ساپار بارىسىندا وڭتۇستىكتەن شىققان اپتال ازامات ورالبەك اعامىز ۆەتنام ەلىنىڭ سولتۇستىگىندە xالىقتار اراسىنداعى دوستىقتى نىعايتۋداعى قوسقان ۇلەسى ءۇشىن ۇكىمەتتىك مەدالمەن ماراپاتتالىپ، ونداعى ارىپتەستەرىمەن وي-پىكىر الاماسىپ قايتتى. بەلگىلى كاسىپكەردەن بۇل ساپاردىڭ ماڭىزى جايىندا سۇراپ، ءبىلۋدىڭ ءساتى ءتۇستى.
– ۆەتنام جاساعان ساپارىمىز ءساتتى ءوتتى. ءبىرىنشى كەزەكتە ەلدىڭ وڭتۇستىكتەگىندەگى حوشيمين قالاسىنا ات باسىن بۇرىپ، ونداعى جاعدايمەن تانىستىق. ءوزىم كاسىپكەر بولعاننان كەيىن ءار ەل مەن ءار قالانىڭ بيزنەستى دامىتۋداعى ىس-تاجىريەسىنە باسا ءمان بەرىپ، قىزىقتى دەگەن دۇنيەلەرىن سۇراپ، ءبىلىپ الامىن. ۆەتنامنىڭ استاناسى حانويدان كەيىنگى ەڭ ءىرى ەكىنشى ورىنداعى قالاسى – حوشيمين. بۇل قازاقستاندىق تۋريستەرگە جاقسى تانىس شاھار دەسەك بولادى. ويتكەنى، حوشيميندە تۋريزم جوعارى دەڭگەيدە دامىعان. ءوز باسىم بۇل قالانى ءبىزدىڭ الماتىعا ۇقساتتىم. ءبىزدىڭ الماتىدا ەلىمىزدەگى تۋريستەر ءجيى كەلەتىن قالا عوي. ۆەتنامعا جاساعان جۇمىس ساپارىمنىڭ بارىسىندا ەلباسى نۇرسۇلتان نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىندا اتاپ كورسەتىلگەن باسىم باعىتتاردى ەل بولىپ ىسكە اسىرۋدىڭ ماڭىزدى تۇستارى كوپ ەكەنىن بايقادىم. نۇرسۇلتان نازاربايەۆ بيىلعى جولداۋىندا ەلىمىزدىڭ ايماقتارىن سونىڭ ىشىندە الاماتىنى دامىتۋعا ەرەكشە نازار اۋداردى. بىزدەر ءار ءوڭىردىڭ ەكونوميكالىق الەۋەتىن ەسكەرە وتىرىپ، دامىتاتىن بولساق، ەكونوميكاعا وراسان زور پايدا كەلىتىرەتىنى بەلگىلى. ۆەتنام ساپارى كەزىندە ەلباسىنىڭ جىل سايىن قازاقستان حالقىنا ارنايتىن جولداۋى دۇنيەجۇزى ەلدەرىنىڭ وزىق ىس-تاجىريبەلەرىن باسشىلىققا الىپ دايىندالاتىنا كوزىم جەتە ءتۇستى. جالىپ، شىعىس ازياداعى جەتەكشى ەل – ۆەتناممەن ەكونوميكالىق بايلانىستى نىعايتۋدىڭ ماڭىزى زور دەپ ەسەپتەيمىن، – دەدى بەلگىلى كاسىپكەر ورالبەك بوتپاي اعامىز.
سونىمەن قاتار ورالبەك مىرزا ەل استاناسى حانويعا كەلگەن ساتىندە بۇل جاقتىڭ وڭتۇستىكتىڭ تۇرعىندارىنا استانالىق قالانىڭ تۇرعىنداردى توسىرقاي قارايتىنىن بايقاپتى. ءيا، ءبىزدىڭ دە شىمكەنتىكتەرگە كەڭ بايتاق قازاقستاننىڭ تۇرعىندار توسىرقاي قارايتىنى جاسىرىن ەمەس. مۇنى دا ۆەتنام مەن قازاقستان اراسىنداعى ۇقساستىق دەپ قابىلداۋعا بولاتىن شىعار.
قاراپايىم ۆەتنامدىقتاردىڭ كۇندەلىكتى تۇرمىس-تىرشىلىگىن باقىلاعان ورەكەڭ ولاردىڭ وتە ەڭبەكقور، پاتريوت ەكەننى بايقاپتى. «ەل استاناسى حونويدى ارالاپ شىقساڭىز، ورتاسىندا قىزىل جۇلدىزى بار جالاۋدى كوپتەگەن جەردەن كورۋگە بولادى. بازار، ۆوكزال ءبىر سوزبەن ايتقاندا، ادام اياعى كوپ جەرلەردەن جۇلدىزى بار قىزىل جالاۋدى كورۋگە بولادى»، – دەيدى وزگە ەلگە جاساعان ساپارىنىڭ اسەرىمەن بولىسكەن كاسىپكەر اعامىز.
– كەڭەستىك كەزەڭدەگى ءبىر قازاق جازۋشىسىنىڭ سيرياعا بارعان ساپارىن وقىعانىم بار. سوندا تاۋلىكتىك اقشاسىن دوللارعا اۋىستىرعان ۆەتنام جازۋشىسى تاماق ىشپەي اقىرىن عانا اقشاسىن ءاميانىنا سالىپ قويىپتى. سوندا ول ءوزىنىڭ بۇل ارەكەتىن «كۇنى كەشە عانا امەريكاندىقتارمەن سوعىسىپ، اۋىرتپالىقتى باستان وتكەرگەن ەلىمە 40 دوللار بولسا، كومەك قوي» دەپتى. بۇگىندە ۆەتنام مەن امەريكاندىقتاردىڭ اراسىنداعى سوعىسىنىڭ اياقتالعانىنا 40 جىل ءوتتى. ءبىراق قاراپايىم ۆتنامدىقتاردىڭ ەلجاندىلىعى باياعىداي قالىپ قويعانى مەنى قاتتى تاڭقالدىردى، – دەپ ورالبەك بوتپاي مىرزا اڭگىمەسىن ەستىگەنىمىزدە كەزىندە ازۋىن ايعا بىلەگەن اقش-قا قارسى تۇرعان ۆتنامنىڭ شىنىمەن دە جاسامپاز ەل ەكەنىن تۇسىنگەندەي بولدىق.
اينۇر نۇرلان قىزى
