Kópbalaly otbasylarǵa kómektesý kimge de bolsa saýapty is.
Búgingi kúni Almaty oblysynda 40 myń asa kópbalaly otbasy turyp jatyr.
Iá, olardyń turmys deńgeii, ál-aýqaty, tabys kórsetkishi ártúrli ekeni túsinikti. Osy sebepti de eń aldymen, ailyǵy shailyǵyna jetpeitin, kúnkórisi tómen kópbalaly otbasylarǵa kómek kórsetiletini Úkimette de, jergilikti deńgeide de talai aitylyp júr.
Bul oraida biz «Almaty oblysynda turatyn kópbalaly otbasylarǵa qandai kómek kórsetiledi?» degen sońǵy bir aiy boiyna redaktsiiaǵa (onyń ishinde «Qala men Dalanyń» áleýmettik jelidegi paraqshalaryna) tolassyz kelip jatqan oqyrmandar saýalyna jaýap bere ketkendi jón kórdik.
«Mundai otbasylardyń kiris jiyntyǵyn eseptegende kópbalaly otbasylarǵa, kópbalaly analarǵa beriletin memlekettik járdemaqylar, balalardyń múgedektigi úshin beriletin járdemaqylar, stipendiialar esepke alynbaidy.
Sonyń negizinde bizdiń oblysta ataýly áleýmettik kómek alatyndar sany 11 myń otbasynan (59 myń adam) 17 myń otbasyna (87,4 myń adam) artatyn bolady.
Sol siiaqty múgedek balalarǵa beriletin járdemaqy kólemi de 30 protsentke ulǵaiady, ony oblysta 8 108 otbasy alady», – degen edi óz sózinde Amandyq Batalov.
Budan bólek oblys biýdjetinen kópbalaly jáne az qamtylǵan otbasylardy qoldaý maqsatynda qosymsha 3 milliard teńge bólindi.
Osy qarajatqa kópbalaly otbasylaryna arnap salynatyn eki kóp qabatty úidiń jobalyq-smetalyq qujattaryn daiyndaý, qurylysyn bastaý, kottedjdi qalashyqtan úi bólý, 7-20-25 baǵdarlamasy boiynsha 1 mln teńdegen turǵyn úi sertifikattaryn bólý, JOO-ǵa qosymsha 100 grant bólý, osy sanattardaǵy otbasy balalaryn mektepte tegin ystyq tamaqpen qamtý jáne basqa da sharalar atqarylady.
Kópbalaly jáne az qamtylǵan otbasylarǵa kórsetiletin kómektiń biri parasy:
Kópbalaly otbasylardyń balalary mektepterde 100 paiyz ystyq tamaqpen qamtamasyz etiledi. Búginge deiin kópbalaly otbasynan shyqqan 32 myń bala tegin ystyq tamaqpen, mektep formasymen qamtamasyz etilgen, budan bólek olar jazǵy lagerlerde demalatyn bolady.
...
Oblys ortalyǵynda kópbalaly otbasylarǵa arnalǵan 2 kópqabatty turǵyn úidiń jobalyq-smetalyq qujattary ázirlenýde. Sonymen qatar kottedjdi qalashyqtan úi bólý máselesi qarastyrylatyn bolady.
...
Almaty oblysynda múgedek balalarǵa beriletin járdemaqy kólemi de 30 protsentke ulǵaiady, ony oblysta 8 108 otbasy alady.
...
Balabaqshalarda kópbalaly jáne az qamtylǵan otbasydan shyqqan 21 myń balanyń as-sýyn sýbsidiialaý josparlanyp otyr. Buǵan biýdjetten 2,1 mlrd teńge bólinbek.
...
Óńirdegi árbir aýdan men aýylda elektrondy áleýmettik karta ázirlenetin bolady. Sonymen birge oblys ortalyǵynda jáne árbir aýdan-aýyldarda kópbalaly jáne az qamtylǵan otbasylarǵa qyzmet kórsetetin «bir tereze» qaǵidaty boiynsha jumys isteitin ortalyqtar ashylady.
....
Oblysta ataýly áleýmettik kómek alatyndar sany 11 myń otbasynan (59 myń adam) 17 myń otbasyna (87,4 myń adam) artatyn bolady.
...
Oblys biýdjetinen kópbalaly jáne az qamtylǵan otbasylardy qoldaý maqsatynda qosymsha 3 milliard teńge bólindi.
...
Óńirde 7-20-25 baǵdarlamasy boiynsha 1 mln teńgeden kópbalaly otbasylarǵa arnalǵan turǵyn úi sertifikattary beriledi.
REDAKTsIIaDAN:
Almaty oblysynda kópbalaly otbasylarǵa qandai kómek kórsetiletinin áli de bolsa tereńirek zerttep, «Qala men Dalanyń» kelesi sanynda jariialaityn bolamyz.
