وقو-دا ومارتاشىلار كووپەراتيۆٸ قۇرىلادى
قازىعۇرت اۋدانىنىڭ تابيعاتى ومارتاشىلار ٷشٸن ٶتە قولايلى. تاۋلى ٶڭٸردە بٷگٸندە بال اراسىن ۇستايتىن جەكە كەسٸپكەرلەردٸڭ سانى 20-عا جۋىقتايدى. ولاردىڭ اراسىندا شىمكەنت قالاسى مەن سارىاعاش اۋدانىنان كەلٸپ, قولايلى جەر تاڭداپ, بال ٶندٸرٸپ وتىرعاندار دا از ەمەس. سولاردىڭ بٸرٸ سارىعاشتىق سەرگەي مارينكوۆ 10 جىلدان بەرٸ ومارتاشىلىقپەن اينالىسىپ كەلەدٸ. ول بٷگٸندە قازىعۇرت اۋدانى سابىر راقىموۆ اۋىل وكۋرٸگٸ ماڭىنداعى جول بويىندا بال اراسىن ۇستاپ, تابيعي تازا ٶنٸم ٶندٸرٸپ وتىر. وبلىس ەكٸمٸ اۋدانداعى ساپارى بارىسىندا سەرگەيدٸڭ ومارتاسىنا ارنايى توقتاپ, جۇمىسىمەن تانىستى.
«ومارتاشى بولۋ – جاقسى كەسٸپ. تابيعاتتىڭ كەرەمەت جەرٸندە بال اراسىن ٶسٸرٸپ, تازا تابيعي ٶنٸم الىپ وتىرعان وسىنداي ومارتاشىلارعا قولداۋ بٸلدٸرٸپ, باسىن قوسىپ, كووپەراتيۆ قۇرۋ قاجەت. سوندا عانا جۇمىس جٷيەلەنٸپ, ومارتاشىلىق كەسٸپتٸ دامىتۋعا جول اشىلادى. سوندىقتان الداعى ۋاقىتتا وڭتٷستٸكتەگٸ ومارتاشىلاردىڭ باسىن قوسىپ, الداعى جوسپارلارىن تالقىلايتىن بولامىز», - دەدٸ جانسەيٸت قانسەيتۇلى.
سەرگەي مارينكوۆ وبلىس ەكٸمٸنٸڭ بۇل ۇسىنىسىن قولدايتىنىن جەتكٸزٸپ, بال ٶندٸرۋ ٸسٸندەگٸ جىلدىق تابىسىنىڭ قۇپيياسىمەن بٶلٸستٸ.
«ومارتاشىلىقپەن ٸنٸم, ەكەم ٷشەۋمٸز اينالىسامىز. سارىاعاش اۋدانىنان ارنايى كەلٸپ, وسىندا ورنالاستىق. بٷگٸندە تۇراقتى الىمساقتار ٷشٸن بالىمىزدىڭ بٸر كەلٸسٸن 1500 تەڭگەدەن بوساتىپ جاتىرمىز. جالپى بٸر ماۋسىمدا 3,5 تونناداي بال ٶندٸرەمٸز», - دەيدٸ سەرگەي مارينكوۆ.
ٶڭٸر باسشىسى الداعى ۋاقىتتا قازىعۇرتتىق بالدى برەندكە اينالدىرۋدىڭ جولىن قاراستىرۋ قاجەتتٸگٸنە توقتالدى. ٶڭٸرٸمٸزگە كەلەتٸن تۋريستەرگە بالدى قولجەتٸمدٸ ەتۋ ٷشٸن وبلىس ورتالىعىنداعى قوناق ٷيلەرگە بال ٶنٸمدەرٸن پاكەتتەپ ۇسىنۋ كٶزدەلٸپ وتىر.
