Qyrǵyzstannyń qaiyrymdy jandary Reseidiń Kýrsk oblysyna gýmanitarlyq kómek jiberdi, dep habarlaidy Dalanews.kz.
“Orystarmen birgemiz!” dep urandatqan belsendi top alǵashqy kómektiń jiberilgenin málim etti.
“Assalaýmaǵaleikým! Biz qyrǵyz diasporynyń keńesshileri Kýrsk oblysyna gýmanitarlyq kómek jiberip jatyrmyz. Osyǵan atsalysyp jatqan belsendiler men jeke kásipkerlerge kóp raqmet! Biz qyrǵyz halqynyń atynan Reseige kómek qolyn sozyp jatqanyn aitqymyz keledi. Biz ol jaqta jai ǵana migrant emespiz, biz orystarmen birgemiz. Olarǵa qiyn-qystaý kezde demeý bolamyz. Mine, birinshi gýmanitarlyq kómekti jóneltkeli jatyrmyz”, - deidi keńesshi.
Olar osyǵan uqsas kómek aldaǵy ýaqytta jalǵasyn tabatynyn jetkizdi.
“Buiyrsa, elde tynyshtyq bolsyn! Qyrǵyzstan halqy Reseimen birge!”, - deidi olar.
Al atalmysh videonyń astyna qyrǵyzdardy qaralaǵan pikirler tolastap jazylǵan.
“Qyrǵyzdar ne istep jatsyńdar! Senderden saqtaný kerek boldy ǵoi!”, “Olardy Resei qýdalap, ar-namystaryna tiip jatyr. Al bulardyń áreketi - mynaý! Ne deimiz, jaraisyńdar!”, “Qyrǵyzdardan osyndai qoshemet qajet emes edi. Odan da Ýkrainaǵa kómek qolyn sozbai ma?” degen pikirler jazylǵan.
Qyrǵyz halqy reseilikterdiń únemi janynan tabylýǵa tyrysady. Máselen, buǵan deiin Orynbor oblysyna sý tasqynynan zardap shekkenderge arnalǵan 350 tonna gýmanitarlyq kómek jibergen edi.
“Resei men Qyrǵyzstannyń tótenshe qyzmetteriniń yntymaqtastyǵy árdaiym dostyq qarym-qatynasta damyp keledi. Halyqty jáne aýmaqtardy tótenshe jaǵdailardan qorǵaý boiynsha birlesken jumysymyzda ózara qoldaý men kómek kórsetý mańyzdy oryn alady”, - dep atap ótti Resei TJM basshysy Aleksandr Kýrenkov.
