بوبروۆ ٶتكەن اپتادا تاسس اقپارات اگەنتتٸگٸنە بەرگەن سۇحباتىندا قازاقستانداعى ورىستٸلدٸ سىنىپتاردىڭ ازايعانىن ايتىپ, قازاقستان وقۋ-اعارتۋ مينيسترلٸگٸن ايىپتاي سٶيلەگەن.
باس كونسۋل سول سۇحباتىندا «ورىس تٸلدٸ مەكتەپتەر مەن سىنىپتار سانى قىسقارعانىن, قازاق تٸلٸندە وقىتاتىن بٸرٸنشٸ سىنىپ وقۋشىلارىنا ارنالعان باعدارلامادان «ورىس تٸلٸ» پەنٸنٸڭ الىنىپ تاستالۋى, پەداگوگيكالىق ينستيتۋتتاردىڭ ورىس تٸلٸندە ماماندار دايارلاۋمەن اينالىساتىن فاكۋلتەتتەرٸنٸڭ قىسقارۋى كادرلىق رەسۋرستاردىڭ شەكتەلۋٸنە ەكەلگەنٸن ايتا كەلٸپ, بۇل قۇبىلىستىڭ وبەكتيۆتٸ سەبەپتەرٸ ورىس حالقىنىڭ قازاقستاندا 15,2%-عا دەيٸن ازايعانىنان» دەپ تٷسٸندٸرگەن.
ونىڭ بۇل سٶزٸ قازاقستان قوعامىندا قارسىلىق تۋدىردى.
سماديياروۆ جۋرناليستەردٸڭ "بوبروۆ قىزمەتٸن اياقتاپ كەتٸپ بارا جاتىپ, وسى سٶزدٸ ايتىپ كەتتٸ مە?" دەگەن سۇراعىنا جاۋاپ بەرمەدٸ, بوبروۆتىڭ سٶزٸ "دۇرىس ەمەس" دەدٸ.
"ول (ەۆگەنيي بوبروۆ – اۆت.) اقپاراتتى بٸلمەيتٸن شىعار. الماتىدا بولعان سوڭ تەك شەكتەۋلٸ اقپاراتقا سٷيەنگەن بولار. بٸراق 26 تامىزدان بەرٸ ول قازاقستاندا جۇمىس ٸستەمەيدٸ. قازٸر ەۆگەنيي بوبروۆ رەسەيدٸڭ الماتىداعى باس كونسۋلى ەمەس", - دەدٸ ول سٸم-دە ٶتكەن باسپاسٶز مەسليحاتىندا.
ايبەك سماديياروۆتىڭ ايتۋىنشا, قازاقستاندا ورىس تٸلٸنٸڭ اياسى تارىلماعان.
«وقۋ-اعارتۋ مينيسترلٸگٸنٸڭ مەلٸمەتٸنشە, قازٸر قازاقستاندا مەملەكەتتٸك 7 711 مەكتەپ بار. تەك قازاق تٸلٸندە بٸلٸم بەرەتٸن – 3957 مەكتەپ, ورىس تٸلٸندە بٸلٸم بەرەتٸن – 1203, ال ارالاس مەكتەپ سانى – 2 551.
وسى دەرەككە سٷيەنسەك – جوعارى كٶرسەتكٸش. الايدا ۋاقىت تالابىنا ساي قازٸر قازاقشا بٸلٸم بەرەتٸن مەكتەپتەردٸڭ سانى ارتىپ جاتىر», - دەدٸ رەسمي ٶكٸل.
كەيٸنگٸ ۋاقىتتا رەسەيدە قازاقستانداعى ۇلتارالىق قاتىناستار جەنە ورىس حالقىنىڭ جاعدايى تۋرالى ەرتٷرلٸ دەڭگەيدەگٸ تالقىلاۋلار كٷشەيگەن.
رەسەيلٸك ساياساتكەرلەر مەن پروپاگاندا جۋرناليستەرٸ ارا-تۇرا "قازاقستاندا ورىس تٸلٸنە قىسىم جاسالىپ جاتىر" دەپ بٸرنەشە رەت مەلٸمدەمە جاساعان. رەسەيلٸك ساياساتكەرلەر قازاقستانداعى قازاق تٸلدٸ بەلسەندٸلەردٸڭ ەرەكەتٸن جەنە تٸلگە قاتىستى زاڭداردى جيٸ سىنعا دا العان.
قازاقستان پرەزيدەنتٸ قاسىم-جومارت توقاەۆ بىلتىر 7 قازاندا سانكت-پەتەربۋرگتە تمد ەلدەرٸ باسشىلارىنىڭ بەيرەسمي سامميتٸندە تمد جانىنان ورىس تٸلٸن قولداۋ جەنە دامىتۋ بويىنشا حالىقارالىق ۇيىم قۇرۋدى ۇسىنعان. ۇسىنىستى رەسەي باسشىسى ۆلاديمير پۋتين قولداعان ەدٸ.
