«ستراتەگيا» ساياسي جانە الەۋمەتتىك زەرتتەۋلەر ورتالىعىنىڭ پرەزيدەنتى گۇلميرا يلەۋوۆا ەل ىشىندەگى قازىرگى جاعدايعا باعا بەرىپتى. ەۋرازياشىلدار، ۇلتشىلدار، ەل ىشىندەگى 10 ۇرەي جانە ورىستىلدىلەردىڭ نازاربايەۆتى نە سەبەپتى قولدايتىنىن ايتىپ بەرىپتى.

حالىق بيلىكتىڭ اۋىسۋىنان قورقادى

قازاقستاندىقتاردىڭ ۇرەيىن ۇشىرادى دەگەن 10 ءقاۋىپتىڭ ىشىندە وسى تۇر. بيلىكتىڭ اۋىسۋى جانە ارتىنشا ورىن الۋى مۇمكىن تۇراقسىزدىق ەلدىڭ ءتۇن ۇيقىسىن ءتورت بولگىزەدى.

حالىق بيلىك اۋىسقان جاعدايدا ەلدە اۋمالى-توكپەلى زامان ورناپ الاساپىران (حاوس) باستالادى دەپ ويلايدى.

ارينە، ەل تەك وسى ماسەلەگە عانا الاڭداپ وتىرعان جوق. مۇنايدىڭ باعاسى قۇلدىراعالى ەل ۇنەمدەيتىن بولدى. «تابىسىم تومەندەيدى، كۇنكورىسىم قيىندايدى» دەگەن ۋايىمى ارتتى. بۇعان سوڭعى كەزدەرى جيىلەپ كەتكەن لاڭكەستىك وقيعالاردى قوسىڭىز. بۇل دا حالىقتىڭ ۇرەيىن تۋعىزاتىن قاۋىپتەردىڭ ءبىرى.

قازاقتار الاڭدامايدى

بيلىكتىڭ، ونىڭ ىشىندە وسى بيلىكتىڭ توبە باسىندا وتىرعان ادامنىڭ ورنىنان كەتۋىن كوپۇلتتى قازاقستان ءارتۇرلى قابىلدايدى. ايتالىق، قازاقتار الاڭدامايدى. ولار وسى ەلدىڭ قوجايىنى. نازاربايەۆ كەتكەن كۇندە ەلدىڭ ەرتەڭى كۇماندى، بولاشاعى تۇماندى بولادى دەپ سانامايدى.

ەسەسىنە ورىستار نازاربايەۆتىڭ كەتكەنىنەن قورقادى.

ونىڭ ورنىنا «ۇلتشىل كوزقاراستاعى ساياساتكەر كەلەدى، ەلدىڭ تىلدىك، دىلدىك، الەۋمەتتىك-مادەني، كادرلىق ساياساتىن وزگەرتىپ تاستايدى» دەپ ۇرەيلەنەدى.

سايىپ كەلگەندە ءار ەتنيكالىق توپتىڭ بيلىكتىڭ اۋىسۋىنا قاتىستى كوزقاراسى ءارتۇرلى. بۇل سايلاۋ كەزىندە اڭعارىلىپ وتىر.

سوڭعى جىلداعى پرەزيدەنت سايلاۋىندا نازاربايەۆ اسىرەسە ءورىستىلدى قاۋىمنىڭ تاراپىنان اسا كۇشتى قولداۋعا يە بولدى. بۇل ولاردىڭ (ورىستىلدىلەردىڭ) بيلىكتىڭ اۋىسۋىنان قورقاتىنىن دالەلدەپ وتىر. مۇنى بولدىرتپاۋ ءۇشىن ولار تايلى-تۇياعىمەن نازاربايەۆقا داۋىس بەرىپ، سايلاۋعا وتە بەلسەندى قاتىسۋدا. ەلىمىزدەگى ورىستار ءۇشىن ەڭ باستى ءقاۋىپ جانە ەڭ باستى ۇرەي وسى.

بيلىك باسىنا ۇلتشىل كەلۋى مۇمكىن بە؟

جوق. ەگەر سايلاۋ قازىرگى ساياسي جۇيەنىڭ باقىلاۋى اياسىندا وتسە جانە سايلاۋعا تاعى دا سول ءبىز بىلەتىن تۇلعالار قاتىسسا، قازاقستان حالقى ۇلتشىل باعىتتاعى ۇمىتكەرگە داۋىس بەرمەيدى.

