قالا اكىمىنىڭ ايتۋىنشا 2017 جىلدىڭ 9 ايىنىڭ ەسەبى بويىنشا قالالىق بيۋدجەتكە 16404،2 ملن.تەڭگە ءتۇسىم ءتۇستى. ول جالپى سالىق بازاسىنىڭ 25،5% قۇرايدى. نەگىزگى كاپيتالعا تارتىلعان ينۆەستيسيانىڭ كولەمى 47648 ملن. تەڭگەنى قۇرادى (146،3%). ونەركاسىپ ءونىمىنىڭ جالپى كولەمى 106،9 ملرد. تەڭگەگە جەتتى.
ورال قالاسىنداعى اۆتوموبيل جولدارىنىڭ جالپى ۇزىندىعى 615،15 شاقىرىمدى قۇرايدى. 2017 جىلى جول جوندەۋگە بارلىق قاراجات كوزدەرى ەسەبىنەن 8،1 ملرد. تەڭگە ءبولىنىپ، اتالعان سوماعا قالانىڭ 67 كوشەسىندەگى 72 شاقىرىم جولدى جوندەۋ جوسپارلاندى (20 نىسان كپو قاراجاتى ەسەبىنەن). بۇگىنگى تاڭدا 67 كوشەنىڭ 61-ىندە جۇمىستار اياقتالدى. 6 كوشەنى جوندەۋ جۇمىستارى كەلەسى جىلعا اۋىستىرىلدى. جوسپارلانعان 40 شاقىرىم جاياۋ جۇرگىنشى جولىنىڭ بۇگىندە 36 شاقىرىمى توسەلدى، قالعان 4 شاقىرىمى جاسالۋدا.
قالاداعى «لوكوموتيۆ دەپوسى» اۋماعىنداعى كوپىردى قايتا سالۋ جۇمىسى قارقىندى جۇرگىزىلۋدە. كۇنى بۇگىن 59 تىرەۋىش باعانا قۇيىلدى. ءقازىر بەلارقا قاڭقاسىن ورناتۋ جانە ارماتۋرالاۋ بويىنشا جۇمىستار اتقارىلۋدا. بارلىق قاجەتتى ماتەريالدار، ناقتى ايتساق، 130 دانا بورەنە تولىق اكەلىندى. نىساندى 2018 جىلى بەلگىلەنگەن مەرزىمىنەن ەرتە تاپسىرۋ كوزدەلىپ وتىر.
2017 جىلدىڭ 9 ايىندا «نۇرلى جەر» باعدارلاماسى ارقىلى جالپى اۋدانى 70 مىڭ شارشى مەتر بولاتىن 1800 پاتەرلىك 8 تۇرعىن ءۇي، 12 ينجەنەرلىك-كوممۋنيكاسيالىق ينفراقۇرىلىم وبەكتىلەرى سالىنۋدا. «بايتەرەك ديەۆەلوپمەنت» اكسيونەرلىك قوعامى «ءتۇرعىنۇيقۇرىلىسجيناق بانكىنىڭ» سالىمشىلارى ءۇشىن سالىنعان 4 ءۇيدىڭ قۇرىلىسىن اياقتادى. بۇدان بولەك، دەپوۆسكايا كوشەسىندەگى ەسكى ءۇيدىڭ ورنىنا سالىنعان 1 ءۇيدىڭ قۇرىلىسى اياقتالسا، 6، 33، 34 ورىندارىنداعى (پياتنو) ۇيلەردىڭ قۇرىلىسى اعىمداعى جىلى 4 توقساندا تولىق اياقتالماق. سونداي-اق، 2018 جىلى سالۋعا جوسپارلانعان 16 ءۇيدىڭ جوبالىق-سمەتالىق قۇجاتتاماسى جاساقتالدى. ولاردىڭ 9-ى زاشاعان اۋىلىندا، 7 ءۇي قالانىڭ سولتۇستىك-شىعىس بولىگىندە سالىنادى. بارلىعى 1800 پاتەردەن تۇراتىن بۇل ۇيلەردىڭ قۇرىلىسى 2018-2019 جىلدارى باستالادى دەپ جوسپارلانۋدا. ورال قالاسىندا جەكە تۇرعىن ءۇي قۇرىلىسى ءۇشىن جەر ۋچاسكەلەرىن بەرۋ وتە وتكىر ماسەلەلەردىڭ ءبىرى. بۇگىندە قالا بويىنشا جەكە تۇرعىن ءۇي قۇرىلىسى ءۇشىن جەر ۋچاسكەلەرىن الۋ كەزەگىندە 70885 ادام تۇر. 2000-2012 جىلدارى جەر ۋچاسكەلەرى 15 مىڭ ادامعا بەلگىلەنگەن تارتىپپەن بەرىلگەن. قازىرگى ۋاقىتتا ەلىمىزدە «نۇرلى جەر» باعدارلاماسى قابىلدانىپ، جۇزەگە اسىپ جاتىر. باعدارلاما اياسىندا كرۋگلووزەرنوە اۋىلدىق وكرۋگى ماڭىنان كەزەكتە تۇرعان ازاماتتارعا جەر بەرۋ ماقساتىندا جەردىڭ جوسپارى جاساقتالۋدا.
