Oralbek Botbai: «Vetnam – jasampaz el»
Sońǵy ýaqyttary ekonomikalyq damýdyń estafetasyna Shyǵys Aziia elderi óz qolyna aldy. Atalǵan aimaqtaǵy qýatty elderdiń biri – Vetnam desek, qatelespeimiz. Jaqynda sotsialistik damý baǵytynan ainymaǵan Vetnamǵa belgili kásipker, metsenat Oralbek Botbai bastaǵan qazaqstandyq delegatsiia baryp qaitty.
Sapar barysynda ońtústikten shyqqan aptal azamat Oralbek aǵamyz Vetnam eliniń soltústiginde xalyqtar arasyndaǵy dostyqty nyǵaitýdaǵy qosqan úlesi úshin úkimettik medalmen marapattalyp, ondaǵy áriptesterimen oi-pikir alamasyp qaitty. Belgili kásipkerden bul sapardyń mańyzy jaiynda surap, bilýdiń sáti tústi.
– Vetnam jasaǵan saparymyz sátti ótti. Birinshi kezekte eldiń ońtústiktegindegi Hoshimin qalasyna at basyn buryp, ondaǵy jaǵdaimen tanystyq. Ózim kásipker bolǵannan keiin ár el men ár qalanyń biznesti damytýdaǵy is-tájiriesine basa mán berip, qyzyqty degen dúnielerin surap, bilip alamyn. Vetnamnyń astanasy Hanoidan keiingi eń iri ekinshi oryndaǵy qalasy – Hoshimin. Bul qazaqstandyq týristerge jaqsy tanys shahar desek bolady. Óitkeni, Hoshiminde týrizm joǵary deńgeide damyǵan. Óz basym bul qalany bizdiń Almatyǵa uqsattym. Bizdiń Almatyda elimizdegi týrister jii keletin qala ǵoi. Vetnamǵa jasaǵan jumys saparymnyń barysynda Elbasy Nursultan Nazarbaevtyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýynda atap kórsetilgen basym baǵyttardy el bolyp iske asyrýdyń mańyzdy tustary kóp ekenin baiqadym. Nursultan Nazarbaev biylǵy Joldaýynda elimizdiń aimaqtaryn sonyń ishinde Alamatyny damytýǵa erekshe nazar aýdardy. Bizder ár óńirdiń ekonomikalyq áleýetin eskere otyryp, damytatyn bolsaq, ekonomikaǵa orasan zor paida kelitiretini belgili. Vetnam sapary kezinde Elbasynyń jyl saiyn Qazaqstan halqyna arnaityn Joldaýy dúniejúzi elderiniń ozyq is-tájiribelerin basshylyqqa alyp daiyndalatyna kózim jete tústi. Jalyp, Shyǵys Aziiadaǵy jetekshi el – Vetnammen ekonomikalyq bailanysty nyǵaitýdyń mańyzy zor dep esepteimin, – dedi belgili kásipker Oralbek Botpai aǵamyz.
Sonymen qatar Oralbek myrza el astanasy Hanoiǵa kelgen sátinde bul jaqtyń ońtústiktiń turǵyndaryna astanalyq qalanyń turǵyndardy tosyrqai qaraitynyn baiqapty. Iá, bizdiń de shymkentikterge keń baitaq Qazaqstannyń turǵyndar tosyrqai qaraityny jasyryn emes. Muny da Vetnam men Qazaqstan arasyndaǵy uqsastyq dep qabyldaýǵa bolatyn shyǵar.
Qarapaiym vetnamdyqtardyń kúndelikti turmys-tirshiligin baqylaǵan Orekeń olardyń óte eńbekqor, patriot ekenni baiqapty. «El astanasy Honoidy aralap shyqsańyz, ortasynda qyzyl juldyzy bar jalaýdy kóptegen jerden kórýge bolady. Bazar, vokzal bir sózben aitqanda, adam aiaǵy kóp jerlerden juldyzy bar qyzyl jalaýdy kórýge bolady», – deidi ózge elge jasaǵan saparynyń áserimen bólisken kásipker aǵamyz.
– Keńestik kezeńdegi bir qazaq jazýshysynyń Siriiaǵa barǵan saparyn oqyǵanym bar. Sonda táýliktik aqshasyn dollarǵa aýystyrǵan vetnam jazýshysy tamaq ishpei aqyryn ǵana aqshasyn ámiianyna salyp qoiypty. Sonda ol óziniń bul áreketin «Kúni keshe ǵana amerikandyqtarmen soǵysyp, aýyrtpalyqty bastan ótkergen elime 40 dollar bolsa, kómek qoi» depti. Búginde vetnam men amerikandyqtardyń arasyndaǵy soǵysynyń aiaqtalǵanyna 40 jyl ótti. Biraq qarapaiym vtnamdyqtardyń eljandylyǵy baiaǵydai qalyp qoiǵany meni qatty tańqaldyrdy, – dep Oralbek Botpai myrza áńgimesin estigenimizde kezinde azýyn aiǵa bilegen AQSh-qa qarsy turǵan Vtnamnyń shynymen de jasampaz el ekenin túsingendei boldyq.
Ainur NURLANQYZY