ءبىزدىڭ ەسەپتەۋىمىز بويىنشا مۇنداي باعىتتاعى پارتيالار مەن ۇيىمداردى قوعامنىڭ 10 پايىزعا جەتەر-جەتپەس بولىگى عانا قولدايدى.

الايدا ەگەر بۇعان لايىقتى جاعداي تۋىنداسا، وسى تاقىرىپتى تەرەڭدەتىپ ايتاتىن ارانداتۋشىلار شىقسا جانە ودان زورعىسى – ساياسي قىلمىس جاسالسا قوعامنىڭ كوڭىل-كۇيىن پايدالانعان ۇلتشىل-پرەزيدەنت تاققا وتىرۋى مۇمكىن.

ءبىراق، مۇنداي سەنارييدىڭ ورىندالۋى نەعايبىل.

ەۋرازياشىلدار

ەۋرازياشىل ساياساتكەرلەر شەتقاقپاي كورۋدە، ولارعا قىسىم كورسەتىلىپ جاتىر دەگەن اڭمىگەلەر نەگىزسىز.

ءبىزدىڭ پرەزيدەنتتەن اسقان ەۋرازياشىل جوق انىعىندا…

ال ءوزىن «ەۋرازياشىلمىن» دەگەن كەيبىر ساياساتكەرلەر ءوز يدەياسىنىڭ قۇربانى بولدى. ەۋرازيا ينتەگراسياسىنىڭ ءمانى مەن ماقساتىن ءبىلىمسىز، ساپاسىز ناسيحاتتادى.

ايتالىق، ولار «ينتەگراسيانى حالىقتىڭ 95-97 پايىزى قولدايدى» دەيدى. وتىرىك. زەرتتەۋلەر مۇلدە باسقا ناتيجەنى كورسەتىپ وتىر.

بيلىكتە ۇستانىم جوق

بيلىك حالىقتان قورىقپايدى، سوزىمەن ساناسپايدى دەگەن پىكىر قالىپتاسقان. بۇل دا قاتە كوزقاراس. 2016 جىلعى وقيعالار بيلىكتىڭ حالىقتان قايمىعاتىنىن كورسەتتى.

مەنىڭشە، بيلىك بۇل ارادا دا قاتەلەستى. سەبەبى، ءوز پوزيسياسىندا تۇرا الماۋ، بيلىكتىڭ قوعام الدىنداعى بەدەلىن ودان ءارى السىرەتە ءتۇستى. ول شىعارعان شەشىمدەر پايدا اكەلمەيدى دەگەن پىكىر قالىپتاستى.

ناقتى ەكونوميكالىق قيسىنى بار شەشىم قابىلدادىڭ ەكەن، ونىڭ قوعامعا پايدالى بولارىنا كوز جەتكىزدىڭ ەكەن. ەندەشە ءوز دەگەنىندە تۇرۋىڭ كەرەك.

مىسالى، مەديسينالىق ساقتاندىرۋدى الايىق. بۇل دۇرىس باستاما. قازاقستاندا ءوزىن-وزى اسىراپ وتىرعان 2 ملن. ادام بار. ولار بيۋدجەتكە تۇك تە تولەمەدى. ءبىراق، تەگىن مەديسينانىڭ قىزمەتىن پايدالانادى. وسى ءادىل مە؟ بيلىك وسىنداي ماسەلەلەردى حالىققا قاراپايىم تىلمەن ءتۇسىندىرۋى قاجەت ەدى. وكىنىشكە وراي، قازىرگى جۇيە مۇنداي ءادىستى قولدانۋعا كەلگەن اقساپ وتىر.

حالىق بۇل باستامانى قالتانى قاعۋدىڭ جولى، الەۋمەتتىك سالىقتىڭ تاعى ءبىر ءتۇرى دەپ تۇجىرىمداپ قويعان. بۇل رەفورما ءالى جۇرگىزىلگەن دە جوق، ءبىراق ەل اراسىندا ول تۋرالى كەرى پىكىر قالىپتاسىپ ۇلگەردى.

دايىنداعان، دۋمان بىقاي

دەرەككوز: اقپاراتتىق ساراپتامالىق ورتالىق