جىل باسىنان بەرى ورال قالاسىنداعى ىقسانوۆ كوشەسىنىڭ بويىندا، قالامىزدىڭ جاڭا الاڭىندا جانە زاشاعان كەنتىندە ءار سەنبى سايىن اۋىلشارۋاشىلىعى تاۋارلارى ونىمدەرىنىڭ كەڭەيتىلگەن جارمەڭكەلەرى وتكىزىلۋدە (كۇنى بۇگىن 25 جارمەڭكە ءوتتى). ولارعا 50-گە جۋىق وبلىستىڭ، سونداي-اق قالا ماڭىنىڭ اۋىل شارۋاشىلىق تاۋار وندىرۋشىلەرى مەن قايتا وڭدەۋ كاسىپورىندارى قاتىستى. جارمەڭكەگە ءوز تاۋارىن اكەلگەندەرگە ساۋدا ورىندارى تەگىن بەرىلدى.
اعىمداعى جىلى 20 اۋلا اۋماعىن اباتتاندىرۋعا بيۋدجەت ەسەبىنەن 507 000،0 مىڭ تەڭگە قاراجات ءبولىندى. بۇگىنگى تاڭدا بارلىق جۇمىستار اياقتالدى. بيىل اتالمىش باعدارلاما اياسىندا 10 مىڭعا جۋىق تۇرعىن تۇراتىن 54 ءۇيدىڭ (3440 پاتەر) اۋلاسى اباتتاندىرىلىپ، تۇرعىندارعا قولايلى جاعداي تۋعىزىلدى. 2018 جىلعا 29 اۋلا اۋماعىن اباتتاندىرۋعا جوبالاۋ-سمەتالىق قۇجاتتاما جاسالدى، ءقازىر قۇجاتتار تەكسەرىستەن وتۋدە.
تۇرعىن ۇي-كوممۋنالدىق شارۋاشىلىعىن جاڭعىرتۋ جانە دامىتۋ باعىتىندا 2017 جىلى 7 ۇيگە كۇردەلى جوندەۋ جوسپارلانعان بولاتىن. جالپى سوماسى 80 ملن. تەڭگە قۇرايتىن 4 تۇرعىن ءۇيدىڭ جوندەۋ جۇمىستارى اياقتالدى (ەسقالييەۆ كوشەسى 182، 25-چاپايەۆسكايا ديۆيزيا 2، جاڭگىر حان 18/1 جانە گاگارين 67).
