الا بولجامى بويىنشا, تەحنوگەندٸك اپاتتىڭ سەبەبٸ ۇڭعىمانى بۇرعىلاۋ بارىسىنداعى قۇرىلىس جۇمىستارى كەزٸندە ۇڭعىما ساعاسىنداعى گازبەن سۇيىقتى تىعىزداۋشى جابدىقتىڭ اشىلۋىنان, ياعني, گەرمەتيزاتسييالاۋدىڭ بۇزىلۋىنان بولۋى مٷمكٸن.
«كەسٸبي ەسكەريلەندٸرٸلگەن اۆارييالىق-قۇتقارۋ قىزمەتتەرٸنٸڭ رەسپۋبليكالىق ورتالىق شتابى» جشس-نىڭ قىزمەتكەرلەرٸ مەن ٶرتكە قارسى كٷرەس بٶلٸمشەلەرٸ اپات ورنىندا ٶرتتٸ تولىقتاي جويۋعا دايىن. الايدا بۇرعىدان ۇزاق ۋاقىت گاز-سۋ ٶنٸمٸنٸڭ اتقىلاۋىنا بايلانىستى قازٸر ديامەترٸ 15 مەتر, تەرەڭدٸگٸ شامامەن 2-تەن 3 مەترگە دەيٸن شۇڭقىرلار پايدا بولعان. سونىڭ سالدارىنان وشاق الاڭىنا ارنايى ٶرت سٶندٸرۋ جابدىقتارىن جاقىنداتۋ مٷمكٸن بولماي وتىر.
– ٶرت بولعان ورىنعا ٶرتكە قارسى قىزمەت پەن كٶمەكشٸ تەحنيكانىڭ جيىنتىق جاساعىننان قۇرالعان 33 بٸرلٸك تەحنيكا جەنە جەكە قۇرامنىڭ 89 ادامى, سونداي-اق, ارنايى تەحنيكا جٸبەرٸلدٸ. قاجەتتٸ كٷشتەرمەن قۇرالداردىڭ بارلىعى كەزەكشٸلٸك رەجيمٸندە, – دەپ حابارلادى ماڭعىستاۋ وبلىسى تجد.
ەستەرٸڭٸزگە سالا كەتەيٸك, ٶرت «وڭتٷستٸك قاراتۇرىن» مۇناي-گاز كەن ورنىندا 9 ماۋسىم تٷنگٸ ساعات 03-25-تە ۇڭعىمانى بۇرعىلاۋ جۇمىستارى كەزٸندە, №303 ۇڭعىماداعى بۇرعىلاۋ قۇرالى كٶتەرٸلٸپ كەتٸپ, جەر استىنان گاز-سۋ قوسپاسى اتقىلاۋى سەبەبٸنەن پايدا بولعان.
