وقۋ-اعارتۋ مينيسترٸ عاني بەيسەمباەۆ ٷكٸمەتتە ٶتكەن بريفينگتە داۋلى اقپاراتقا پٸكٸر بٸلدٸردٸ. بۇعان دەيٸن "مۇعالٸم" 14 جاستاعى وقۋشى قىزدى زورلادى دەگەن كٷدٸككە ٸلٸنگەنٸ ايتىلدى, دەپ حابارلايدى Dalanews.kz.
مينيستردٸڭ ايتۋىنشا, بۇل - ٶرەسكەل, ەشقاشان جول بەرٸلمەيتٸن جاعداي.
"بٸز شۇعىل ەرەكەت ەتتٸك. بٸزدە بالالاردىڭ قۇقىعىن قورعاۋعا, بالالاردىڭ قاۋٸپسٸزدٸگٸنە قاتىستى كەز كەلگەن جاعدايعا ارنالعان الگوريتم بار. بالالاردىڭ قۇقىعىن قورعاۋ كوميتەتٸ جۇمىس ٸستەيدٸ. دەرەۋ تيٸستٸ شارالار قابىلدادىق. بۇل الماتى ەمەس, الماتى وبلىسىندا بولعان. مۇعالٸم دەلٸنگەن ادام ەشقاشان مەكتەپتە جۇمىس ٸستەمەگەن. سوندىقتان بۇعان دا نازار اۋدارۋ كەرەك. بٸراق بۇل جاۋاپكەرشٸلٸكتٸ تٶمەندەتپەيدٸ", - دەدٸ بەيسەمباەۆ.
مينيستردٸڭ پٸكٸرٸنشە, بۇل جاعدايعا تيٸستٸ قۇقىقتىق باعا بەرٸلۋٸ كەرەك, قازٸر تەرگەۋ جٷرٸپ جاتىر.
ايتا كەتەيٸك, بۇعان دەيٸن ەلەۋمەتتٸك جەلٸ مەن باق-تا "14 جاستاعى قىزعا تيٸستٸ دەگەن كٷدٸكپەن دومبىرا ٷيٸرمەسٸنٸڭ مۇعالٸمٸ قامالدى" دەگەن اقپارات تارادى.
وقيعانىڭ بەرٸ ٶتەگەن باتىر اۋىلىنداعى قوناقٷيدە بولعان.
الماتى وبلىسى پوليتسييا دەپارتامەنتٸ بۇل ٸس بويىنشا تەرگەۋ جٷرگٸزٸلٸپ جاتقانىن حابارلادى.
"پوليتسييا قىزمەتكەرلەرٸ كٷدٸكتٸنٸ انىقتاپ, ۇستاپ اۋداندىق بٶلٸمشەگە جەتكٸزدٸ. قازٸر بولعان وقيعانىڭ بارلىق مەن-جەيىن جان-جاقتى, تولىق ەرٸ وبەكتيۆتٸ انىقتاۋعا باعىتتالعان تەرگەۋ امالدارى جٷرگٸزٸلٸپ جاتىر", - دەپ جازىلعان حابارلامادا.