مەملەكەتتىك جەكە-مەنشىك ارىپتەستىك قاعيداسىنا سايكەس اعىمداعى جىلى ورال قالاسى گاگارين كوشەسى 1 مەكەنجايىنداعى ءۇيدى بۇزۋ جۇمىسى جۇرگىزىلدى. اتالعان ءۇيدىڭ ورنىنا 126 پاتەرلىك تۇرعىن ءۇيدىڭ قۇرىلىسىن «كاراۆاننىي پۋت» ج ش س باستاپ كەتتى. سونىمەن قاتار، ورال قالاسى قۇرمانعازى كوشەسى 198 مەكەنجايىنداعى ءۇيدىڭ ورنىنا 64 پاتەرلىك كوپ قاباتتى ءۇي سالۋ جوسپاردا بار. قازىرگى تاڭدا قۇرىلىس جۇمىستارىن «كازحول» ج ش س مەكەمەسى جۇرگىزىپ جاتىر. سونداي-اق ع. قاراش 33/1 جانە قۇرمانعالييەۆ كوشەسى 3 مەكەنجايىنداعى ۇيلەردى بۇزۋ جوسپاردا تۇر. بۇگىندە ولاردىڭ يەلەرىنە ءتۇسىندىرۋ جۇمىستارى جۇرگىزىلۋدە.
قالادا ءقازىر 20 كوپفۋنكسيونالدى سپورت جانە بالالار ويىن الاڭدارىنىڭ قۇرىلىسى جۇرگىزىلۋدە. اتالعان نىساندار فۋتبول، حوككەي، باسكەتبول، ۆوركاۋت، سكەيتبورد، كوشە ترەناجەرلارى جانە سكەيتپارك الاڭدارىمەن جابدىقتالعان. سونداي-اق، 2018 جىلى ورال قالاسى بويىنشا 22 سپورت جانە بالالار الاڭدارىنىڭ قۇرىلىسىن باستاۋ كوزدەلۋدە.
بۇگىندە قالادا جاڭا ۇلگىدەگى 37 ايالداما پاۆيلونى ورناتىلدى. پاۆيلوندار ەۆرازيا، دوستىق-درۋجبا، ءابىلقايىرحان داڭعىلدارى، جاڭگىرحان، تايمانوۆ، گاگارين، ەسەنجانوۆ، سارايشىق، شولوحوۆ، ءا.مولداعۇلوۆا جانە م.مامەتوۆا سياقتى قالانىڭ ءىرى كوشەلەرىنە قويىلدى. سونداي-اق، ۇنەمدەلگەن قارجى ەسەبىنەن جىل سوڭىنا دەيىن قوسىمشا 7 ايالداما ورناتۋ كوزدەلىپ وتىر. جاڭا ايالدامالار شولوحوۆ كوشەسى بويىنا جانە «قازاق دراما تەاترى»، «دينامو» سپورتبازاسى ايالدامالارىنا ورناتىلماق.
شاھار باسشىسى ودان ءارى ءبىلىم سالاسىنا كەڭىنەن توقتالدى. قالالىق ءبىلىم بولىمىنە قاراستى 48 كۇندىزگى جالپى ءبىلىم بەرەتىن مەكتەپتەردە 42985 بالا ءبىلىم الۋدا. بۇل بىلتىرعى كورسەتكىشتەن 2872 بالاعا كوپ. قالادا 50 مەملەكەتتىك بالاباقشا، 28 جەكە مەكتەپكە دەيىنگى مەكەمە، 26 مەكتەپ جانىنداعى شاعىن ورتالىقتار جۇمىس جاساپ تۇر. 3-6 جاس ارالىعىنداعى بالالاردى قامتۋ 99،5 پايىزدى قۇراپ وتىر. سوڭعى 3 جىلدا مەملەكەتتىك ءبىلىم بەرۋ باعدارلاماسىنىڭ شەڭبەرىندە مەملەكەتتىك-جەكە سەرىكتەستىك بەلسەندى تۇردە دامىدى. قالادا 2015 جىلعا دەيىن تەك 3 جەكە بالالار ۇيىمى جۇمىس ىستەسە، بۇگىندە ولاردىڭ سانى 31-گە جەتتى.
