قازاقستان دا مٷشەسٸ بولىپ تابىلاتىن وپەك + ەلدەرٸ كەلەسٸ ايدا نارىقتاعى ٷلەسٸن ۇلعايتۋعا ۇمتىلا وتىرىپ, مۇناي ٶندٸرٸسٸ كٶلەمٸن ارتتىرۋعا ٶزارا كەلٸستٸ. الدىمەن بۇل اقپاراتپەن كەشكە Bloomberg بٶلٸستٸ. كٶپ ۇزاماي كەشكٸسٸن وپەك+ ەلدەرٸنٸڭ بٸرلەسكەن مەلٸمدەمەسٸ جارييالاندى, دەپ حابارلايدى Dalanews.kz.
Bloomberg اگەنتتٸگٸنٸڭ مەلٸمەتٸنشە, وپەك + ەلدەرٸ قازان ايىندا ٶندٸرٸس كٶلەمٸن تاعى ۇلعايتۋ تۋرالى شەشٸم قابىلدادى, ٶيتكەنٸ بۇل توپ باعانى قورعاۋدىڭ ورنىنا نارىقتاعى ٷلەسٸن ۇلعايتۋعا ۇمتىلىپ, بۇعان دەيٸن ۇستانىپ كەلگەن ساياساتتى ٶزگەرتۋگە نيەتتٸ.
راسىندا, وپەك+ ەلدەرٸنٸڭ بٸرلەسكەن مەلٸمدەمەسٸندە كٶرسەتٸلگەندەي, قازاقستان, ساۋد ارابيياسى, رەسەي, يراك, باە, كۋۆەيت, الجير جەنە ومان مۇناي ٶندٸرٸسٸ بويىنشا جوسپارلارىنا تٷزەتۋلەر ەنگٸزگەن.
"ەلەمدٸك ەكونوميكانىڭ تۇراقتى پەرسپەكتيۆالارىنا جەنە مۇناي قورىنىڭ تٶمەندٸگٸن كٶرسەتەتٸن نارىقتىڭ قولايلى ٸرگەلٸ كٶرسەتكٸشتەرٸنە بايلانىستى حالىقارالىق ۇيىمنىڭ سەگٸز قاتىسۋشى ەلٸ مۇناي ٶندٸرٸسٸ كٶلەمٸن تەۋلٸگٸنە 137 مىڭ باررەلگە ارتتىرۋ جٶنٸندە شەشٸم قابىلدادى. بۇل شەشٸم 2025 جىلدىڭ قازان ايىندا جٷزەگە اسىرىلادى", دەلٸنگەن رەسمي قۇجاتتا.
قازان ايىنداعى ٶندٸرٸستٸڭ ۇلعايۋى 2026 جىلدىڭ سوڭىنا جوسپارلانعان تەۋلٸگٸنە 1,66 ميلليون باررەلگە دەيٸن قىسقارتۋ شارالارىن قالپىنا كەلتٸرۋگە باستاما بولماق.
"ٶندٸرٸس كٶلەمٸنٸڭ بۇل جولعى ارتۋى وپەك پەن ونىڭ سەرٸكتەستەرٸنٸڭ تٷبەگەيلٸ بەتبۇرىسقا بەت العانىن ناقتىلاي الادى. سوڭعى ايلاردا توپ مۇناي نارىقتارىن دٷر سٸلكٸندٸرٸپ, جوسپارلانعان مەرزٸمنەن بٸر جىل بۇرىن 2,2 ميلليون باررەلگە توقتاتىلعان ٶندٸرٸستٸ قالپىنا كەلتٸردٸ, سٶيتٸپ الدا ورىن الماق پروفيتسيتكە قاراماستان نارىقتاعى ٶز ٷلەستەرٸن قالپىنا كەلتٸرۋگە ۇمتىلۋدا. ٶندٸرٸس كٶلەمٸن ودان سايىن ارتتىرۋ اقش پرەزيدەنتٸ دونالد ترامپقا مايداي جاعۋى مٷمكٸن. ٶيتكەنٸ ول اراب ەلدەرٸن ينفلياتسييانى تەجەۋ جەنە ۋكرايناعا قارسى سوعىستى توقتاتۋ ٷشٸن رەسەيگە قىسىم جاساۋ قۇرالى رەتٸندە مۇناي باعاسىن تٶمەندەتۋگە بٸرنەشە رەت شاقىرعان بولاتىن", دەپ جازادى Bloomberg.
رەسمي قۇجات قوسىمشاسىنداعى تٶمەندەگٸ كەستە مەلٸمەتٸنە سٷيەنسەك, قازاقستان قازان ايىندا وپەك + شەڭبەرٸندە مۇناي ٶندٸرٸسٸ كٶلەمٸن تەۋلٸگٸنە 1,556 ملن باررەلگە دەيٸن ارتتىرا الادى.
وپەك-تەگٸ بارلىق سەگٸز ەل بۇل شارا ٶزدەرٸنٸڭ ٶتەماقى بويىنشا تٶلەمدٸ جەدەلدەتۋگە مٷمكٸندٸك بەرەتٸنٸن ناقتىلايدى.
ايتا كەتسەك, ٶتكەن اپتادا عانا قر ەنەرگەتيكا مينيسترلٸگٸ ەلٸمٸزدە تامىز ايىندا مۇناي ٶندٸرۋ كٶلەمٸ 2%-عا ارتقانى تۋرالى اقپاراتتى تەرٸسكە شىعارعان بولاتىن. ەنەرگەتيكا مينيسترلٸگٸ تامىزدا قازاقستاندا مۇناي ٶندٸرۋ كٶلەمٸ تەۋلٸگٸنە 1,712 ملن باررەلدٸ قۇراعانىن ناقتىلايدى. بۇل كٶرسەتكٸش شٸلدە ايىمەن سالىستىرعاندا تەۋلٸگٸنە 48 مىڭ باررەلگە تٶمەن.
"ەنەرگەتيكا مينيسترلٸگٸ "ەلٸمٸزدە مۇناي ٶندٸرۋ دەڭگەيٸ تامىزدا ٶتكەن ايمەن سالىستىرعاندا ارتا تٷستٸ" دەگەن كەيبٸر بۇقارالىق اقپارات قۇرالدارىنداعى اقپاراتتى تٷبەگەيلٸ جوققا شىعارادى", دەلٸنگەن 3 قىركٷيەكتە جارييالانعان مينيسترلٸك مەلٸمدەمەسٸندە.
