Saltanatty jiynda sóz alǵan óńir basshysy barsha ońtústikqazaqstandyq bitirýshi túlekterdi quttyqtap, bilimdi, biik parasatty jáne elimizdiń úlgili azamaty bolyp ósýin tiledi.
– Sizder Elbasy armandaǵan «Máńgilik el» – ideiasynyń qurylysshylary ekenderińizdi eshýaqytta esten shyǵarmańyzdar. Mektep pen joǵary oqý oryndarynda alatyn bilim arqyly sizder elimizdiń úlgili azamaty bolady dep senemin. Qandai mamandyqtyń iesi bolsańyzdar da bastysy, óz elimizdiń patrioty bolýdy umytpańyzdar. Oblysymyzdyń bilim salasy 2016-2017 oqý jylynda respýblikalyq deńgeide joǵary kórsetkishterge qol jetkizdi. Munyń barlyǵy ustazdardyń qajyrly eńbeginiń nátijesi dep bilemin. Atap aitqanda, oqýshylarymyz respýblikalyq olimpiadada 30 júldeli oryn men 6 grantty ielendi. Jaratylystaný – matematika baǵyty boiynsha «Eń úzdik olimpiadalyq komanda – 2017» ataǵyn jeńip alsa, túrli halyqaralyq olimpiadalar men ǵylymi jobalar baiqaýlarynda 50-den asa júldeli oryndarǵa ie boldy, – dedi ákim.
Jalpy búgin oblystaǵy 1028 mektepte «Sońǵy qońyraý» saltanatty sharasy ótti. 2016-2017 oqý jylynda oblystaǵy mektepterde 611 318 bilim alsa, onyń ishinde 33112 oqýshy mektep qabyrǵasymen qoshtasty.
Bitirýshilerdiń ishinde 1370 oqýshy «Altyn belgige» úmitker bolsa, 863 bala jalpy orta bilim týraly úzdik attestat alýǵa niet bildirdi. Al, 9-synypty bitirýshi 46153 oqýshynyń 3444-i negizgi bilim týraly úzdik kýálikke úmitker bolyp otyr.
Aita keteiik, biyl ulttyq biryńǵai testileýge 23760 bitirýshi ótinish bildirdi. Bul túlekterdiń 71,8 paiyzyn quraidy. Sondai-aq, bitirýshiler 29 mamyr men 9 maýsym aralyǵynda mektepte qorytyndy attesttattaýdan ótkizilse, 20 maýsym men 1 shilde aralyǵynda UBT tapsyrady.
OQO ákiminiń baspasóz qyzmeti
