ونىڭ ايتۋىنشا، وڭىردە سونىمەن قاتار 803 الەۋمەتتىك، 723 مادەنيەت مەكەمەسى، 61 سپورت نىسانى مەن جۇمىسپەن قامتۋ سالاسىنداعى 19 مەكەمە قىس مەرزىمىنە تولىق ازىرلىكتەن وتكەن. ال وبلىستاعى 3209 بيۋدجەتتىك مەكەمە 176،9 مىڭ توننا قاتتى جانە 5،8 ملن ليتر سۇيىق وتىنمەن قامتاماسىز ەتىلگەن.
«بۇگىنگى تاڭدا وبلىسىمىزداعى ورتالىقتاندىرىلعان جىلۋمەن قامتاماسىز ەتىلەتىن 2327 كوپقاباتتى تۇرعىن ءۇيدىڭ 2094ء-ى قىسقا ماۋسىمعا دايىندىقتان وتكەن. قالعان 233 ءۇيدى 1 قاراشاعا تولىق دايىنداۋ جوسپارلانىپ وتىر. سونداي-اق، جىلۋ ەنەرگياسىن ءوندىرۋشى كاسىپورىندارعا قاتتى وتىن قورى كەستەگە سايكەس تاسىمالدانۋدا»، - دەدى م.مارايىم.
سونداي-اق باسپا ءسوز كونفەرەنسياسىندا شىمكەنت قالاسىنىڭ جىلۋ بەرۋ ماۋسىمىنا دايىندىق بارىسىن بايانداعان قالا اكىمىنىڭ ورىنباسارى بەيسەنبەك جانبوسىنوۆ ورتالىقتاندىرىلعان جىلۋ جۇيەسىنە قالانىڭ 1811 كوپقاباتتى ۇيلەرى قوسىلعانىن اتاپ ءوتتى. سپيكەردىڭ مالىمدەۋىنشە، اتالعان كوپقاباتتى تۇرعىن ۇيلەردىڭ بۇگىنگى تاڭدا 1610-نى جىلۋ ماۋسىمىنا دايىن. ال، قالعان تۇتىنۋشىلار جىلۋ ماۋسىمىنا دەيىن دايىندىق جۇمىستارىن اياقتايدى.
بۇگىنگى تاڭدا قالانىڭ وڭتۇستىك بولىگىندەگى ديامەترى 1000 مم جىلۋ جۇيەسى تولىعىمەن سۋعا تولتىرىلسا، ەرتەڭنەن باستاپ قالانىڭ وڭتۇستىك بولىگىندەگى ماگيسترالدىق جانە ىشكى ورامدىق جىلۋ جۇيەلەرىن سۋمەن تولتىرۋ جۇمىستارى باستالادى ەكەن. ال قالانىڭ سولتۇستىك بولىگىندەگى جىلۋ جۇيەلەرىنە قازان ايىنىڭ 1-نەن باستالادى.
وبلىستاعى بيۋدجەتتىك مەكەمەلەر مەن كوپقاباتتى تۇرعىن ۇيلەرگە جىلۋ بەرۋ ارنايى بەكىتىلگەن ەرەجەگە سايكەس جۇرگىزىلەتىن بولادى. ياعني، سىرتقى اۋا تەمپەراتۋراسىنىڭ ورتاشا كورسەتكىشى 5 تاۋلىك بويى +5°س جانە ودان تومەن بولسا، جىلىتۋ ماۋسىمىن باستاۋ تۋرالى شەشىم قابىلدانادى.
ايتا كەتەيىك، بۇگىن وڭتۇستىك قازاقستان وبلىسىنىڭ اكىمى ج.تۇيمەبايەۆتىڭ توراعالىعىمەن وتكەن سەلەكتورلىق جيىندا وبلىستىڭ 2017-2018 جىلدارداعى جىلۋ بەرۋ ماۋسىمىنا دايىندىق بارىسى قارالعان بولاتىن.
وندا اكىم قىس مەرزىمىنە دايىندىق جۇمىستارى بويىنشا اپتا سايىن تۇراقتى تۇردە مونيتورينگ جۇرگىزىپ، باقىلاۋعا الۋ قاجەتتىگىن ايتىپ، ءتيىستى سالا باسشىلارىنا ناقتى مىندەتتەمەلەر جۇكتەدى.
وقو اكىمىنىڭ باسپا ءسوز قىزمەتى
