Ordabasy aýdany Kásipkerler palatasy esep berdi
OQO Kásipkerler palatasynyń Ordabasy aýdandyq filialy keńeitilgen májilis ótkizip, 2017 jyldyń 9 aiynda atqarylǵan jumystary jóninde esep berdi.
Filial direktory Nurǵali Aqmuratovtyń málimdeýinshe, jyl basynan beri «Atameken» UKP-nyń Ordabasy aýdandyq filialyna kásipkerlerdiń quqyǵyn qorǵaý maqsatynda 69 ótinim aryz túsken, onyń 40 ótinishi – biznes-jobalarǵa qarjy qarastyrýǵa qatysty. Biznes-jobalardy qarjylai qoldaý maqsatynda «Aýylsharýashylyǵyn qarjylai qoldaý qory» AQ arqyly 7 joba 35 mln 700 myń teńgege , «Yrys» MQU arqyly 29 joba jalpy somasy 100 mln 400 teńgege, «Agro nesie seriktestigi» AQ arqyly 1 joba 9,0 mln. tg., «Maksimým» AIO» JShS arqyly 2 joba 69,0 mln.tg., Ekinshi deńgeili bank «ATF» AQ arqyly 1 joba 35,0 mln teńgege qarjylandyrýǵa deiin súiemeldenip, kómek kórsetildi. Jańadan iske qosylyp otyrǵan “Bastaý biznes” jobasy boiynsha aýdanda 151 jumyssyzdar men ózin-ózi jumyspen qamtyǵandar kásipkerlik negizderine oqytylǵan, sertifikat ielengen. «Biznestiń jol kartasy 2020» baǵdarlamasy aiasynda iske asyp otyrǵan «Biznes Keńesshi» jobasy boiynsha 87 kásipkerler men kásipkerlik bastamashylyǵy bar turǵyndar úshin qysqa merzimdi oqytý kýrsy ótkizilip, sertifikattar tabystaldy.
Jiyn barysynda OQO Kásipkerler palatasy direktorynyń orynbasary Qairat Ákenov, Ordabasy aýdany ákiminiń orynbasary Baýyrjan Omarbekov, «Yrys» MQU» JShS jáne «Aýyl sharýashylyǵyn qarjylai qoldaý qory» AQ OQF-nyń Ordabasy aýdanyndaǵy ókilderi kásipkerler tarapynan qoiylǵan suraqtarǵa jaýap berip, salany damytý boiynsha usynystardy talqylady. Sonymen qatar, kásipkerlikti jetildirý tetiginiń negizi yntymaqtasa jumys jasaýda ekenin tilge tiek etip, josparlaryn ortaǵa saldy.
Búgingi tańda Ordabasy aýdany boiynsha tirkelgen shaǵyn jáne orta kásipkerliktegi kásiporyndardyń sany - 9 869 nysan. Onyń ishindegi jumys istep turǵan shaǵyn jáne orta kásipkerliktegi kásiporyndardyń sany 9 172, bul jalpy tirkelgen kásiporynnyń 92,9 paiyzyn quraidy. Osy qurylymdar boiynsha jumyspen qamtylǵan – 20 918 adam.
https://dalanews.kz/30713
