وبلىستا قوزىقۇيرىق وسىرۋدە ەڭ العاشقى ءىر جوبا بولىپ تابىلاتىن فەرمانىڭ جۇمىسىمەن جۋرناليستەر وبلىس اكىمىنىڭ باسپا ءسوز قىزمەتى ۇيىمداستىرعان پرەسس-تۋر بارىسىندا تانىستى.
قوزىقۇيرىقتىڭ ا15 سورتىن ءوسىرىپ شىعاراتىن فەرما تۇقىمدى گوللانديا ەلىنەن اكەلەدى. فەرمادا كولەمى 280 شارشى مەتر بولاتىن 12 كامەرا بار. مۇندا ەگىلگەن قوزىقۇيرىق ءۇش ايدا دايىن بولادى. ياعني، شارۋالار جىلىنا 4 رەت ءونىم ەگىپ الا الادى. ءقازىر وسى كامەرالاردا وسكەن قوزىقۇيرىقتىڭ كەلىسىن 800-1000 تەڭگەدەن وتكىزىپ وتىر. العاشقى ءونىمىن جيناپ وتىرعان فەرما بۇگىنگە دەيىن 5 توننا ءونىم جيناپ، ونى قاراعاندى، الماتى، شىمكەنت قالالارىنىڭ نارىعىنا شىعارۋدا. قوزىقۇيرىقتىڭ ادام اعزاسىنا تيگىزەر پايداسىنىڭ مول ەكەنىن ايتقان فەرما باسشىلىعى بۇل كاسىپتىڭ ءتۇرىن پولشا ەلىندەگى ارىپتەستەرىنەن ۇيرەنگەنىن ايتادى.
قوزىقۇيرىقتار جەۋگە جارايتىن باسقا ساڭىراقۇلاقتار سياقتى قۇندى اقۋىزدارعا، كومىرسۋلار مەن ورگانيكالىق قىشقىلدارعا باي. سونىمەن قاتار قۇرامىندا PP، E، D، B دارۋمەندەرى، جۇرەك-قان تامىرلارى جۇمىسىنا جايلى اسەر ەتەتىن كالسيي، ماگنيي، مىرىش بار.
وقو اكىمىنىڭ باسپا ءسوز قىزمەتى
