قىرعىزستاننىڭ قايىرىمدى جاندارى رەسەيدٸڭ كۋرسك وبلىسىنا گۋمانيتارلىق كٶمەك جٸبەردٸ, دەپ حابارلايدى Dalanews.kz.
“ورىستارمەن بٸرگەمٸز!” دەپ ۇرانداتقان بەلسەندٸ توپ العاشقى كٶمەكتٸڭ جٸبەرٸلگەنٸن مەلٸم ەتتٸ.
“اسسالاۋماعالەيكۋم! بٸز قىرعىز دياسپورىنىڭ كەڭەسشٸلەرٸ كۋرسك وبلىسىنا گۋمانيتارلىق كٶمەك جٸبەرٸپ جاتىرمىز. وسىعان اتسالىسىپ جاتقان بەلسەندٸلەر مەن جەكە كەسٸپكەرلەرگە كٶپ راقمەت! بٸز قىرعىز حالقىنىڭ اتىنان رەسەيگە كٶمەك قولىن سوزىپ جاتقانىن ايتقىمىز كەلەدٸ. بٸز ول جاقتا جاي عانا ميگرانت ەمەسپٸز, بٸز ورىستارمەن بٸرگەمٸز. ولارعا قيىن-قىستاۋ كەزدە دەمەۋ بولامىز. مٸنە, بٸرٸنشٸ گۋمانيتارلىق كٶمەكتٸ جٶنەلتكەلٸ جاتىرمىز”, - دەيدٸ كەڭەسشٸ.
ولار وسىعان ۇقساس كٶمەك الداعى ۋاقىتتا جالعاسىن تاباتىنىن جەتكٸزدٸ.
“بۇيىرسا, ەلدە تىنىشتىق بولسىن! قىرعىزستان حالقى رەسەيمەن بٸرگە!”, - دەيدٸ ولار.
ال اتالمىش ۆيدەونىڭ استىنا قىرعىزداردى قارالاعان پٸكٸرلەر تولاستاپ جازىلعان.
“قىرعىزدار نە ٸستەپ جاتسىڭدار! سەندەردەن ساقتانۋ كەرەك بولدى عوي!”, “ولاردى رەسەي قۋدالاپ, ار-نامىستارىنا تيٸپ جاتىر. ال بۇلاردىڭ ەرەكەتٸ - مىناۋ! نە دەيمٸز, جارايسىڭدار!”, “قىرعىزداردان وسىنداي قوشەمەت قاجەت ەمەس ەدٸ. ودان دا ۋكرايناعا كٶمەك قولىن سوزباي ما?” دەگەن پٸكٸرلەر جازىلعان.
قىرعىز حالقى رەسەيلٸكتەردٸڭ ٷنەمٸ جانىنان تابىلۋعا تىرىسادى. مەسەلەن, بۇعان دەيٸن ورىنبور وبلىسىنا سۋ تاسقىنىنان زارداپ شەككەندەرگە ارنالعان 350 توننا گۋمانيتارلىق كٶمەك جٸبەرگەن ەدٸ.
“رەسەي مەن قىرعىزستاننىڭ تٶتەنشە قىزمەتتەرٸنٸڭ ىنتىماقتاستىعى ەردايىم دوستىق قارىم-قاتىناستا دامىپ كەلەدٸ. حالىقتى جەنە اۋماقتاردى تٶتەنشە جاعدايلاردان قورعاۋ بويىنشا بٸرلەسكەن جۇمىسىمىزدا ٶزارا قولداۋ مەن كٶمەك كٶرسەتۋ ماڭىزدى ورىن الادى”, - دەپ اتاپ ٶتتٸ رەسەي تجم باسشىسى الەكساندر كۋرەنكوۆ.
