ترەناجەردى قولدانىپ، ادام دەنساۋلىعىن نىعايتۋعا جانە سپورتتىق جاتتىعۋ جاساۋ بارىسىندا بۇلشىقەتتەرىن جاتتىقتىرۋعا بولادى. بۇدان باسقا جاتتىعۋ كەزىندە قۇرىلعىداعى گەنەراتوردى قوسىپ، تەگىن ەلەكتر قۋاتىن وندىرۋگە دە بولادى. سول ارقىلى ءار ءتۇرلى قوسىمشا قۇرالداردىڭ كومەگىمەن تۇراقتى توققا تۇرلەنىپ، 220 ۆولتقا دەيىنگى كەرنەۋگە كوتەرىلەدى. ياعني كەز كەلگەن قۇرالدى (تەلەفون، پلانشەت) قۋاتتاۋعا بولادى.
وسىلايشا ترەناجەر ەلەكتر ەنەرگياسىن ۇنەمدەۋ كوزى رەتىندە قاراستىرعان. قوسالقى بولشەك رەتىندە كەسكىش-ۇساقتاعىشى بار قوقىس جاشىگىن ورناتقان. مەكەمەدەگى پلاستيك، قاعاز تۇرىندەگى قوقىستى ۇساقتاۋ ارقىلى كوپ ورىن المايتىنداي كولەمىن ازايتۋعا بولادى نەمەسە ىسكە جارامدى ەتىپ قايتا وڭدەپ، بالقىتىپ، ءار ءتۇرلى پىشىندەگى كادەسىيلار، بۇيىمدار جاساۋعا دا بولادى.
ونەرتاپقىش وقۋشىلار بولاشاقتا وسىنداي ارتىقشىلىعى كوپ قۇرىلعىنىڭ بەس ءتۇرىن جاساۋدى جوسپارلاپ وتىر. مەكتەپتىڭ ءۇش قاباتىنا ولشەمدەرىن تۇرلەندىرىپ، باستاۋىش بۋىن، ورتا بۋىن جانە جوعارى سىنىپ وقۋشىلارى مەن مۇعالىمدەر، مەكتەپ قىزمەتكەرلەرىنە ءار دالىزگە ەكى-ەكىدەن ۆەلوسيپەد قويماق ويلارى بار.
– ىستەن شىققان ۆەلوسيپەد بولشەكتەرىن الىپ، كەز كەلگەن ديزايندا تۇرلەندىرىپ جاساۋعا بولادى. ول ءۇشىن 12 ۆولتقا دەيىنگى گەنەراتور كەرەك. پەدال ءۇشىن ارنايى بەرىلىس قاجەت، گەنەراتوردان شىققان ەلەكتر توعىن جيناقتاپ، اينىمالى توقتان تۇراقتى توققا اينالدىراتىن ارنايى ديودتى تۇرلەندىرگىش قۇرال ارقىلى اككۋمۋلياتورعا جيناقتالادى. ەلەكتر قۋاتىن 12 ۆولتتان 220 ۆولتقا دەيىن كوتەردىك. ۇيالى تەلەفوندى، كەسكىش قۇرالدى دا قۋاتتاۋعا بولادى. اردۋينومەن جاسالعان باعدارلاما قوقىس جاشىگى تولعان كەزدە تەلەفون نەمەسە پلانشەتكە داچيك ارقىلى حابارلاما بەرەدى. حابارلاما كەلگەننەن كەيىن جاشىكتى بوساتىپ، قايتا قوقىس جيناۋعا كىرىسەدى»، – دەيدى «اقىلدى» ۆەلوسيپەد اۆتورلارى.
ءونىمدى ورتا بۋىن وقۋشىلارىنا قولدانىپ، ەكسپەريمەنت جاساعان. مەكتەپ وقۋشىلارى قۇرىلعىعا قىزىعۋشىلىق تانىتىپ، ساباق اراسىندا قوڭىراۋدا ترەناجەر رەتىندە پايدالانۋدا.
جوبانى تابىس كوزىنە دە اينالدىرىپ، ءبىلىم بەرۋ مەكەمەلەرىندە عانا ەمەس، جارناما جاساپ، كەز كەلگەن قوعامدىق ورىنداردا پايدالانۋعا بولادى. ءارى دەنساۋلىققا پايدالى، تەگىن ەلەكتر ەنەرگيا كوزى، سونداي-اق پلاستيك قوقىستاردى قايتا وڭدەۋ ماسەلەسىن قاراستىرۋدا تاپتىرمايتىن ءونىم.
جوبا اۆتورلارى 10-سىنىپ وقۋشىلارى جانەركە ىسقاقوۆا، ءجانيا الىمعازينە، جانەركە زاكيروۆا، ايگەرىم ەرجان قىزى.
ايتا كەتەيىك، مۇعالىمدەر جوبالارىن ءىت حاكاتون سايىسىنا ۇسىنىپ، ءى ورىن يەلەندى. وسى ايدا وتەتىن ءىت چەمپيوناتقا قاتىسۋعا ازىرلەپ وتىر.
