قازاق ۇلتتىق قىزدار پەداگوگيكالىق ۋنيۆەرسيتەتٸندە «قۇرىلتاي – مەملەكەتتٸك ينستيتۋت تۇعىرى» اتتى كونفەرەنتسييا ٶتتٸ. عىلىمي ٸس-شارا ۋنيۆەرسيتەتتە باستاۋ العان «مەكتەپ – ۋنيۆەرسيتەت – نارىق: بٸلٸم بەرۋدٸڭ جاڭا ارحيتەكتۋراسى» پەداگوگيكالىق يدەيالار فەستيۆالٸ اياسىندا ۇيىمداستىرىلدى, دەپ حابارلايدى dalanews.kz.
كونفەرەنتسييا بارىسىندا «قۇرىلتاي فەنومەنٸ» اتتى جاڭا كٸتاپتىڭ تۇساۋكەسەرٸ ٶتتٸ. زەرتتەۋ جۇمىسىنىڭ باستاماشىسى ەرٸ كٸتاپ اۆتورى – مەملەكەت جەنە قوعام قايراتكەرٸ, قازاق ۇلتتىق قىزدار پەداگوگيكالىق ۋنيۆەرسيتەتٸ ديرەكتورلار كەڭەسٸنٸڭ تٶراعاسى, ەكونوميكا عىلىمدارىنىڭ دوكتورى ومارحان نۇرتايۇلى ٶكسٸكباەۆ. اۆتور شىعىستانۋشى, تٷركولوگ-لينگۆيست عالىم زەرٸپباي جۇمانۇلى ورازبايمەن بٸرلەسٸپ, ورتاعاسىرلىق دەرەكتەردٸ جٷيەلەگەن. سونداي-اق ەڭبەكتە ادامزات تاريحىنداعى العاشقى قۇرىلتاي دەستٷرلەرٸنەن باستاپ قازٸرگٸ قازاقستانداعى ساياسي جاڭعىرۋ ٷدەرٸسٸنە دەيٸنگٸ تاريحي ساباقتاستىق عىلىمي تۇرعىدا تالدانعان.
ومارحان نۇرتايۇلى بٷگٸنگٸ تاڭدا مەملەكەت باسشىسى قاسىم-جومارت توقاەۆ جٷرگٸزٸپ وتىرعان ساياسي رەفورمالار اياسىندا ۇلتتىق مەملەكەتتٸلٸك دەستٷرٸن جاڭاشا پايىمداۋ مەسەلەسٸ ايرىقشا ماڭىزعا يە ەكەنٸن ايتتى.
– كٸتاپتا پرەزيدەنت باستاماسىمەن قايتا جاندانعان قۇرىلتاي فەنومەنٸ تاريحي ەرٸ عىلىمي نەگٸزدە سارالاندى. «قۇرىلتاي» ۇعىمىنىڭ ەتيمولوگييالىق جەنە مازمۇندىق مەنٸن تەرەڭ اشىپ كٶرسەتۋ, سونداي-اق ونىڭ ۇلى دالاداعى مەملەكەتتٸك باسقارۋ دەستٷرٸمەن تاريحي ساباقتاستىعىن عىلىمي تۇرعىدان زەردەلەۋ – ۇلتتىق تاريحي سانانى نىعايتۋعا باعىتتالعان ماڭىزدى قادامداردىڭ بٸرٸ, – دەدٸ ومارحان نۇرتايۇلى.
اتالعان ەڭبەكتٸڭ ەرەكشەلٸگٸ – كٸتاپ مازمۇنى قازاق تٸلٸنە العاش رەت اۋدارىلعان ونعا جۋىق ورتاعاسىرلىق قولجازبا نەگٸزٸندە دايىندالعان.
شىعىستانۋشى عالىم زەرٸپباي جۇمانۇلى كٸتاپ مازمۇنىنا توقتالىپ, «جيناقتالعان تىڭ دەرەكتەر مەن عىلىمي زەرتتەۋلەر نەتيجەسٸندە جارىق كٶرگەن ەڭبەك ۇلتتىق مەملەكەتتٸلٸك تاريحىن تەرەڭ پايىمداۋعا, تاريحي جادىمىزدى جاڭعىرتۋعا جەنە ۇلتتىق سانانى نىعايتۋعا قىزمەت ەتەدٸ, – دەدٸ.
ۋنيۆەرسيتەت رەكتورى بەيبٸتكٷل سەرسەمحانقىزى ٶز سٶزٸندە: «قۇرىلتاي فەنومەنٸ» كٸتابى – ۇلى دالا ٶركەنيەتٸندەگٸ قۇرىلتاي ينستيتۋتىن جان-جاقتى زەردەلەۋگە ارنالعان مازمۇندى عىلىمي ەڭبەك. مەملەكەتٸمٸزدٸڭ قالىپتاسۋ تاريحىن جاڭا كٶزقاراسپەن سارالاۋ ۇلتتىق جادىمىزدى جاڭعىرتىپ قانا قويماي, جاس ۇرپاقتىڭ بويىنداعى وتانسٷيگٸشتٸك پەن پاتريوتتىق سەزٸمدٸ نىعايتۋعا ىقپال ەتەدٸ, – دەپ كٸتاپ اۆتورلارىنىڭ عىلىمي ٸزدەنٸستەرٸن ەرەكشە اتاپ ٶتتٸ.
ۋنيۆەرسيتەتتٸڭ ەلەۋمەتتٸك-گۋمانيتارلىق عىلىمدار جەنە ٶنەر ينستيتۋتىنىڭ «ۇلى دالا تاريحى» عىلىمي-زەرتتەۋ ورتالىعى ۇيىمداستىرعان بۇل شاراعا بەلگٸلٸ مەملەكەت جەنە قوعام قايراتكەرلەرٸ, بٸلٸكتٸ عالىمدار, زييالى قاۋىم ٶكٸلدەرٸ مەن پروفەسسور-وقىتۋشىلار قاتىستى.
جيىنعا ۇلتتىق جاراتىلىستانۋ عىلىمدارى اكادەميياسىنىڭ اكادەميگٸ ۇزاقوۆ ياسين مەلٸكۇلى, قوعام قايراتكەرٸ, ەتنومەدەني بٸرلەستٸكتەردٸڭ بەلسەندٸ ٶكٸلٸ, فيلولوگييا عىلىمدارىنىڭ دوكتورى, پروفەسسور اسىلى وسمان, مەملەكەت جەنە قوعام قايراتكەرٸ, بٸلٸكتٸ پەداگوگ ورازكٷل اسانعازىقىزى ارنايى كەلٸپ,ٶز ويلارىمەن بٶلٸستٸ.
كونفەرەنتسييا بارىسىندا عالىمدار قۇرىلتاي ۇعىمىنا قاتىستى ٶزارا پٸكٸر الماسىپ, ۋنيۆەرسيتەتتٸڭ پروفەسسور-وقىتۋشىلار قۇرامىمەن تەجٸريبە بٶلٸستٸ.
