كوميسسيا ءتوراعاسىنىڭ ايتۋىنشا، 2017 جىلدىڭ 26 ناۋرىزىندا وتەتىن سايلاۋعا بارلىعى 28 ۇمىتكەر ۇسىنىلىپ، ونىڭ بىرەۋى ءوز ءوتىنىشىن كەرى قايتارىپ الىپتى. ەستەرىڭىزگە سالا كەتسەك، وتكەن جىلى ءتۇرلى سەبەپتەرمەن وبلىستىق ماسليحاتتا 3 ورىن، اۋداندىق ماسليحاتتا 1 جانە قالالىق ماسليحاتتا 2 ورىن بوساعان بولاتىن.
«ەكى ۇمىتكەردىڭ قۇجاتتارى تولىق بولماعاندىقتان تىركەۋدەن وتپەدى. تىركەلگەندەر سانى 25ء-تى قۇراپ وتىر. ولاردىڭ التاۋى «نۇر وتان» پارتياسىنان ۇسىنىلسا، باسقا پارتيادان ۇسىنىلعان كانديداتتار جوق. 19 ۇمىتكەر ءوزىن-وزى ۇسىندى»، - دەدى الىبەك كادەن ۇلى.
ايتا كەتەيىك، سايلاۋ كوميسسيالارى ۇگىت ماتەريالدارىنىڭ زاڭناماعا سايكەس ورنالاستىرىلۋىن باقىلاۋدى جۇزەگە اسىراتىن بولادى. سايلاۋ الدىنداعى ۇگىت-ناسيحات جۇمىستارىن جۇرگىزۋگە ۇمىتكەردىڭ سەنىمدى وكىلدەرى جۇمىلدىرىلادى. سونداي-اق كانديداتتار سەنىم بىلدىرگەن ادامداردى ءتيىستى وكرۋگتە ءوز قالاۋى بويىنشا انىقتايدى.
قازاقستان رەسپۋبليكاسىنىڭ سايلاۋ تۋرالى كونستيتۋسيالىق زاڭىنىڭ 27، 28 - بابىنىڭ تالاپتارىنا ساي جانە وبلىستىق اۋماقتىق سايلاۋ كوميسسياسىنىڭ بەكىتىلگەن نەگىزگى ءىس-شارالاردىڭ كۇنتىزبەلىك جوسپارى بويىنشا ۇگىت جۇمىستارى 1 ناۋرىزدا باستالىپ، 24-ناۋرىزدا ساعات 24:00 اياقتالادى.
قازىرگى تاڭدا وبلىستىق اۋماقتىق سايلاۋ كوميسسياسى سايلاۋ وتەتىن جەرلەردە سەمينار-كەڭەستەر وتكىزۋگە كىرىسكەن. سونداي-اق شىمكەنت قالالىق، ماقتاارال جانە سايرام اۋداندىق اۋماقتىق سايلاۋ كوميسسيالارى ۇگىت-ناسيحات جۇرگىزۋ بويىنشا مەتوديكالىق نۇسقاۋلىقتارمەن تولىق قامتاماسىز ەتىلگەن. بۇدان بولەك، كۇنتىزبەلىك جوسپارعا ساي وبلىستاعى قالالار مەن بارلىق اۋدانداردا كانديداتتاردىڭ سايلاۋشىلارمەن كەزدەسۋ ورنى انىقتالىپ، كەزدەسۋ كەستەسى ءتۇزىلىپ قويعان.
وبلىستىق اۋماقتىق سايلاۋ كوميسسياسىنىڭ ءتوراعاسى الداعى سايلاۋ ناۋقانىنىڭ ءادىل دە، شىنايى ءارى زاڭ تالابىنا ساي وتەتىندىگىن حابارلادى. سونداي-اق ول سايلاۋشىلاردىڭ وسى ناۋقانعا بىركىسىدەي اتسالىسۋعا شاقىردى.
وقو اكىمىنىڭ باسپا ءسوز قىزمەتى
