ورازا ايت مەرەكەسٸ قۇتتى بولسىن!

اسا قامقور ەرەكشە مەيٸرٸمدٸ اللانىڭ اتىمەن باستايمىن! بارلىق ماقتاۋ اللاعا تەن. ارداقتى پايعامبارىمىز مۇحاممەدكە اللانىڭ سالاۋاتى مەن سەلەمٸ بولسىن!

قۇرمەتتٸ وتانداستار!

سٸزدەردٸ كٷللٸ مۇسىلمان بالاسىنىڭ ۇلىق مەرەكەسٸ – ورازا ايتپەن شىن جٷرەكتەن قۇتتىقتايمىن! ايت قابىل بولسىن, اعايىن!

«ايت» سٶزٸ – «مەرەكەلەۋ», «حال سۇراسۋ», «بٸر-بٸرٸن قۋانتۋ», «قۋانىشقا توپتالۋ» دەگەن ماعىنالاردى بٸلدٸرەدٸ. ورازا ايت مەيرامىندا جٷرەككە مەيٸرٸم, قۋانىش سەزٸمٸ ۇيالايدى. وسىناۋ سەۋلەلٸ سەتتە بارشاڭىزعا ريياسىز نيەتپەن اللانىڭ اماندىعى مەن بەرەكەسٸن تٸلەيمٸن. جاراتقان جانۇيالارىڭىزعا جار بولسىن!

ورازا ايت – بٸر اي بويى ورازا ۇستاپ, ىقىلاسپەن جاقسىلىق جاساعان ادامنىڭ قۇرمەتكە, ماراپاتقا يە بولاتىن سەتٸ. اللا تاعالا: «مەن پارىز ەتكەن ورازانى پەندەلەرiم ٶتەپ, اقىسىن الۋعا (ايت نامازىن ٶتەۋگە) مەشiتكە بەت الدى. ولار مەن ٷشiن ورازا ۇستادى, مەنiڭ پەرمەنiممەن اۋىز اشتى, ەندi قۋانىشقا كەنەلسiن...» دەيدٸ. راببىمىز بارشامىزدىڭ قۋانىشىمىزدى ارتتىرىپ, ەكٸ دٷنيەدە دە مەرەيٸمٸزدٸ ٷستەم ەتكەي.

اللا تاعالا ۇستاعان ورازامىزدى, مۇقتاج جاندارعا ٷلەستٸرگەن زەكەتٸمٸز بەن پٸتٸر ساداقامىزدى, بەرگەن اۋىزاشارىمىزدى قابىل ەتٸپ, مول ساۋاپ جازعاي.

ساۋاپتار ەسەلەنٸپ جازىلاتىن بەرەكەلٸ ايدا كٶڭٸلٸ جابىرقاۋ جانداردىڭ جٷرەگٸنە قۋانىش سىيلاۋعا تىرىستىق.

وسى رەتتە قازاقستان مۇسىلماندارى دٸني باسقارماسىنىڭ يگٸ باستاماسىنا ٷن قوسىپ, مەشٸتتەرٸمٸزدە اتقارىلعان ٸزگٸ ٸس-شارالارعا, قايىرىمدىلىق اكتسييالارىنا بەلسەندٸ تٷردە ٷلەس قوسقان بارشا جومارت جاندارعا اللانىڭ نۇرى جاۋسىن دەيمٸن. ٸزگٸ امالدارىڭىزدىڭ جاقسىلىعى مەن ساۋابى ارتا تٷسۋٸنە تٸلەكتەسپٸن.

https://youtu.be/H6od76ftzxk

قادٸرلٸ جاماعات!

 ورازا ايت مەرەكەسٸ قۇتتى بولسىن! ەر شاڭىراققا باق پەن بەرەكە, بٸرلٸك پەن تاتۋلىق تٸلەيمٸن. اللا تاعالا بارشامىزدى كەلەسٸ رامازانعا دەيٸن امان-ەسەن جەتكٸزٸپ, مول ساۋاپقا كەنەلۋدٸ نەسٸپ ەتكەي.

حالقىمىز امان, جۇرتىمىز تىنىش, ەڭسەلٸ ەلٸمٸزدٸڭ بولاشاعى جارقىن, تەۋەلسٸزدٸگٸمٸز باياندى بولعاي! ەمين!

ناۋرىزباي قاجى تاعانۇلى, قازاقستان مۇسىلماندارى دٸني باسقارماسىنىڭ تٶراعاسى, باس مٷفتي