اباي وبلىسىندا ورىن العان ءورت توتەنشە جاعداي سالاسىنىڭ ماتەريالدىق-تەحنيكالىق تۇرعىدان قانشالىقتى جابدىقتالعانىن قولمەن قويعانداي كورسەتىپ بەرگەنى بەلگىلى.

نازاربايەۆ داۋىرىندە الىستاعى اۋىل-ايماققا ءجىبى ءتۇزۋ ءورت ءسوندىرۋ كولىكتەرى ساتىپ الىنباعانى جاسىرۋدىڭ ءجونى جوق.

ەسەسىنە نازاربايەۆ بيلىگىن قورعاۋ ءۇشىن نەشە ءتۇرلى اۆتوزاكتار مەن شەرۋشىلەردى قۋىپ تارقاتاتىن جابدىقتاردان ەسكى قازاقستان اقشانى اياعان جوق.

سول كەزدە بيلىكتىڭ سويىلىن سوعاتىن «نۇر وتان» پارتياسىنىڭ جىلدىق بيۋدجەتى توتەنشە جاعداي سالاسىمەن سالىستىرعاندا ءبىرشاما كوپ ەكەنىن اقپارات قۇرالدارىنان وقىعان ەدىك.

ەندى جاڭا قازاقستان سول ولقىلىقتىڭ ورنىن تولتىرماقشى.

بۇگىن ۇكىمەت رەزەرۆتەگى قارجىدان 918 ملن تەڭگە ءبولىنىپ، ورمان مەن تابيعي قورىقتارداعى ورتكە قارسى قىزمەتكە ارنايى كيىمدەردى اپەرۋدى كوزدەپ وتىر.

918 ملن تەڭگەمەن بار ماسەلەنى شەشىپ تاستاۋ مۇمكىن ەمەس. ءبىراق الا-قۇلا كيىنىپ، ورمان مەن قورىقتاردى ورتتەن قورعاپ جۇرگەن ماماندارعا ءۇشىن بۇل ۇلكەن كومەك ەكەنى انىق.

ۇكىمەت بولگەن قارجىعا 30 تابيعي قورعاۋ، 16 ورمان شارۋاشىلىعى مەكەمەسىندە جۇمىس ىستەيتىن توتەنشە جاعدايلار قىزمەتىنە سۋ جاڭا ورتكە قاراسى كيىمدەر الاتىنىن ايتا كەتۋىمىز كەرەك. الداعى ۋاقىتتا ولاردى قاجەتتى تەحنيكامەن دە جاراقتاندىرۋ كەرەك!