وڭتۇستىك قازاقستان وبلىسىنىڭ اكىمى، وبلىستىق قازاقستان حالقى اسسامبلەياسىنىڭ ءتوراعاسى ج.تۇيمەبايەۆتىڭ قاتىسۋىمەن وتكەن جيىنعا ەتنومادەني بىرلەستىكتەر ءتوراعالارى مەن مۇشەلەرى، اۋدان، قالا اكىمدەرى، وبلىستىق ءماسليحاتتاعى «ەل بىرلىگى» دەپۋتاتتىق توبىنىڭ مۇشەلەرى جانە زيالى قاۋىم مەن جاستار، ب ا ق وكىلدەرى سىندى جالپى سانى 800-دەن استام ادام قاتىستى.
سەسييا جۇمىسىن اشقان ايماق باسشىسى، وبلىستىق قازاقستان حالقى اسسامبلەياسىنىڭ ءتوراعاسى ج.تۇيمەبايەۆ بۇگىنگى باسقوسۋدىڭ ماقساتىمەن تانىستىرىپ، مەملەكەت باسشىسىنىڭ قازاقستان حالقى اسسامبلەياسىنىڭ ححV سەسسياسىندا جۇكتەگەن ءبىرقاتار مىندەت-ماقساتتاردىڭ وبلىستا جۇزەگە اسىرىلۋ بارىسىنا توقتالدى.
– ءۇشىنشى جاڭعىرۋدىڭ مەجەسى – ايقىن، مىندەتى – بەلگىلى. ۇلتتىق سانانى قالىپتاستىرۋدا اتا ءداستۇرىن جالعاپ، ءتىلىن، تاريحىن تورگە وزدىرعان، جاراستى قوعام قۇرىپ، جاسامپاز ەڭبەگىمەن ەل قۋاتىن ارتتىرعان وڭتۇستىكقازاقستاندىقتار ەلباسى قويعان مەرەيلى مىندەتتەردىڭ ۇدەسىنەن شىعادى دەگەن ويدامىن. ءۇش ميلليونعا جۋىق تۇرعىنى، توعىز جۇزگە جۋىق ەلدى مەكەنى بار وڭتۇستىك قازاقستان جۇزدەن استام ەتنوس وكىلدەرىن باۋىرىنا باسقان قاسيەتتى ءوڭىر سانالادى. باعالاي بىلگەنگە بۇل ۇلكەن كۇش، اۋقىمى كەڭ الەۋەت. ءوڭىردىڭ مادەني ءارالۋاندىعىن قامتاماسىز ەتۋدە وبلىستىق 20 ەتنومادەني بىرلەستىك جۇمىس جۇرگىزىپ، حالقىمىزدىڭ بايىرعى مەيماندوستىق، باۋىرلاستىق، ەڭبەككەرلىك سىندى اسىل داستۇرلەرىن ۇزدىكسىز جالعاپ كەلەدى. اسسامبلەيا اتقاراتىن جۇمىستىڭ ارقاۋى – ستراتەگيالىق قۇجاتتاردى جۇرتشىلىق اراسىندا ءتۇسىندىرۋ، ولاردىڭ ىسكە اسىرۋعا قوعامدى جۇمىلدىرۋ، – دەدى ءوز بايانداماسىندا اكىم.
ءىس-شارا بارىسىندا وبلىستىق قازاقستان حالقى اسسامبلەياسىنىڭ جاڭا مۇشەلەرى مەن قوعامدىق كەلىسىم كەڭەسىنىڭ جاڭا قۇرامى بەكىتىلدى.
سونداي-اق، جيىندا دوستىقتى، بەيبىتشىلىك پەن ەتنوسارالىق تاتۋلىقتى نىعايتۋداعى جاسامپاز ەڭبەگى ءۇشىن ءبىرقاتار ازاماتتار وبلىس اكىمىنىڭ قۇرمەت گراموتاسىمەن ماراپاتتالدى.
اسسامبلەيا سەسسياسى ارنايى كونسەرتتىك باعدارلاماعا ۇلاسىپ، ەلباسىنىڭ سوزىنە جازىلعان «شۇبار ات»، «ءۇشقوڭىر»، «جەرىم مەنىڭ»، «ەلىم مەنىڭ» اندەرىنەن ەتنومادەني بىرلەستىكتەردىڭ ءارتۇرلى تىلدەگى پوپۋرريىمەن اياقتالدى.
وقو اكىمىنىڭ باسپا ءسوز قىزمەتى
