ورالداعى دٷكەن سٶرەلەرٸنەن قاراپايىم اس تۇزىن تابۋ قيىنداپ كەتتٸ, دەپ حابارلايدى Dalanews.kz اگەنتتٸگٸ “موي گورود” تەلەگرام ارناسىنا سٸلتەمە جاساپ.
“ورالداعى دٷكەندەردە, ٸرٸ سۋپەرماركەتتەر مەن بازارلاردا كەيٸنگٸ كٷندەرٸ قاراپايىم اس تۇزىن تابۋ مٷمكٸن بولماي قالدى. ەلەۋمەتتٸك جەلٸلەردە تۇرعىندار بٸرنەشە ساۋدا نٷكتەسٸن ارالاسا دا, تۇز جوق ەكەنٸن جازىپ جاتىر”, – دەلٸنگەن حابارلامادا.
جەرگٸلٸكتٸ جۇرتشىلىق جاعدايعا الاڭداپ وتىر.
“ٷيدٸڭ ماڭىنداعى ٷش دٷكەندٸ ارالادىم, ەش جەردە تۇز جوق. ساتۋشىلاردىڭ ايتۋىنشا, سوڭعى ەكٸ كٷندە تۇز تاۋسىلىپ قالعان. 2020 جىل قايتا كەلگەندەي كٷيدەمٸن”, – دەيدٸ قالا تۇرعىنى اينۇر.
وسىعان ۇقساس جاعدايدى رۋسلان ەسٸمدٸ تۇرعىن دا باياندادى.
“ارنايى تۇز الۋ ٷشٸن “دينا” سۋپەرماركەتٸنە باردىم, بٸراق سٶرە بوس. كەيٸن ورتالىق بازارعا باردىم, وندا دا جوق. “پەشەحودقا” سوقتىم, تاعى تاپپادىم. ەتتٸ نەمەن تۇزدايمىز? جاڭا عانا سوعىم ەكەلگەن ەدٸم”, – دەيدٸ ول.
باق مەلٸمەتٸنشە, تۇز ٸرٸ سۋپەرماركەتتەردە عانا ەمەس, شاعىن دٷكەندەردە دە تاۋسىلعان. بازارداعى ساتۋشىلار دا تۇزدىڭ نەگە جوعالعانىن تٷسٸندٸرە الماي وتىر.
“كەيبٸر ساۋداگەرلەر قالجىڭداپ, ورالدىقتار جاپپاي سوعىم دايىنداپ, قىرىققابات تۇزداپ جاتىر دەيدٸ. ال جەتكٸزۋشٸلەردٸڭ ايتۋىنشا, باتىس قازاقستان وبلىسىنا تۇز جەتكٸزۋ بٸر اي بۇرىن توقتاعان. نەگٸزگٸ سەبەپ – قازاقستان تەمٸر جولىنداعى ۆاگون تاپشىلىعى. قازان ايىنىڭ سوڭىندا كٷشٸنە ەنگەن جاڭا تاسىمال ەرەجەلەرٸ تەك وتاندىق تەمٸرجول ۆاگوندارىن قولدانۋدى مٸندەتتەيدٸ. سونىڭ كەسٸرٸنەن رەسەيدٸڭ ارزان ەرٸ تەز جەتكٸزٸلەتٸن “سول-يلەتسكايا” تۇزىن ٶڭٸرگە جەتكٸزۋ مٷمكٸن بولماي جاتىر. ال وتاندىق ٶندٸرۋشٸلەر ٶڭٸردٸڭ سۇرانىسىن تولىق قامتي المايدى”, – دەلٸنگەن اقپاراتتا.
سونىمەن بٸرگە تۇرعىندار جاعدايدىڭ جاقىن كٷندەرٸ قالىپقا كەلٸپ, تۇز قالىپتى باعامەن قايتا سٶرەلەرگە شىعارىنا ٷمٸتتٸ.
