ەلٸمٸزدٸڭ مەكتەپتەرٸندە 2025-2026 وقۋ جىلى اياقتالۋعا جاقىن. بيىل وقۋ جىلىن 3,9 ميلليوننان اسا وقۋشى اياقتايدى. ونىڭ ٸشٸندە ەكٸ جٷز ون بەس مىڭنان استامى - 11-سىنىپ تٷلەكتەرٸ, دەپ حابارلايدى dalanews.kz.
وقۋ جىلىنىڭ قورىتىندىسى بويىنشا 9-سىنىپتى ٷزدٸك اياقتاۋعا ٷمٸتكەرلەر سانى 31 مىڭنان اسادى. ال 11-سىنىپتى ٷزدٸك اياقتاۋعا 18 مىڭ وقۋشى - ٷمٸتكەر. بٷگٸندە ەلٸمٸزدٸڭ بٸلٸم بەرۋ ۇيىمدارىندا 420 مىڭنان اسا پەداگوگ ەڭبەك ەتەدٸ.
مينيسترلٸك مەلٸمەتٸنشە, "كەلەشەك مەكتەپتەرٸ" ۇلتتىق جوباسى اياسىندا 217 زاماناۋي مەكتەپ پايدالانۋعا بەرٸلگەن. ونىڭ 84-ٸ اۋىلدىق ەلدٸ مەكەندەردە ورنالاسقان. قازٸر بۇل مەكتەپتەردە 220 مىڭنان اسا وقۋشى بٸلٸم الىپ, 16 مىڭعا جۋىق پەداگوگ جۇمىس ٸستەپ جاتىر.
وقۋ جىلى اياقتالۋىنا وراي 25 مامىردا ەلٸمٸزدٸڭ مەكتەپتەرٸندە "بٸلٸمٸم – وتانىما!" تاقىرىبىندا بٸرىڭعاي سىنىپ ساعاتى ٶتكٸزٸلەدٸ. سىنىپ ساعاتتارىندا وقۋ جىلى قورىتىندىلانىپ, وقۋشىلاردىڭ جەتٸستٸكتەرٸ مەن جارقىن سەتتەرٸ ەسكە الىنادى.
وقۋ-اعارتۋ مينيسترلٸگٸ جەنە جەرگٸلٸكتٸ اتقارۋشى ورگانداردىڭ بٸرلەسكەن بۇيرىعى مەن قاۋلىسىنا سەيكەس مەكتەپكە دەيٸنگٸ, ورتا, تەحنيكالىق جەنە كەسٸپتٸك, ورتا بٸلٸمنەن كەيٸنگٸ بٸلٸم بەرۋ ۇيىمدارىندا سالتاناتتى ٸس-شارالاردى مەيرامحانالاردا, كافەلەردە, بانكەت زالدارىندا, دەمالىس بازالارىندا جەنە تابيعات اياسىندا ٶتكٸزۋگە تىيىم سالىنادى.
"اتا-انالاردان, زاڭدى ٶكٸلدەردەن جەنە بٸلٸم الۋشىلاردان سالتاناتتى ٸس-شارالارعا بايلانىستى اقشا جيناۋعا, سىيلىقتار مەن ٶزگە دە ماتەريالدىق قۇندىلىقتار تالاپ ەتۋگە جول بەرٸلمەيدٸ. ال اتتەستات پەن ديپلومدى سالتاناتتى تابىستاۋ رەسٸمدەرٸ تەك بٸلٸم بەرۋ ۇيىمدارىنىڭ قابىرعاسىندا ۇيىمداستىرىلادى", - دەپ جازىلعان حابارلامادا.