جىلدان جىلعا ءبىلىم بەرۋ سالاسىنىڭ ماتەريالدىق-تەحنيكالىق بازاسى جاقسارىپ كەلەدى. تەك بيىلدىڭ وزىندە 4 مەكتەپ سالىنۋدا. ولاردىڭ 1-ەۋى دەركول اۋىلىندا، 1-ەۋى سارىتاۋ شاعىن اۋدانىندا ورنالاسقان. الداعى ۋاقىتتا قالاداعى 2ء-شى جۇمىسشى اۋدانىندا سالىنىپ جاتىرعان №4 مەكتەپتىڭ وقۋشىلارى جاڭا زامان تالابىنا ساي سالىنعان مەكتەپ تابالدىرىعىن اتتايتىن بولادى.
اعىمداعى جىلى №8،22،42،43 بالاباقشالار مەن جەلايەۆ اۋىلىنداعى مەكتەپتەن تىس جۇمىستار ورتالىعىنا كۇردەلى جوندەۋ جۇمىستارى جۇرگىزىلدى. تەك سوڭعى جىلدارى قالادا 8 بالاباقشا، 3 مەكتەپ پەن 2 مەكتەپتەن تىس جۇمىس ورتالىقتارى كۇردەلى جوندەلدى.
«اقىلدى قالا» - «سمارت سيتي» جوباسى ورالدىقتار ءۇشىن وتە ماڭىزدى بولىپ تابىلادى. جوباعا سايكەس، كەلەشەكتە بالاباقشا كەزەگى اۆتوماتتاندىرىلاتىن بولادى. سونداي-اق، جوبا اياسىندا ەلەكتروندى پاتەر يەلەرىنىڭ كووپەراتيۆتەرىن جاساۋدى (ەكسك) قولعا الدىق. سونىمەن قاتار، «قولجەتىمدى اكىمدىك» («ءقا») بىرەگەي جوباسىن ءبىز قازاقستاندا العاشقىلاردىڭ ءبىرى بولىپ ىسكە اسىرۋدامىز. جوبا ارقىلى تۇرعىندارعا قالالىق ساۋلەت، قۇرىلىس جانە جەر قاتىناستارى ءبولىمى، ورال قالاسى اكىمدىگى كەڭسەسى 16 مەملەكەتتىك قىزمەت ءتۇرىن كورسەتەتىن بولادى. ورتاشا ەسەپپەن اتالعان مەملەكەتتىك قىزمەتتى الۋ ءۇشىن كۇنىنە 300 ازامات كەلسە، 4 ايدا 19 544 ادامعا قىزمەت كورسەتىلدى.
قوعامدىق كولىك سالاسىندا 2018-2023 جىلدارعا ارنالعان «ورال قالاسىنىڭ قوعامدىق كولىك تۇجىرىمداماسى» جاسالدى. جىل سوڭىنا دەيىن قالالىق قوعامدىق كولىكتەر سمس-باس ەلەكتروندى تولەۋ جۇيەسىنە اۋىسپاق. بۇل تۇرعىندار ءۇشىن جولاقى تولەۋدىڭ ىڭعايلى ءادىسى بولماق. ءقازىردىڭ وزىندە قالاداعى قوعامدىق كولىكتەردە «INFOBUSMOBILE» قوسىمشاسى قوسىلىپ، اۆتوكولىكتەردى قاداعالاۋ جۇيەسى ورناتىلدى. ءاربىر اۆتوكولىكتە GPS-داچيك ورناتىلدى، ول ديسپەچەرگە كولىكتىڭ قاي جەردە ەكەندىگىن كورسەتىپ وتىرادى. تۇرعىندار ءموبيلدى قوسىمشا ارقىلى وزىنە قاجەتتى اۆتوبۋس قاي جەردە ەكەنىن باقىلاي الادى. قازىرگى ۋاقىتتا سەنسور پاركىن جابدىقتاۋ 75% -دى قۇرادى، جىل سوڭىنا دەيىن اۆتوبۋستاردىڭ 100% -ىن قوسۋ جوسپارلانۋدا.
