اتاپ ايتقاندا، باعدارلاما باستالعان ەكى جىلدىڭ ءبىرىنشى جىلى 324 پاتەرلى 9 قاباتتى تۇرعىن ءۇي پايدالانۋعا بەرىلىپ، 300-دەن استام وتباسى قونىس تويىن تويلادى. سونىمەن بىرگە، 2015 جىلى اتالعان جۇمىستاردى ىسكە اسىرىپ، اتقارۋدا 1200-گە جۋىق ادام جۇمىسپەن قامتىلدى.
وتكەن جىلى «نۇرلى جول» اياسىندا 10 ءبىلىم بەرۋ نىسانى حالىق يگىلىگىنە بەرىلدى. ماسەلەن، بىلتىر 9 مەكتەپ (ونىڭ 2ء-ۋى اپاتتى جاعدايدا، 7ء-ۇش اۋىسىمدى) پەن 1 بالاباقشانىڭ (تاپشىلىق ورىن) جاڭا قۇرىلىسى ءجۇرىپ، بالالار 1 قىركۇيەكتەن باستاپ جاڭا نىسانداردا ءبىلىم الا باستادى. سونداي-اق، تۇرعىن ۇيلەردى ينجەنەرلىك جۇيەلەرمەن قامتاماسىز ەتۋ بويىنشا شىمكەنت قالاسى مەن تۇلكىباس اۋدانىنداعى 2 نىسانعا ءتيىستى جۇمىستار جۇرگىزىلىپ، مەرزىمىندە تاپسىرىلدى. وسىلايشا، 2016 جىلى اتالعان باعدارلاما اياسىندا جۇرگىزىلگەن قۇرىلىس نىساندارى ارقىلى 3655 ادامعا جۇمىس ورىندارى اشىلدى.
ال بيىلعى جوسپار بويىنشا جىل سوڭىنا دەيىن پايدالانۋعا بەرىلۋى ءتيىس 19 ءبىلىم وشاعىنىڭ 3ء-ۋى – قازىعۇرت اۋدانىندا 2 مەكتەپ، سايرام اۋدانىندا 1 مەكتەپ پايدالانۋعا بەرىلسە، قالعان 16 ءبىلىم ورداسى جاڭا جىلعا دەيىن جۇمىسىن باستايدى دەپ كۇتىلۋدە. اتالعان نىساندار تولىق اياقتالىپ، حالىق يگىلىگىنە بەرىلگەندە، وڭتۇستىكتەگى 12 مىڭ وقۋشى 8 اپاتتى، 11 ءۇش اۋىسىمدى مەكتەپتەردىڭ ورنىنا سۋجاڭا ءبىلىم وشاقتارىندا ءتالىم الاتىن بولادى.
وقو اكىمىنىڭ باسپا ءسوز قىزمەتى
