سالتاناتتى جيىندا سٶز العان ٶڭٸر باسشىسى بارشا وڭتٷستٸكقازاقستاندىق بٸتٸرۋشٸ تٷلەكتەردٸ قۇتتىقتاپ, بٸلٸمدٸ, بيٸك پاراساتتى جەنە ەلٸمٸزدٸڭ ٷلگٸلٸ ازاماتى بولىپ ٶسۋٸن تٸلەدٸ.
– سٸزدەر ەلباسى ارمانداعان «مەڭگٸلٸك ەل» – يدەياسىنىڭ قۇرىلىسشىلارى ەكەندەرٸڭٸزدٸ ەشۋاقىتتا ەستەن شىعارماڭىزدار. مەكتەپ پەن جوعارى وقۋ ورىندارىندا الاتىن بٸلٸم ارقىلى سٸزدەر ەلٸمٸزدٸڭ ٷلگٸلٸ ازاماتى بولادى دەپ سەنەمٸن. قانداي ماماندىقتىڭ يەسٸ بولساڭىزدار دا باستىسى, ٶز ەلٸمٸزدٸڭ پاتريوتى بولۋدى ۇمىتپاڭىزدار. وبلىسىمىزدىڭ بٸلٸم سالاسى 2016-2017 وقۋ جىلىندا رەسپۋبليكالىق دەڭگەيدە جوعارى كٶرسەتكٸشتەرگە قول جەتكٸزدٸ. مۇنىڭ بارلىعى ۇستازداردىڭ قاجىرلى ەڭبەگٸنٸڭ نەتيجەسٸ دەپ بٸلەمٸن. اتاپ ايتقاندا, وقۋشىلارىمىز رەسپۋبليكالىق وليمپيادادا 30 جٷلدەلٸ ورىن مەن 6 گرانتتى يەلەندٸ. جاراتىلىستانۋ – ماتەماتيكا باعىتى بويىنشا «ەڭ ٷزدٸك وليمپيادالىق كوماندا – 2017» اتاعىن جەڭٸپ السا, تٷرلٸ حالىقارالىق وليمپيادالار مەن عىلىمي جوبالار بايقاۋلارىندا 50-دەن اسا جٷلدەلٸ ورىندارعا يە بولدى, – دەدٸ ەكٸم.
جالپى بٷگٸن وبلىستاعى 1028 مەكتەپتە «سوڭعى قوڭىراۋ» سالتاناتتى شاراسى ٶتتٸ. 2016-2017 وقۋ جىلىندا وبلىستاعى مەكتەپتەردە 611 318 بٸلٸم السا, ونىڭ ٸشٸندە 33112 وقۋشى مەكتەپ قابىرعاسىمەن قوشتاستى.
بٸتٸرۋشٸلەردٸڭ ٸشٸندە 1370 وقۋشى «التىن بەلگٸگە» ٷمٸتكەر بولسا, 863 بالا جالپى ورتا بٸلٸم تۋرالى ٷزدٸك اتتەستات الۋعا نيەت بٸلدٸردٸ. ال, 9-سىنىپتى بٸتٸرۋشٸ 46153 وقۋشىنىڭ 3444-ٸ نەگٸزگٸ بٸلٸم تۋرالى ٷزدٸك كۋەلٸككە ٷمٸتكەر بولىپ وتىر.
ايتا كەتەيٸك, بيىل ۇلتتىق بٸرىڭعاي تەستٸلەۋگە 23760 بٸتٸرۋشٸ ٶتٸنٸش بٸلدٸردٸ. بۇل تٷلەكتەردٸڭ 71,8 پايىزىن قۇرايدى. سونداي-اق, بٸتٸرۋشٸلەر 29 مامىر مەن 9 ماۋسىم ارالىعىندا مەكتەپتە قورىتىندى اتتەستتاتتاۋدان ٶتكٸزٸلسە, 20 ماۋسىم مەن 1 شٸلدە ارالىعىندا ۇبت تاپسىرادى.
وقو ەكٸمٸنٸڭ باسپاسٶز قىزمەتٸ
