Ońtústikte kóktemgi dala jumystaryna 38 myń tonna janarmai bólindi
Onyń aitýynsha, aǵymdaǵy jyly kóktemgi dala jumystaryn júrgizýge Shymkent munai óńdeý zaýytynan oblysqa 38 myń tonna janarmai bólingen. Onyń ishinde aqpan aiyna – 4 myń tonna, naýryz aiyna – 19 myń tonna, al mamyr aiyna - 15 myń tonna qarastyrylyp otyr.
– QR Aýyl sharýashylyǵy ministrligi tarapynan bólingen 1 tonna dizel otynynyń zaýyttaǵy bosatylý baǵasy – 156 myń teńge shamasynda belgilendi. Litrge shaqqanda – 130 teńge, operatordyń agroqurylymdarǵa jetkizý qyzmetin qosa eseptegende 1 litri – 138-140 teńge kóleminde. Janarmai tasymaldaýshy operatorlar tizimi belgilenip, munai óńdeý zaýytymen kelisim-shart jasasyp, 21,5 myń tonna dizel otynyna tólem jasaldy. Búgingi kúni birqatar aýdandar janarmai taratý jumystaryn bastap ketti, – dedi Serik Ordabekuly.
Budan ózge, aidalýǵa tiisti 507,8 myń gektar jerdiń 99,2 paiyzy jyrtylǵan. Al sor shaiý jumystary 101,8 myń gektarǵa mejelenip, 83,9 myń gektar jerdiń sory shaiyldy.
Aita keterligi, oblysta taýar óndirýshiler jazdyq daqyldardyń tuqymymen tolyq qamtamasyz etilgen. Aýdandardyń málimeti boiynsha egilgen 182 myń gektar kúzdik astyqtyń jaǵdaiy qalypty.
OQO ákiminiń baspasóz qyzmeti
