كوروناۆيرۋس ينفەكتسيياسىنىڭ تارالۋىنا بايلانىستى بۇل جولعى مەجٸلٸس ونلاين فورماتتا ۇيىمداستىرىلدى.
بٸزدٸڭ ەلدٸڭ پوزيتسيياسىن ەنەرگەتيكا مينيسترٸ نۇرلان نوعاەۆ باستاعان دەلەگاتسييا بٸلدٸردٸ. ۆەدومستۆونىڭ باسپاسٶز قىزمەتٸ حابارلاعانداي شارادا ەلەمدٸك مۇناي نارىعىنداعى احۋال ەڭگٸمە بولعان.
مينيستر نوعاەۆ وپەك+ ۇيىمىنىڭ ٶزارا ۋاعدالاستىعى شەڭبەرٸندە جاھاندىق مۇناي ٶندٸرٸسٸندەگٸ جاعداي وڭ باعىتقا ٶزگەرگەنٸن تٸلگە تيەك ەتتٸ.
قازاقستان كەلٸسٸمگە كٸرەتٸن مەملەكەتتەردٸڭ قازٸرگٸ ٶندٸرٸس كٶلەمٸن كٶبەيتۋ تۋرالى ۇسىنىسىن قولدادى.
“كەزدەسۋ نەتيجەسٸ بويىنشا وپەك+ ەلدەرٸ مۇناي ٶندٸرۋدٸڭ ەزٸرگٸ كٶلەمٸن ۇيىمعا كٸرەتٸن مەملەكەتتەر 5,8 ميلليون باررەل مٶلشەرٸندەگٸ كٷندٸك ليميتتٸ ەسەپكە الىپ, اي سايىن كٷنٸنە 400 مىڭ باررەلگە جۋىق ۇجىمدىق ۇلعايتۋ تۋرالى ۇيعارىمعا كەلدٸ.
بۇدان سىرت بيىلعى جىلدىڭ جەلتوقسانىندا وپەك+-كە بٸرٸككەن ەلدەر اراسىندا مۇناي-گاز نارىعىنىڭ احۋالىن جەنە كەلەشەكتە جٷزەگە اساتىن ٸس-شارالاردى تالقىلاۋ ماقساتىندا مەجٸلٸس ٶتكٸزۋ تۋرالى شەشٸم قابىلداندى”, – دەپ جازىلعان حابارلامادا.
وپەك+ اياسىنداعى مٸندەتتەمە بويىنشا بٸزدٸڭ ەل الداعى ايدا كٷنٸنە 1,4 ميلليون باررەل جەنە بۇدان كەيٸن اي سايىن ورتاشا ەسەپپەن العاندا ٶندٸرٸستٸ تەۋلٸگٸنە 16 مىڭ باررەلگە ۇلعايتىپ وتىرماق.
#قازاقستانوپەك
