ٶڭٸر باسشىسى باستاعان زييالى توپ الدىمەن «انا مەن بالا» ەسكەرتكٸشٸنە گٷل شوقتارىن قويدى. «قاسٸرەت» مەموريالىنا جينالعان قاۋىم نەۋبەت جىلدارى قازا تاپقانداردى بٸر مينۋت ٷنسٸزدٸكپەن ەسكە الدى.
وبلىس ەكٸمٸ ٶز سٶزٸندە توتاليتارلىق وزبىر ساياسات جٷرگٸزگەن قۋدالاۋدىڭ سالدارىنان قۇربان بولعان ازاماتتارىمىزدىڭ تٷرمەگە قامالعانىن, جازىقسىز جانداردىڭ رۋحىن ارداق تۇتۋ بٷگٸنگٸ جەنە كەلەر ۇرپاققا جٷكتەلەتٸن اسىل مٸندەت ەكەنٸن ايتتى.
– 1935-1938 جىلدار ارالىعىندا رەسپۋبليكامىزدا 113 مىڭ ادام قۋعىن-سٷرگiنگە ۇشىراپ, 25 مىڭ قازاق حالقىنىڭ جەنە قازاقستان جەرiندە مەكەن ەتكەن باسقا دا ۇلتتاردىڭ الدىڭعى قاتارلى زييالى, كٶرنەكتi ۇلدارى جازىقسىز اتىلدى. قاسٸرەتتٸ جىلدارى وڭتٷستiك قازاقستان وبلىسى بويىنشا 2500 ادام “حالىق جاۋى” دەپ اتىلدى, – دەدٸ وبلىس ەكٸمٸ جانسەيٸت تٷيمەباەۆ.
مۇنان سوڭ, مٸنبەرگە ساياسي قۋعىن-سٷرگٸنگە ۇشىراعان كەنباەۆتار ەۋلەتٸنٸڭ ۇرپاعى قايرات بۋراحانوۆ شىعىپ, زۇلمات زاماننىڭ قيىندىقتارىن باياندادى.
«سول زۇلمات زاماندا كەنباەۆتار ەۋلەتٸنٸڭ 10 ازاماتى جازىقسىزدان جازىقسىز شەيٸت بولدى. ەكٸ اتامىز 1928 جىلدارى شىمكەنتتەگٸ تٷرمەدە ازاپپەن, اشتىقپەن ٶلتٸرٸلسە, قالعان 8 اتامىز جازىقسىز وققا ۇشتى»,- دەدٸ قارييا.
شارا بارىسىندا كٶپشٸلٸك قاۋىم زۇلمات زاماننان سىر شەرتەتٸن تەاترلاندىرىلعان قويلىمدى تاماشالادى.
ەسكە سالا كەتەيٸك, 1935-1938 جىلدار ارالىعىندا ەلiمiزدiڭ بiرتۋار ازاماتتارى جاپپاي قۋعىن-سٷرگiنگە ۇشىرادى. كەڭەس ٶكiمەتi حالىقتارىنىڭ 4 ميلليوننان استام ازاماتى ساياسي قۋعىن-سٷرگٸن مەن اشارشىلىقتىڭ قۇربانىنا اينالدى. سول جىلدارى سۇراپىل ساياساتتىڭ سالدارىنان 507 مىڭ قاراشاي, شەشەن, 180 مىڭ قىرىم تاتارلارى مەن 110 مىڭ پولياكتار, تاعى دا كٶپتەگەن ۇلت ٶكiلدەرi وڭتٷستiك قازاقستانعا كٷشتەپ جەر اۋدارىلدى.
وقو ەكٸمٸنٸڭ باسپاسٶز قىزمەتٸ
