سەنات دەپۋتاتتارى پرەزيدەنتكە ءبىلىم تۋرالى زاڭدى جولدادى، وعان سايكەس مەكتەپ وقۋشىلارىنا ساباقتا تەلەفون پايدالانۋعا تىيىم سالىنادى، دەپ حابارلايدى Dalanews.kz.
زاڭنىڭ نەگىزگى مىندەتتەرى جەتىم بالالارعا تالىمگەرلىك ينستيتۋتىن ەنگىزۋ، بالالاردىڭ قاۋىپسىزدىگىن قامتاماسىز ەتۋ، ءبىلىم بەرۋ ۇيىمدارىنىڭ باسقارۋ ەركىندىگىن كەڭەيتۋ بولىپ سانالادى.
زاڭدا ورتا ءبىلىم بەرۋ ۇيىمدارىندا سمارتفونداردى پايدالانۋ ەرەجەلەرىن بەكىتۋ قاراستىرىلعان. بۇعان دەيىن ءماجىلىس دەپۋتاتى اسحات ايماعامبەتوۆ نورما تەك ساباق كەزىندەگى شەكتەۋلەرگە قاتىستى دەپ تۇسىندىرگەن بولاتىن. بالا ۇيالى تەلەفونىن مەكتەپكە الىپ بارا الادى جانە ونى ءۇزىلىس كەزىندە پايدالانا الادى.
سەنات دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ، تالىمگەرلىك جانە بالالاردىڭ قاۋىپسىزدىگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ماقۇلداپ، مەملەكەت باسشىسىنا قول قويۋعا جىبەردى.