تۇرعىن ۇي-كوممۋنالدىق شارۋاشىلىعى «قازپوچتا» اق-مەن بىرلەسىپ، «عيمارات سايتى» اتتى ەلەكتروندى پيك ەنگىزىلۋدە. «عيماراتتاردىڭ سايتى» - بۇل تۇرعىندار، پيك مەن اكىمدىكتەر اراسىنداعى بايلانىس ءۇشىن تەگىن ونلاين الاڭ. ءار عيماراتتىڭ INDEKSTROENIE.post.kz. مەكەنجايى بويىنشا ۆەب-سايتى بولادى. تۇرعىندار سايت ارقىلى اكىمدىككە جانە پيك-كە جازا الادى، پيك وزدەرىنىڭ حابارلاندىرۋلارىن، اتقارىلعان جۇمىستار تۋرالى ەسەپتەرىن جاريالاي الادى. سونداي-اق ءاربىر ۇيگە پوليسيا قىزمەتكەرىن، جاقىن ماڭداعى مەكتەپتەر مەن بالاباقشالاردى، مەديسينالىق مەكەمەلەردى، سانتەحنيكتى، كوتەرگىشتى، كۇزەتتى جانە ت.ب بەكىتۋگە مۇمكىندىك بولادى.
سىرتقى جارىقتاندىرۋدىڭ اۆتوماتتاندىرىلعان باسقارۋ جۇيەسى وپەراسيالىق شىعىستاردى قىسقارتۋ؛ ەلەكتر قۋاتىن تۇتىنۋدى وڭتايلاندىرۋ؛ قۋات ۇنەمدەۋ باعدارلامالارىن ىسكە اسىرۋ جانە ولاردىڭ تيىمدىلىگىن باعالاۋعا جول اشادى. قازىرگى ۋاقىتتا وسى جوبانىڭ شەڭبەرىندە 10 000 جارىق شامىن جارىقديودتى شامعا اۋىستىرۋ جوسپارلانۋدا.
قالا بويىنشا جولداعى قىلمىستى ازايتىپ، قاۋىپسىزدىكتى ساقتاۋ ماقساتىندا بەينەباقىلاۋ كامەرالارى ورناتىلعان. 2017-2018 جىلدارعا ارنالعان «سەرگەك» باعدارلاماسىنا سايكەس، 200 بەينەباقىلاۋ كامەراسى، سونداي-اق «ءقاۋىپسىز اۋلا» جۇيەسىندە (جەرگىلىكتى بيۋدجەت ەسەبىنەن) 100 بەينەباقىلاۋ كامەراسىن ورناتۋ كوزدەلۋدە. 2017 جىلدىڭ 9 ايىندا 829 بەينەكامەرالاردىڭ كومەگىمەن 829 اكىمشىلىك قۇقىقبۇزۋشىلىق انىقتالىپ، 43 قىلمىستىق ءىس اشىلدى.
سونداي-اق، «قازاقتەلەكوم» اق تۇرعىن ءۇي عيماراتتارىنىڭ كىرەبەرىسىندە جانە سىرتىندا بەينەكامەرالاردى ورناتۋ جوباسىن ىسكە قوستى. جوبا ءۇش كەزەڭدە جۇزەگە اسىرىلاتىن بولادى. قازىرگى تاڭدا بەس ءۇيدىڭ كىرەبەرىسىنە 10 كامەرا ورناتىلدى. جوسپارعا سايكەس، 2018 جىلى قالانىڭ بارلىق تۇرعىن ۇيلەردىڭ كىرەبەرىسىنە 2542 كامەرا ورناتىلاتىن بولادى.
جۋىق ارادا ورال قالاسى اكىمدىگىنىڭ تەلەگرام-بوت قوسىمشاسى ىسكە قوسىلماق. بوتتا قالاداعى بالاباقشا، مەملەكەتتىك قىزمەتتەر، سپورتتىق سەكسيالار تۋرالى ماعلۇماتتار بولادى. وسى ارقىلى كەز-كەلگەن تۇرعىن اكىمدىككە ءوز سۇراعىن قويا الادى. كەرى جاۋاپ بەرۋ فۋنكسياسىن ىسكە قوسۋ كوزدەلۋدە.
قوسىمشا اقپاراتتى تومەندە
Uralsk
