Ońtústikte Máslihattaǵy bos oryndarǵa úmitkerler anyqtaldy
Komissiia tóraǵasynyń aitýynsha, 2017 jyldyń 26 naýryzynda ótetin sailaýǵa barlyǵy 28 úmitker usynylyp, onyń bireýi óz ótinishin keri qaitaryp alypty. Esterińizge sala ketsek, ótken jyly túrli sebeptermen oblystyq maslihatta 3 oryn, aýdandyq maslihatta 1 jáne qalalyq maslihatta 2 oryn bosaǵan bolatyn.
«Eki úmitkerdiń qujattary tolyq bolmaǵandyqtan tirkeýden ótpedi. Tirkelgender sany 25-ti qurap otyr. Olardyń altaýy «Nur Otan» partiiasynan usynylsa, basqa partiiadan usynylǵan kandidattar joq. 19 úmitker ózin-ózi usyndy», - dedi Álibek Kádenuly.
Aita keteiik, sailaý komissiialary úgit materialdarynyń zańnamaǵa sáikes ornalastyrylýyn baqylaýdy júzege asyratyn bolady. Sailaý aldyndaǵy úgit-nasihat jumystaryn júrgizýge úmitkerdiń senimdi ókilderi jumyldyrylady. Sondai-aq kandidattar senim bildirgen adamdardy tiisti okrýgte óz qalaýy boiynsha anyqtaidy.
Qazaqstan Respýblikasynyń sailaý týraly Konstitýtsiialyq zańynyń 27, 28 - babynyń talaptaryna sai jáne oblystyq aýmaqtyq sailaý komissiiasynyń bekitilgen negizgi is-sharalardyń kúntizbelik jospary boiynsha úgit jumystary 1 naýryzda bastalyp, 24-naýryzda saǵat 24:00 aiaqtalady.
Qazirgi tańda oblystyq aýmaqtyq sailaý komissiiasy sailaý ótetin jerlerde seminar-keńester ótkizýge kirisken. Sondai-aq Shymkent qalalyq, Maqtaaral jáne Sairam aýdandyq aýmaqtyq sailaý komissiialary úgit-nasihat júrgizý boiynsha metodikalyq nusqaýlyqtarmen tolyq qamtamasyz etilgen. Budan bólek, kúntizbelik josparǵa sai oblystaǵy qalalar men barlyq aýdandarda kandidattardyń sailaýshylarmen kezdesý orny anyqtalyp, kezdesý kestesi túzilip qoiǵan.
Oblystyq aýmaqtyq sailaý komissiiasynyń tóraǵasy aldaǵy sailaý naýqanynyń ádil de, shynaiy ári zań talabyna sai ótetindigin habarlady. Sondai-aq ol sailaýshylardyń osy naýqanǵa birkisidei atsalysýǵa shaqyrdy.
OQO ákiminiń baspasóz qyzmeti
