ونىڭ ايتۋىنشا، اعىمداعى جىلى كوكتەمگى دالا جۇمىستارىن جۇرگىزۋگە شىمكەنت مۇناي وڭدەۋ زاۋىتىنان وبلىسقا 38 مىڭ توننا جانارماي بولىنگەن. ونىڭ ىشىندە اقپان ايىنا – 4 مىڭ توننا، ناۋرىز ايىنا – 19 مىڭ توننا، ال مامىر ايىنا - 15 مىڭ توننا قاراستىرىلىپ وتىر.
– ق ر اۋىل شارۋاشىلىعى مينيسترلىگى تاراپىنان بولىنگەن 1 توننا ديزەل وتىنىنىڭ زاۋىتتاعى بوساتىلۋ باعاسى – 156 مىڭ تەڭگە شاماسىندا بەلگىلەندى. ليترگە شاققاندا – 130 تەڭگە، وپەراتوردىڭ اگروقۇرىلىمدارعا جەتكىزۋ قىزمەتىن قوسا ەسەپتەگەندە 1 ءليترى – 138-140 تەڭگە كولەمىندە. جانارماي تاسىمالداۋشى وپەراتورلار ءتىزىمى بەلگىلەنىپ، مۇناي وڭدەۋ زاۋىتىمەن كەلىسىم-شارت جاساسىپ، 21،5 مىڭ توننا ديزەل وتىنىنا تولەم جاسالدى. بۇگىنگى كۇنى ءبىرقاتار اۋداندار جانارماي تاراتۋ جۇمىستارىن باستاپ كەتتى، – دەدى سەرىك وردابەك ۇلى.
بۇدان وزگە، ايدالۋعا ءتيىستى 507،8 مىڭ گەكتار جەردىڭ 99،2 پايىزى جىرتىلعان. ال سور شايۋ جۇمىستارى 101،8 مىڭ گەكتارعا مەجەلەنىپ، 83،9 مىڭ گەكتار جەردىڭ سورى شايىلدى.
ايتا كەتەرلىگى، وبلىستا تاۋار وندىرۋشىلەر جازدىق داقىلداردىڭ تۇقىمىمەن تولىق قامتاماسىز ەتىلگەن. اۋدانداردىڭ مالىمەتى بويىنشا ەگىلگەن 182 مىڭ گەكتار كۇزدىك استىقتىڭ جاعدايى قالىپتى.
وقو اكىمىنىڭ باسپا ءسوز قىزمەتى
