فيليال ديرەكتورى نۇرعالي اقمۇراتوۆتىڭ مالىمدەۋىنشە، جىل باسىنان بەرى «اتامەكەن» ۇكپ-نىڭ ورداباسى اۋداندىق فيليالىنا كاسىپكەرلەردىڭ قۇقىعىن قورعاۋ ماقساتىندا 69 ءوتىنىم ارىز تۇسكەن، ونىڭ 40 ءوتىنىشى – بيزنەس-جوبالارعا قارجى قاراستىرۋعا قاتىستى. بيزنەس-جوبالاردى قارجىلاي قولداۋ ماقساتىندا «اۋىلشارۋاشىلىعىن قارجىلاي قولداۋ قورى» اق ارقىلى 7 جوبا 35 ملن 700 مىڭ تەڭگەگە ، «ىرىس» مقۇ ارقىلى 29 جوبا جالپى سوماسى 100 ملن 400 تەڭگەگە، «اگرو نەسيە سەرىكتەستىگى» اق ارقىلى 1 جوبا 9،0 ملن. تگ.، «ماكسيمۋم» ايو» ج ش س ارقىلى 2 جوبا 69،0 ملن.تگ.، ەكىنشى دەڭگەيلى بانك «اتف» اق ارقىلى 1 جوبا 35،0 ملن تەڭگەگە قارجىلاندىرۋعا دەيىن سۇيەمەلدەنىپ، كومەك كورسەتىلدى. جاڭادان ىسكە قوسىلىپ وتىرعان “باستاۋ بيزنەس” جوباسى بويىنشا اۋداندا 151 جۇمىسسىزدار مەن ءوزىن-وزى جۇمىسپەن قامتىعاندار كاسىپكەرلىك نەگىزدەرىنە وقىتىلعان، سەرتيفيكات يەلەنگەن. «بيزنەستىڭ جول كارتاسى 2020» باعدارلاماسى اياسىندا ىسكە اسىپ وتىرعان «بيزنەس كەڭەسشى» جوباسى بويىنشا 87 كاسىپكەرلەر مەن كاسىپكەرلىك باستاماشىلىعى بار تۇرعىندار ءۇشىن قىسقا مەرزىمدى وقىتۋ كۋرسى وتكىزىلىپ، سەرتيفيكاتتار تابىستالدى.
جيىن بارىسىندا وقو كاسىپكەرلەر پالاتاسى ديرەكتورىنىڭ ورىنباسارى قايرات اكەنوۆ، ورداباسى اۋدانى اكىمىنىڭ ورىنباسارى باۋىرجان وماربەكوۆ، «ىرىس» مقۇ» ج ش س جانە «اۋىل شارۋاشىلىعىن قارجىلاي قولداۋ قورى» اق وقف-نىڭ ورداباسى اۋدانىنداعى وكىلدەرى كاسىپكەرلەر تاراپىنان قويىلعان سۇراقتارعا جاۋاپ بەرىپ، سالانى دامىتۋ بويىنشا ۇسىنىستاردى تالقىلادى. سونىمەن قاتار، كاسىپكەرلىكتى جەتىلدىرۋ تەتىگىنىڭ نەگىزى ىنتىماقتاسا جۇمىس جاساۋدا ەكەنىن تىلگە تيەك ەتىپ، جوسپارلارىن ورتاعا سالدى.
بۇگىنگى تاڭدا ورداباسى اۋدانى بويىنشا تىركەلگەن شاعىن جانە ورتا كاسىپكەرلىكتەگى كاسىپورىنداردىڭ سانى - 9 869 نىسان. ونىڭ ىشىندەگى جۇمىس ىستەپ تۇرعان شاعىن جانە ورتا كاسىپكەرلىكتەگى كاسىپورىنداردىڭ سانى 9 172، بۇل جالپى تىركەلگەن كاسىپورىننىڭ 92،9 پايىزىن قۇرايدى. وسى قۇرىلىمدار بويىنشا جۇمىسپەن قامتىلعان – 20 918 ادام.
https://dalanews.kz/30713
