Oblysta qozyquiryq ósirýde eń alǵashqy ir joba bolyp tabylatyn fermanyń jumysymen jýrnalister oblys ákiminiń baspasóz qyzmeti uiymdastyrǵan press-týr barysynda tanysty.
Qozyquiryqtyń A15 sortyn ósirip shyǵaratyn ferma tuqymdy Gollandiia elinen ákeledi. Fermada kólemi 280 sharshy metr bolatyn 12 kamera bar. Munda egilgen qozyquiryq úsh aida daiyn bolady. Iaǵni, sharýalar jylyna 4 ret ónim egip ala alady. Qazir osy kameralarda ósken qozyquiryqtyń kelisin 800-1000 teńgeden ótkizip otyr. Alǵashqy ónimin jinap otyrǵan ferma búginge deiin 5 tonna ónim jinap, ony Qaraǵandy, Almaty, Shymkent qalalarynyń naryǵyna shyǵarýda. Qozyquiryqtyń adam aǵzasyna tigizer paidasynyń mol ekenin aitqan ferma basshylyǵy bul kásiptiń túrin Polsha elindegi áriptesterinen úirengenin aitady.
Qozyquiryqtar jeýge jaraityn basqa sańyraqulaqtar siiaqty qundy aqýyzdarǵa, kómirsýlar men organikalyq qyshqyldarǵa bai. Sonymen qatar quramynda PP, E, D, B dárýmenderi, júrek-qan tamyrlary jumysyna jaily áser etetin kaltsii, magnii, myrysh bar.
OQO ákiminiń baspasóz qyzmeti
