وڭتۇستىكتە ۇلتتىق جاستار دەلفييلىك ويىندارى ءوتتى

Dalanews 18 مام. 2017 07:13 387

وڭتۇستىك قازاقستان وبلىسىندا ونەرلى جاستاردى قولداۋ جانە ەل اراسىندا تانىتۋ، ولاردى تولەرانتتى رۋحتا تاربيەلەۋ ماقساتىندا ۇلتتىق جاستار دەلفييلىك ويىندارىنىڭ وبلىستىق بايقاۋى وتكىزىلدى. بيىل ءحىىى رەت شىمىلدىعىن تۇرگەن بۇل بايقاۋدى وڭتۇستىك قازاقستان وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ «جاستار رەسۋرستىق ورتالىعى» ۇيىمداستىردى.



شىعارماشىلىق سالانىڭ 15 تۇرىنەن: فورتەپيانو، بايان-اككوردەون، سكريپكا، دومبىرا، قىلقوبىز، اكادەميالىق ءان سالۋ، ءداستۇرلى ءان، ەسترادالىق ءان، حالىق ءبيى، كلاسسيكالىق بي، قازىرگى زامان ءبيى، بەينەلەۋ ونەرى، جۋرناليستيكا، پوەزيا جانە ۇلتتىق قولونەر شىعارماشىلىعى، ىم-يشارات تىلىندە ءان ايتۋ سياقتى نوميناسيالار بويىنشا تارتىستى وتكەن شىعارماشىلىق دوداعا اۋدان-قالالاردان 200-دەن اسا شىعارماشىل جاستار قاتىستى.

ۇلتتىق رۋح پەن شىنايى كاسىبيلىك تۋراسىندا جارىسقا تۇسكەن جاستاردىڭ 39-ى ءتۇرلى ونەر اتالىمدارى بويىنشا ديپلومدارمەن جانە ارنايى سىيلىقتارمەن ماراپاتتالدى.

بايقاۋ جەڭىمپازدارى ءحىىى ۇلتتىق جاستار دەلفييلىك ويىندارىنىڭ رەسپۋبليكالىق بايقاۋىنا جولداما الدى.

 



 

وقو اكىمىنىڭ باسپا ءسوز قىزمەتى

ۇسىنىلعان
سوڭعى جاڭالىقتار