اقش پرەزيدەنتٸ دونالد ترامپ يران جاقىن ارادا ورمۋز بۇعازىن اشۋى تيٸس ەكەنٸن, كەرٸ جاعدايدا امەريكالىق ەسكەريلەر ەلگە «ٶتە كٷشتٸ سوققى» جاسايتىنىن مەلٸمدەدٸ, دەپ حابارلايدى dalanews.kz.
«بۇعاز ٶتە جاقىن ارادا اشىلادى. ەيتپەسە ولار ٶتە اۋىر سوققىعا ۇشىرايدى, سودان كەيٸن بۇعاز بەرٸبٸر اشىلادى», – دەدٸ ترامپ Fox News تەلەارناسىنا بەرگەن سۇحباتىندا.
ونىڭ مەلٸمدەمەسٸ اقش پەن يران اراسىنداعى شيەلەنٸس اياسىندا ايتىلدى. ترامپتىڭ سٶزٸنشە, ورمۋز بۇعازىنىڭ اشىلۋى ٶڭٸردەگٸ جاعدايدى تۇراقتاندىرۋ ٷشٸن ماڭىزدى شارتتاردىڭ بٸرٸ بولىپ وتىر.
Axios باسىلىمىنىڭ مەلٸمەتٸنشە, يران مەن ومان ورمۋز بۇعازىن پايدالانۋ تەرتٸبٸ جٶنٸندەگٸ ۋاقىتشا كەلٸسٸم تۋرالى 5 تامىز, سەرسەنبٸ كٷنٸ جارييالاۋى مٷمكٸن. اقش-تىڭ رەسمي ٶكٸلٸ مەن ٶڭٸرلٸك دەرەككٶزدٸڭ مەلٸمەتٸنشە, يران بيلٸگٸ سەيسەنبٸ كٷنٸ كەلٸسٸمدٸ ماقۇلداۋ رەسٸمٸن اياقتاعان.
دەرەككٶزدەردٸڭ ايتۋىنشا, تالقىلانىپ جاتقان قۇجات ورمۋز بۇعازى بويىنشا يران مەن ومان اراسىندا 60 كٷنگە ەسەپتەلگەن ۋاقىتشا كەلٸسٸمدٸ كٶزدەيدٸ. قاجەت بولعان جاعدايدا ونىڭ مەرزٸمٸن ۇزارتۋ مٷمكٸندٸگٸ قاراستىرىلعان. كەلٸسٸم جوباسىنا سەيكەس, ورمۋز بۇعازى مەن پارسى شىعاناعىنا كٸرەتٸن بارلىق كەمەلەر يراننىڭ اۋماقتىق سۋلارى ارقىلى ٶتەتٸن سولتٷستٸك باعىتپەن قوزعالادى. ال بۇعاز ارقىلى اراب تەڭٸزٸنە شىعاتىن كەمەلەر يرانمەن ٷيلەستٸرٸلە وتىرىپ, ومان سۋلارى ارقىلى ٶتەتٸن وڭتٷستٸك باعىتتى پايدالانادى.
سونداي-اق العاشقى 60 كٷن ٸشٸندە كەمەلەردەن ەشقانداي الىم الىنبايدى. وسى كەزەڭدە تاراپتار بۇعازدىڭ ورتالىق بٶلٸگٸندەگٸ مينالاردى تازارتۋ جۇمىستارىن جٷرگٸزٸپ, ونى 30 كٷن ٸشٸندە اياقتاۋدى جوسپارلاپ وتىر.
