ورال قالاسىندا الەۋمەتتىك جەلىلەر ارقىلى تۋريستىك قىزمەت تۇرىمەن جاسالعان الاياقتىق ارەكەت اشكەرەلەندى. قالا تۇرعىنى اناسىن جەكە كاسىپكەر رەتىندە تىركەپ، زاڭدى كاسىپكەرلىك قىزمەت ءتۇرىن بۇركەمەلەپ، جالعان تۋريستىك باعىتتاردى ۇسىنعان،- دەپ حابارلايدى Dalanews.kz بقو پروكۋراتۋراسىنا سىلتەمە جاساپ.

ول الەۋمەتتىك جەلىلەرگە جارناما ورنالاستىرىپ، كليەنتتەرمەن رەسمي كەلىسىمشارتتار جاساعان، فيسكالدىق چەكتەر بەرگەن جانە مەسسەندجەرلەر ارقىلى بايلانىس جۇرگىزىپ وتىرعان. وسى تاسىلدەر الاياقتىڭ قىزمەتىنە دەگەن سەنىمدى ارتتىرىپ، ازاماتتاردىڭ الدانۋىنا سەبەپ بولعان.

ناتيجەسىندە 15-تەن استام ادام ونىڭ قۇربانىنا اينالىپ، جالپى شىعىن كولەمى 25 ميلليون تەڭگەدەن اسقان.

ورال قالالىق سوتىنىڭ ۇكىمىمەن ول ەكى نەمەسە ودان دا كوپ ادامعا قاتىستى اسا ءىرى كولەمدە الاياقتىق جاساعانى ءۇشىن كىنالى دەپ تانىلىپ، 5 جىل مەرزىمگە باس بوستاندىعىنان ايىرىلدى. سونىمەن قاتار، سوت ۇكىمىمەن وعان 7 جىل بويى تۋريزم سالاسىندا كاسىپكەرلىكپەن اينالىسۋعا تىيىم سالىندى.

قۇزىرلى ورگاندار تۇرعىنداردى ينتەرنەت ارقىلى كورسەتىلەتىن قىزمەت تۇرلەرىنە ساقتىقپەن قاراۋعا شاقىرادى.