كوپبالالى وتباسىلارعا كومەكتەسۋ كىمگە دە بولسا ساۋاپتى ءىس.
بۇگىنگى كۇنى الماتى وبلىسىندا 40 مىڭ اسا كوپبالالى وتباسى تۇرىپ جاتىر.
ءيا، ولاردىڭ تۇرمىس دەڭگەيى، ءال-اۋقاتى، تابىس كورسەتكىشى ءارتۇرلى ەكەنى تۇسىنىكتى. وسى سەبەپتى دە ەڭ الدىمەن، ايلىعى شايلىعىنا جەتپەيتىن، كۇنكورىسى تومەن كوپبالالى وتباسىلارعا كومەك كورسەتىلەتىنى ۇكىمەتتە دە، جەرگىلىكتى دەڭگەيدە دە تالاي ايتىلىپ ءجۇر.
بۇل ورايدا ءبىز «الماتى وبلىسىندا تۇراتىن كوپبالالى وتباسىلارعا قانداي كومەك كورسەتىلەدى؟» دەگەن سوڭعى ءبىر ايى بويىنا رەداكسياعا (ونىڭ ىشىندە «قالا مەن دالانىڭ» الەۋمەتتىك جەلىدەگى پاراقشالارىنا) تولاسسىز كەلىپ جاتقان وقىرماندار ساۋالىنا جاۋاپ بەرە كەتكەندى ءجون كوردىك.
الماتى وبلىسىنىڭ اكىمى اماندىق باتالوۆ بۇدان بۇرىن از قامتىلعان وتباسىلارىن، سونىڭ ىشىندە كوپبالالى وتباسىلارىن نەعۇرلىم كەڭ قامتۋ ءۇشىن اتاۋلى الەۋمەتتىك كومەك كورسەتۋ كريتەرييلەرى تومەنگى كۇنكورىس شەگىنىڭ 70 پروسەنتىنە دەيىن، ياعني 14 849 تەڭگەدەن 20 789 تەڭگەگە دەيىن (كۇنكورىس دەڭگەيىنىڭ تومەنگى شەگى – 29698 تەڭگە) ارتتىرىلاتىنىن ايتقان.
«مۇنداي وتباسىلاردىڭ كىرىس جيىنتىعىن ەسەپتەگەندە كوپبالالى وتباسىلارعا، كوپبالالى انالارعا بەرىلەتىن مەملەكەتتىك جاردەماقىلار، بالالاردىڭ مۇگەدەكتىگى ءۇشىن بەرىلەتىن جاردەماقىلار، ستيپەنديالار ەسەپكە الىنبايدى.
سونىڭ نەگىزىندە ءبىزدىڭ وبلىستا اتاۋلى الەۋمەتتىك كومەك الاتىندار سانى 11 مىڭ وتباسىنان (59 مىڭ ادام) 17 مىڭ وتباسىنا (87،4 مىڭ ادام) ارتاتىن بولادى.
سول سياقتى مۇگەدەك بالالارعا بەرىلەتىن جاردەماقى كولەمى دە 30 پروسەنتكە ۇلعايادى، ونى وبلىستا 8 108 وتباسى الادى»، – دەگەن ەدى ءوز سوزىندە اماندىق باتالوۆ.
بۇدان بولەك وبلىس بيۋدجەتىنەن كوپبالالى جانە از قامتىلعان وتباسىلاردى قولداۋ ماقساتىندا قوسىمشا 3 ميلليارد تەڭگە ءبولىندى.
وسى قاراجاتقا كوپبالالى وتباسىلارىنا ارناپ سالىناتىن ەكى كوپ قاباتتى ءۇيدىڭ جوبالىق-سمەتالىق قۇجاتتارىن دايىنداۋ، قۇرىلىسىن باستاۋ، كوتتەدجدى قالاشىقتان ءۇي ءبولۋ، 7-20-25 باعدارلاماسى بويىنشا 1 ملن تەڭدەگەن تۇرعىن ءۇي سەرتيفيكاتتارىن ءبولۋ، جوو-عا قوسىمشا 100 گرانت ءبولۋ، وسى ساناتتارداعى وتباسى بالالارىن مەكتەپتە تەگىن ىستىق تاماقپەن قامتۋ جانە باسقا دا شارالار اتقارىلادى.
كوپبالالى جانە از قامتىلعان وتباسىلارعا كورسەتىلەتىن كومەكتىڭ ءبىرى پاراسى:
كوپبالالى وتباسىلاردىڭ بالالارى مەكتەپتەردە 100 پايىز ىستىق تاماقپەن قامتاماسىز ەتىلەدى. بۇگىنگە دەيىن كوپبالالى وتباسىنان شىققان 32 مىڭ بالا تەگىن ىستىق تاماقپەن، مەكتەپ فورماسىمەن قامتاماسىز ەتىلگەن، بۇدان بولەك ولار جازعى لاگەرلەردە دەمالاتىن بولادى.
...
وبلىس ورتالىعىندا كوپبالالى وتباسىلارعا ارنالعان 2 كوپقاباتتى تۇرعىن ءۇيدىڭ جوبالىق-سمەتالىق قۇجاتتارى ازىرلەنۋدە. سونىمەن قاتار كوتتەدجدى قالاشىقتان ءۇي ءبولۋ ماسەلەسى قاراستىرىلاتىن بولادى.
...
الماتى وبلىسىندا مۇگەدەك بالالارعا بەرىلەتىن جاردەماقى كولەمى دە 30 پروسەنتكە ۇلعايادى، ونى وبلىستا 8 108 وتباسى الادى.
...
بالاباقشالاردا كوپبالالى جانە از قامتىلعان وتباسىدان شىققان 21 مىڭ بالانىڭ اس-سۋىن سۋبسيديالاۋ جوسپارلانىپ وتىر. بۇعان بيۋدجەتتەن 2،1 ملرد تەڭگە بولىنبەك.
...
وڭىردەگى ءاربىر اۋدان مەن اۋىلدا ەلەكتروندى الەۋمەتتىك كارتا ازىرلەنەتىن بولادى. سونىمەن بىرگە وبلىس ورتالىعىندا جانە ءاربىر اۋدان-اۋىلداردا كوپبالالى جانە از قامتىلعان وتباسىلارعا قىزمەت كورسەتەتىن «ءبىر تەرەزە» قاعيداتى بويىنشا جۇمىس ىستەيتىن ورتالىقتار اشىلادى.
....
وبلىستا اتاۋلى الەۋمەتتىك كومەك الاتىندار سانى 11 مىڭ وتباسىنان (59 مىڭ ادام) 17 مىڭ وتباسىنا (87،4 مىڭ ادام) ارتاتىن بولادى.
...
وبلىس بيۋدجەتىنەن كوپبالالى جانە از قامتىلعان وتباسىلاردى قولداۋ ماقساتىندا قوسىمشا 3 ميلليارد تەڭگە ءبولىندى.
...
وڭىردە 7-20-25 باعدارلاماسى بويىنشا 1 ملن تەڭگەدەن كوپبالالى وتباسىلارعا ارنالعان تۇرعىن ءۇي سەرتيفيكاتتارى بەرىلەدى.
رەداكسيادان:
الماتى وبلىسىندا كوپبالالى وتباسىلارعا قانداي كومەك كورسەتىلەتىنىن ءالى دە بولسا تەرەڭىرەك زەرتتەپ، «قالا مەن دالانىڭ» كەلەسى سانىندا جاريالايتىن بولامىز.
