بۇگىن وڭتۇستىك قازاقستان وبلىسىندا «قازاقستان بالالارى شەكسىز الەمدە!» رەسپۋبليكالىق شىعارماشىلىق كينو فەستيۆالى باستالدى. ق ر ءبىلىم جانە عىلىم مينيسترلىگىنىڭ باستاماسىمەن وڭتۇستىكتە العاش رەت ۇيىمداستىرىلعان شاراعا مينيسترلىكتىڭ قوسىمشا ءبىلىم بەرۋدى دامىتۋ ورتالىعىنىڭ وكىلدەرى مەن وبلىس اكىمىنىڭ ورىنباسارى ۇ.سادىبەكوۆ، ەلىمىزدىڭ بارلىق ايماقتارىنان كەلگەن مەكتەپ وقۋشىلارى جانە ۇستازدار قاتىستى.

ەلباسى ن.ءا.نازاربايەۆتىڭ «رۋحاني جاڭعىرۋ: بولاشاققا باعدار» باعدارلاماسىنىڭ «تاربيە جانە ءبىلىم» تارماعىنداعى «دارىندىلار ەلى» جوباسى بويىنشا ىسكە اسقان بۇل شارا ۇزدىك كلاسسيكالىق جانە زاماناۋي ونەر ۇلگىلەرىن يگەرۋ، دارىندى بالالار مەن جاستاردى انىقتاۋ، تۇلعالىق رۋحاني مادەنيەتىن قالىپتاستىرا وتىرىپ، جاس ۇرپاقتى پاتريوتتىققا تاربيەلەۋ بولىپ تابىلادى.

[caption id="attachment_31834" align="aligncenter" width="915"] فوتو. سامات مىرزالييەۆ.[/caption]

رەسپۋبليكالىق شىعارماشىلىق كينو فەستيۆالىنە 600-دەن اسا وقۋشى قامتىلىپ وتىر. ونىڭ ىشىندە 160 وقۋشى دەڭگەيلى ۇمىتكەرلەر.

قاتىسۋشىلار بۇگىندە «اينالاعا قارا!» جانە «تۋعان جەر» تاقىرىپتارىندا ءتۇرلى جانرداعى قىسقامەتراجدى فيلمدەر مەن شىعارماشىلىق شەشىمى بار دەرەكتى فيلمدەر، انيماسيالىق جانە الەۋمەتتىك روليك، مۋزىكالىق فيلمدەر ۇسىنىپ وتىر.

فەستيۆال بارىسىندا «قامقورلىق» جوباسى شەڭبەرىندە ەرەكشە ءبىلىم بەرۋدى قاجەت ەتەتىن بالالاردىڭ  قولونەر بۇيىمدارى جيناقتالىپ، ارنايى جارمەڭكە ۇيىمداستىرىلىپ وتىر. سونىمەن قاتار، وڭتۇستىك وڭىرىنەن شىققان تانىمال دراما جانە كينو اكتەرلاردىڭ  فوتو-سۋرەت كورمەسى مەن «وڭتۇستىك فيلم» كينوستۋدياسىنىڭ  تاقىرىپتىق  بەينە ءفيلمى كورەرمەن نازارىنا  ۇسىنىلدى.

ەكى كۇنگە جالعاساتىن فەستيۆال قورىتىندىسىمەن جەڭىمپازدار ارنايى ديپلوم مەن سەرتيفيكاتپەن جانە باعالى سىيلىقتارمەن ماراپاتتالاتىن بولادى.

وقو اكىمىنىڭ باسپا ءسوز قىزمەتى

 

https://dalanews.kz/31829