Ońtústik Qazaqstan oblysynyń ákimi, oblystyq Qazaqstan halqy Assambleiasynyń tóraǵasy J.Túimebaevtyń qatysýymen ótken jiynǵa etnomádeni birlestikter tóraǵalary men músheleri, aýdan, qala ákimderi, oblystyq máslihattaǵy «El birligi» depýtattyq tobynyń músheleri jáne ziialy qaýym men jastar, BAQ ókilderi syndy jalpy sany 800-den astam adam qatysty.
– Úshinshi jańǵyrýdyń mejesi – aiqyn, mindeti – belgili. Ulttyq sanany qalyptastyrýda ata dástúrin jalǵap, tilin, tarihyn tórge ozdyrǵan, jarasty qoǵam quryp, jasampaz eńbegimen el qýatyn arttyrǵan ońtústikqazaqstandyqtar Elbasy qoiǵan mereili mindetterdiń údesinen shyǵady degen oidamyn. Úsh millionǵa jýyq turǵyny, toǵyz júzge jýyq eldi mekeni bar Ońtústik Qazaqstan júzden astam etnos ókilderin baýyryna basqan qasietti óńir sanalady. Baǵalai bilgenge bul úlken kúsh, aýqymy keń áleýet. Óńirdiń mádeni áralýandyǵyn qamtamasyz etýde oblystyq 20 etnomádeni birlestik jumys júrgizip, halqymyzdyń baiyrǵy meimandostyq, baýyrlastyq, eńbekkerlik syndy asyl dástúrlerin úzdiksiz jalǵap keledi. Assambleia atqaratyn jumystyń arqaýy – strategiialyq qujattardy jurtshylyq arasynda túsindirý, olardyń iske asyrýǵa qoǵamdy jumyldyrý, – dedi óz baiandamasynda ákim.
Sondai-aq, jiynda dostyqty, beibitshilik pen etnosaralyq tatýlyqty nyǵaitýdaǵy jasampaz eńbegi úshin birqatar azamattar oblys ákiminiń Qurmet Gramotasymen marapattaldy.
Assambleia sessiiasy arnaiy kontserttik baǵdarlamaǵa ulasyp, Elbasynyń sózine jazylǵan «Shubar at», «Úshqońyr», «Jerim meniń», «Elim meniń» ánderinen etnomádeni birlestikterdiń ártúrli tildegi popýrriimen aiaqtaldy.
OQO ákiminiń baspasóz qyzmeti
